首爾烤腸店推薦

哈囉，大家好，我哋係由韓國人話你知每日最新韓國資訊嘅Creatrip。

＃韓國烤腸店＃首爾烤腸店
＃弘大烤腸店＃江南烤腸店
＃鐘路＃新沙＃首爾大

韓國美食：烤腸可以話係韓國人最鍾意食嘅一款下酒菜，同時係嚟韓國必食美食之一。

基本上韓國烤腸大致可以分為兩種，一種係牛肥腸同另一種係豬肥腸，兩種都有佢好食之處。

今日小編要同大家介紹，就連韓國人都極推嘅烤腸餐廳，唔想錯過就要繼續睇落去啦！

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

韓國烤腸｜首爾大入口：一番地烤腸（일번지막창）

• 地址：서울 관악구 호암로 26가길 43
• 營業時間：每日16:00 - 02:00 年終無休

位於首爾大嘅一番地烤腸（豬），佢最大賣點就係無限refill，價錢真心勁平！

想同時食到烤腸同五花肉嘅話，一人只需₩14,900，完全係抵到爛！

呢度嘅五花肉仲要係厚切，軟得嚟又帶有嚼勁嘅口感，簡直係令人一試難忘！

首爾烤腸「一番地烤腸」資訊

韓國烤腸｜首爾忠武路：姨母家烤腸（이모네곱창）

• 地址：서울 중구 충무로2길 38-1
• 營業時間：17:00至23:30（每個月第二個禮拜星期日休息）

姨母家烤腸可以話係韓國人之中幾出名嘅一間烤腸專門店。

除咗有豬腸之外亦有牛腸，推薦大家嚟呢到嘅時候，一定要點「小豬三劍客」（돼지 상총사／₩29,000）。

一次過可以食到三隻味，包括鹽烤腸、醬油烤腸同辣烤腸。

如果想食牛腸，可以點佢哋嘅「牛和兄弟們」（소와 형제들／₩45,000）。

Set入面會有牛皺胃、大腸、胸肉、牛心等等，想同時食豬腸同牛腸嘅話，呢到可以一次過滿足兩個願望。

韓國烤腸｜首爾弘大：BOOYAS烤腸（부야스곱창）

• 地址：서울 마포구 어울마당로 136-13
• 營業時間：平日16:00至01:00；週末15:00至01:00

BOOYAS係一間連鎖店，弘大、江南、建大等地都有分店，所以唔洗驚搵唔到。

呢度嘅烤腸仲加入左血腸、蔬菜、烤腸、粉絲等，因為價錢平，所以受到唔少年輕人嘅喜愛。

其中，蒜頭烤腸（통마늘곱창）連電視節目都介紹過，烤腸同大蒜嘅配合，簡直係絕配！

但呢度嘅血腸有少少偏辣，唔食得太辣嘅朋友，建議可以加芝士，中和返個辣度。

最後一定要點埋佢哋嘅炒飯啊！

韓國烤腸｜首爾聖水洞：前進纛島腸（뚝섬곱으로）

• 地址：서울 성동구 왕십리로5길 9-2
• 營業時間：平日16:00至01:00；週末15:00至01:00

雖然店面有細咗少少，但係人氣真係唔講得笑，每日都好多人排隊食佢！如果去開聖水洞嗰頭更加唔可以錯過。

唔知係唔係因為用咗熱炒方式去炒，所以相對嚟講冇乜腥味。

同時因為唔係烤，所以食落口都冇咁油膩，配白飯食更加係一流。

提提大家，呢度要點兩人份以上先會開爐，量有啲多，唔洗怕食唔飽。

韓國烤腸｜首爾鐘閣：鐘路黃牛烤腸（종로황소곱창）

• 地址：서울 종로구 우정국로2길 31
• 時間：平日11:00至02:00；週末11:00至06:00

鐘路黃牛烤腸位於鐘閣站，可以話係唔少打工仔放工會去嘅聚腳點。

量適中，但價錢就偏貴咗少少。

如果大家唔夠飽，可以點多個炒飯食，味道都唔錯。

韓國烤腸｜首爾鐘閣：新村黃牛烤腸（신촌황소곱창）

• 地址：서울 종로구 삼일대로17길 17
• 營業時間：14:00至03:00

同樣地都係位於鐘閣站，但唔同嘅係呢度會有大量韭菜，鍾意食醋豬腸同韭菜嘅話，小編真心推薦大家嚟呢間！

韓國烤腸｜首爾新沙洞：新沙牛烤腸（신사소곱창）

• 地址：서울 강남구 압구정로2길 62
• 營業時間：星期一至星期六17:00至02:00；星期日17:00至01:00

最後一間烤腸店位於新沙林蔭大道，呢度最特別之處就係會撒上芝士粉，食起嚟會更香，同時帶有一點甜味。

呢度所用到嘅食材全部都係韓國產，但價錢一啲都唔貴。

食到最後一定要叫埋炒飯！老闆會用加少少湯汁去炒，同其他店好唔同。

想知係咩味？咁就一定要去試下啦！

呢幾間烤腸店各有特色，鍾意食烤腸嘅大家，嚟到韓國千祈唔好錯過！

🤞🏻 Creatrip Youtube上線囉

✨馬上Follow我哋IG
instagram.com/creatrip.hk