韓國KTX教學指南
韓國KTX攻略！預訂車飛、坐車TIPS！首爾站上車教學，學識之後冇嘢需要再擔心！
- 韓國KTX購票教學
- 首爾站搭KTX要點行？
- 主要KTX站位置
Hello，大家好，我哋係由韓國人每日提供最新韓國旅行資訊嘅Creatrip。
好多人嚟韓國玩嗰陣，都會去多幾個附近城市，而當中最多人搭嘅交通工具就係KTX，通常去光州、釜山等地區3小時內就可以去到，比起搭巴士真係快好多，今日小編整理好哂搭KTX要注意嘅點，嚟之前睇吓，話唔定會幫到大家！
韓國KTX購票教學
如果想買KTX飛通常可以直接去到現場、官網、app，同埋都可以透過我哋官網買！不過因為好多時啲飛好快就賣晒，最後都要提前預約，網站同app有中文、日文、英文、韓文，要預約嘅話一啲都唔難。
透過Creatrip官網預約
大家可以透過我哋預約（首爾<->釜山)、 (首爾<->江陵)、 (首爾<->大田）、（首爾<->大邱）、（首爾<->全州）5個地方，想知更多詳情，可以撳我了解更多。
Let's Korail官網預約
如果上面五個冇大家想去嘅地方，亦都可以喺Let's Korail官網（撳我）預約。
雖然一入到去可能只會見到得韓文，但只要撳右上角就會搵到語言，大家可以揀中文、英文或日文。
揀完想要嘅語言就會出現預約畫面，只要揀好哂啱嘅資料，就可以撳查詢。
需要特別室比一般座位貴，但會闊落好多（出發前20分鐘唔可以預約，除非係去現場。）。
入哂所有資料，跟住撳同意就可以去第二頁。
之後再check一次打嘅資料啱唔啱，冇問題就可以俾錢。
俾完錢之後就會好似上面咁show出嚟，記住要print出嚟，如果唔記得print，可以去到櫃檯同職員講，佢哋會幫大家處理。
KORAIL app預約
1. 首先down app，之後入到去設定改語言。
2. 可以揀韓文、中文、英文同日文。
3. 之後就可以揀想由邊度出發同去邊、日期、時間同人數等。
4. 之後就會出現有啲咩車可以搭。
5. 揀完之後撳「火車票價」，就可以知道幾多錢一張。
6. 到最後入晒所有資料預約就OK！（出發前20分鐘唔可以預約，除非係去現場。）
7. 之後再check清楚自己打嘅資料啱唔啱。
8. 去到最底會見到Payment揀用海外卡定係韓國卡，再撳Check Out。
9. 俾完錢之後，即係代表預約完成。
* 俾完錢之後，去返第一頁都可以睇返預約記錄。
* 如果用app預約，唔需要另外print紙，喺app度就可以確認。
現場購買（首爾站為例）
去到現場可以用無人機直接買飛，不過如果冇韓國卡，可以都去紅色框住嘅格，呢度可以用海外卡。
不過如果唔太知點用，都可以去Tickets位到請職員幫手，同時一開始講到如果唔記得print紙，排呢條隊同職員講聲就可以。
首爾站搭KTX要點行？
買完飛之後，而家就等小編同大家講下一步要點做啦！
搭地鐵1號或者4號線去到首爾站落車。
入到去會見到呢度好大，紅色框係買飛嘅地方，黃色係搭車嘅地方。
買完飛之後，如果覺得有啲肚餓，呢度都有BR、M記、韓式料理等餐廳。
另外呢度仲有一間KAKAO FRIENDS STORE，有啲產品係呢度限量先有，嚟到記得要入去行返個圈啊！
出發去第二個地區之前，如果有啲時間，可以先嚟首爾站行Lotte Outlets，話唔定可以喺度執到寶！
為咗可以行得方便啲，呢度仲有Locker俾大家可以放嘢。
除咗有韓文之外，呢度仲有中文、英文同日文，用現金或者碌卡都得，Locker唔同size價錢都會唔一樣，過咗兩個鐘就會自動每一個鐘都加錢，如果超過12個鐘，價錢一啲都唔平，大家要計清楚！
出發之前一定要留意清楚呢一個板，睇清楚係幾點出發、去邊、車號同埋幾號月台上車，通常出發前10至15分鐘就可以見到。
入到去之後有一個好大嘅休息空間，同時仲有一啲小食俾大家買。（如果真係唔肯定自己要去邊一度等，入到去會見到一個Information中心，喺度問就得。）
大家記住要望清楚自己係邊一個月台搭車，啱嘅話就跟住落去。
落到去就會見到火車已經到咗，有問題都可以問職員，佢哋會好親切咁為大家解答。
去啱月台之後，就可以睇清楚自己喺邊一個車卡上車，每一架車側邊或者地下都會有號碼。
入到去之後打開門，對應車飛上面嘅號碼搵返自己個位（上圖只係教大家點睇號碼），啱嘅話就可以直接坐底。
另外呢度仲有一個位係俾大家放大行李（細行李可以放位上面），同埋每一個車卡都有洗手間。
有啲位仲有得叉電，甚至仲有免費Wi-Fi俾大家。
如果真係好趕時間，大家可以參考以下呢條片，唔洗3分鐘就可以由地鐵站行到KTX站！
主要KTX站位置
首爾站
- 韓文名：서울역
- 地址：서울 중구 한강대로 405
- 小Tips：首爾站1號出口19m
釜山站
- 韓文名：부산역
- 地址：부산 동구 중앙대로 206
- 小Tips：釜山站6號出口行131m
大田站 京釜線
- 韓文名：대전역 경부선
- 地址：대전 동구 중앙로 215
- 小Tips：大田站4號出口行34m
東大邱站 京釜線
- 韓文名：동대구역 경부선
- 地址：대구 동구 동대구로 550
- 小Tips：東大邱站3號出口行151m
全州站
- 韓文名：전주역
- 地址：전북 전주시 덕진구 동부대로 680
江陵站
- 韓文名：강릉역
- 地址：강원도 강릉시 용지로 176 강릉역
唔知以上關於KTX嘅一切，解唔解答到大家嘅問題呢？如果有任何疑問，歡迎留言話俾我哋知，希望可以幫到大家啦！
幫你輕鬆買KTX飛周圍玩👇🏻
如果有更多想知嘅內容，都可以隨時留言或者dm話俾我哋知：）
Mail：help@creatrip.com