韓國超市必買攻略！

哈囉，大家好，我地係由韓國人每日提供最新韓國旅遊資訊既Creatrip。

韓國超市可以話係黎韓國必要既其中一個景點，最具代表性既三間韓國超市，分別係樂天超市、Emart、Homeplus啦。韓國超市之間既競爭亦都係十分激烈，佢地都有各自特別既地方，各位黎韓國旅行想行超市既話，今日就同小編一齊黎了解下，究竟係尼3間超市入面，邊一樣野係必買既戰利品啦！

閱讀文章前，可以先參考

一定要記得的！韓國超市當月公休日總整理

釜山購物必看！釜山必買樂天百貨、NC百貨、新世界、釜山樂天超市整理

韓國超市｜韓國必買：1. Emart（이마트）

韓國超市：Emart可以話係咁多間入面優惠最多既超市，1993年第一間店到依家，係比樂天超市、HomePlus仲要更耐歷史。而且除左一般特價超市之外，Emart仲開設左Emart Traders，同知名極高既Costco一樣係一間倉庫型既韓國超市，係這裡可以用更平既價格買到心頭好。

而係舊年既夏天，韓國超市：Emart更同SM經紀公司合作，推出左好多同當紅大勢偶像相關既周邊商品，雖然依家已經無得再買，但小編仲會好期待Emart之後仲會同邊間經紀公司合作。

＃韓國超市｜Emart：No Brand

韓國超市｜Emart

我諗大家應該都會知道Emart旗下最出名既No Brand品牌，No Brand更出左好多必買既商品。

原味洋芋片｜980韓元

紫薯洋芋片｜1,180韓元

Emart必買既商品，絕對係No Brand既薯片，平得黎仲要勁好食！係多人黎韓國旅行必買商品其中之一。

延伸閱讀：韓國專屬！韓國旅遊必買的洋芋片推薦總整理（含賣場資訊）

No Brand既朱古力餅乾亦都係人氣超高，超平既價格有咁大份量，而且味道係無得彈阿！CP值極高！。

另外，隔離既牛奶朱古力、黑朱古力亦都想推薦比大家。下次去Emart既時候，不妨係No Brand專區睇下有無尼D商品啦。

尼兩款同樣係韓國SNS上好熱門既Emart熱銷商品，分別係左邊既車打芝士波，同右邊既朱古力手指餅！

點解尼兩款一鹹一甜，會係韓國超市Emart中咁熱賣呢？因為左邊既車打芝士波，有小小鹹但非常適合配啤酒飲，而右邊係以價錢取勝，朱古力手指餅應

該係無人唔鍾意食既一款零食！

延伸閱讀：韓國自由行必去超市！EMART永登浦店購物探訪記！

• 韓國超市：Emart清溪川店（近新設洞）
• 地址：서울특별시 중구 청계천로 400 이마트청계천점

• 韓國超市：Emart往十里店
• 地址：서울특별시 성동구 행당1동 왕십리광장로 17

• 韓國超市：Emart麻浦店（近孔德）
• 地址：서울특별시 마포구 신공덕동 백범로 212

• 韓國超市：Emart - No Brand高速巴士站店
• 地址：서울특별시 서초구 반포동 19-18

• 韓國超市：Emart - No Brand江南店
• 地址：서울특별시 서초구 서초대로73길 7

• 韓國超市：Emart - No Brand新村店
• 地址：서울특별시 서대문구 창천동 13-2

韓國超市｜韓國必買：2. 樂天超市（롯데마트）

樂天應該係咁多間入面最常見既一間，而且規模有大有細，幾乎每條地鐵線上，都至少有兩、三間樂天超市。淨係韓國，樂天就已經有超過120間分店，可以話係富可敵國，唔單止韓國人既生活同樂天息息相關，外國遊客都係添！

但真正要計樂天既巔峰，大概就係2010年推出통큰炸雞，受到全韓國討論同矚目，炸雞當時竟然只要5,000多韓元！咁平既價格驚動左韓國各大超市業者，不過同時亦受到唔少市售炸雞既店鋪批評。

통큰系列唔單止只賣食物，仲推出左電視同電腦等多種商品。依家係樂天最具代表性既통큰商品有以下三種：

＃韓國超市｜樂天超市：大桶炸雞

＃韓國超市｜樂天超市：통큰爆米花

＃韓國超市｜樂天超市：통큰優格

尼三樣都係樂天超市必買既商品，因為只有係樂天，先會有咁平咁抵既價格，小編自己成日都會去樂天買炸雞食，一桶唔洗一萬元，三個人分綽綽有餘。

同Emart一樣，韓國樂天超市亦推出左名為「Only Price」既自家品牌，就等於Emart既No Brand一樣咁。小編會同樣介紹只有係韓國樂天「Only Price」先可以買到既必買商品。

＃韓國超市｜樂天超市：One Price｜國產21穀迷你酥捲

尼款餅乾，可以話係Only Price商品之中最有人氣既一款商品啦。唔單止好食而且量超多，雖然小編仲未食過，但係下次經過一定會買一包黎試下。

＃韓國超市｜樂天超市：One Price｜每日益力多

可以話係韓國版既巨型益力多，雖然味道好普通，但係價格超平！只需要1000韓幣。小編只要去樂天就忍唔住買幾支返屋企飲。

＃韓國超市｜樂天超市：One Price｜烤兩次更香酥既飯焦

尼款係韓國傳統食物：尼種係平時食石頭鍋飯結左焦既焦餅乾版本，小編好鍾意佢帶有既香氣，如果想試下韓國傳統餅乾，咁就要買尼款試下啦。

＃韓國超市｜樂天超市：One Price｜Mix Nuts

鹹鹹甜甜堅果類大集合！入而有非常適合當下酒菜既咖啡花生、杏仁、花生豆、花生、椒鹽卷餅等等。黎到韓國旅行，夜晚又想飲返一小杯？咁就要配尼個堅果盒啦。

延伸閱讀：韓國旅遊必去：樂天超市探訪記！韓國泡麵、零食、料理包、酒類攻略

• 韓國超市：樂天超市首爾店
• 地址：서울특별시 중구 회현동 한강대로 405

• 韓國超市：樂天超市清涼里店
• 地址：서울특별시 동대문구 전농1동 왕산로 214

• 韓國超市：樂天超市梨大店
• 地址：서울특별시 서대문구 대현동 신촌로 157

• 韓國超市：樂天超市蠶室店
• 地址：서울특별시 송파구 잠실동 올림픽로 240

韓國超市｜韓國必買：3. Home plus（홈플러스）

韓國超市：Homeplus，本來係韓國既三星同英國既TESCO所共同創立，但依家已經係獨立左既韓國超市啦！

點先可以係街上容易搵到Homeplus？好簡單，上面好似鐘塔既建築就係Homeplus既象徵，或者一開始係由英國TESCO所創立既緣故，所以令到人聯想到有大笨鐘既感覺。

Homeplus賣得最好既商品就係Pizza啦，佢地賣既唔係普通Pizza而係 Ristorante Pizza，以CP值高而聞名，可以用咁平既價格買到速食Pizza，所以非常受到韓國人既矚目。

＃韓國超市：Home plus｜莫札瑞拉披薩

＃韓國超市：Home plus｜野菇披薩

＃韓國超市：Home plus｜千元的幸福（所有商品1,000韓元）

買10送1！買20就送2！如此類推，Homeplus最令人喜愛既一個點係可以用好平既價錢，就買到平時買唔到既一D特價商品，唔單止對外國人黎講好有吸引力，精打細算既韓國人更會注意尼個活動。

每個禮拜不定時更新，係Homeplus，飲料、餅乾、拉麵、糖果等等，都可以用1,000韓元買到。如果想黎一場小資旅行，就絕對唔好錯過啦！

＃韓國超市：Home plus｜Mon Boulanger烘焙坊

另外，韓國人黎到Homeplus，一定會去一個地方，只有Homeplus先搵到既烘焙坊：Mon Boulanger！

尼到既麵包真係非常高品質，因為小編好鍾意食麵包，所以每次去Homeplus都係為左買麵包而去，為大家推薦一下Homeplus比較出名既麵包。

＃韓國超市：Home plus｜Mon Boulanger烘焙坊：咖啡鮮奶油麵包

尼個包唔單止小朋友鍾意食，大人都非常之喜愛！甚至會稱佢為Homeplus既孝親產品，小編會為左買尼個專程跑去Homeplus，因為只要稍微晏小小去既話，就會好快賣哂。咖啡麵包入面包入鮮奶油，非常之好食！雖然其他韓國超市都有賣尼個包，但始終都係Homeplus最食。

＃韓國超市：Home plus｜Mon Boulanger烘焙坊：雲呢嗱奶油牛角包

尼一款係會令人想回購，再回購既牛角包。如果話咖啡鮮奶油麵包入面放既係鮮奶油，咁尼款牛角包入面放既就係雲呢嗱奶油餡。

＃韓國超市：Home plus｜Mon Boulanger烘焙坊：傳統芝士蛋糕

尼一款唔係麵包，而係蛋糕，Homeplus既蛋糕同韓國兩大麵包店：PARIS BAGUETTE、TOUS LES JOURS既芝士蛋糕比，竟然會係更受歡迎！用9,000韓元竟然可以買到咁高品質既芝士蛋糕！簡直係奇蹟啊！

＃韓國超市：Home plus｜地區性啤酒系列

係Homeplus必買既仲有地區性啤酒系列！，今年初先出既平昌啤酒（下），小編有飲過，啤酒味有D過重，唔係太推～但係海雲台啤酒幾唔錯（上），大家有見到既話記得買黎試下啦。

延伸閱讀：2018秋！合井站超大Home Plus探訪：首爾旅遊必逛的弘大超市

以上係小編整理出黎韓國超市入面，只有係特定超市先買得到既東西，大家下次黎韓國旅行，行韓國超市既時候，不妨留意下啦。