金浦機場（國際線、國內線）總整理
金浦機場（國際線、國內線）最新資訊！你想知道嘅一切都喺哂度！
Hello，大家好，我哋係由韓國人每日提供最新韓國旅行資訊嘅Creatrip。
平時飛嚟韓國可能好多時都係去仁川機場，不過韓國其實仲有一個金浦機場係可以飛國內或者國外，為咗可能之後大家都有需要用到，今日小編整理好關於金浦機場嘅一切，希望可以幫到大家啦！
金浦機場國際線
- 地址：서울특별시 강서구 하늘길 38
- 營業時間：24小時
由2022年6月29號起，金浦-羽田（東京）航線將恢復營運。
大韓航空（星期三、六）、韓亞航空（星期三、六）、日本航空（星期四、日）、全日本空輸（星期一、五）每星期營運兩次。
金浦機場國際線入境
1. 去到2樓入境後，交檢疫調查。
2. 檢查護照及通關。
3. 進入安全檢查。
4. 去一樓拎行李。
5. 通過海關驗查，提交飛機上收到嘅報關單。
金浦機場國際線出境
1. 去到機場之後，喺2樓航空公司櫃檯辦理登機手續同託運行李。
辦理完登記手續就係去託運行李。
步驟順序：掃描機票同護照→掃描行李→睇託運行李規定→貼條碼喺行李。
去到機場唔少得嘅就係退稅，想知道詳情可以撳我了解更多。
入境之前，請再仔細檢查清楚物品係唔係可以帶上機，同時準備好護照俾職員檢查。
金浦機場國際線便利設施：地下1樓（B1）
為咗幫到大家，小編整理好B1至4樓嘅各項便利設施。
去金浦機場國際航站樓（或3號出口）路上，會見到樂天百貨，裡面有樂天超市、電影院等，如果要最後衝刺可以留少少時間喺度行。
如果仲未到Chekc-in時間，同時又拖住大細箱行李唔太方便，呢度有寄放行李保管所。
同時喺首爾金浦機場地鐵站入面，有自助換錢機，如果會喺金浦進出，趕唔切去明洞換錢，可以先喺度換少少以應急之用。
金浦機場國際線便利設施：1樓入境大樓
1樓有一個綜合服務中心，呢度提供存放、包裝、配送行李等服務，不過目前冇開。
如果去到機場有任何疑問，都可以隨時去服務台諮詢。
GATE1附近有SK、LGU+（暫停營業）、Olleh等漫遊中心，去到韓國之後想買SIM卡或借Wi-Fi蛋，都可以去問吓。
相入面最右邊係天堂賭場，營業時間由10:00至23:00。
入境後如果肚餓，可以去Dunkin' Donuts買冬甩補充熱量。
金浦機場國際線便利設施：2樓報到櫃檯
如果想了解更多同機場有關資訊，可以去2樓中間服務台。
對於退稅或申報有任何疑問，可以撳我了解更多。
機場匯率通常都唔太好，而家只有3樓嘅免稅區新韓銀行有開，所以小編會建議大家去首爾市中心（尤其係明洞）換錢，匯率係最好，有需要可以參考Moneybox明洞分店，或者出發之前可以參考我哋提供嘅每日匯率。
2樓登機口附近有一個可以叉電同整理行李嘅地方，相當貼心。
往最左邊走廊行，會發現呢度有一個祈禱室！
金浦機場國際線便利設施：3樓出境大樓
出境大廳隔離有休息區同提叉電位，對面仲有藥房、熱水機同公用電話。
Sky Hub Lounge喺免稅區R1登機口隔離，不過好可惜而家都係唔開放。
3樓免稅區有新羅同樂天免稅店，想最後衝刺一次要去行一圈！不過見前只有有航班飛先會開。
過咗關之後等候區有一間Cafe，大家可以參考一吓。
金浦機場國際線便利設施：4樓
4樓係美食區同體驗文化空間，同時仲有VR可以玩，不過一樣都係暫停營業中。
大韓航空、韓亞航空貴賓室
- 大韓航空休息室營業時間：05:30 - 21:00
- 韓亞航空休息室營業時間：05:10 - 21:00
機場貴賓室只要符合條件客戶都可以用，望落相當豪華。
育嬰室喺免稅區4樓，有需要嘅媽媽們都可以去。
金浦機場國際線交通
1樓
1樓出去之後可以搭市內同市外巴士、地鐵、的士。
巴士
2、3號月台係往仁川、議政府、日山方向、4號係開往首爾月台。
機場免費循環巴士
喺GATE1同GATE2之間嘅5號月台，有免費循環巴士往返國內同國際線之間，有分兩種類型，一種係國際、國內線循環，另一種係去貨運站路線。
免費循環巴士資訊（只限國際、國內往返路線）
| 費用 | 免費 |
| 時間 | 08:15 - 21:40 |
| 班次 | 12至15分鐘 |
| 上車位 | 國際線5號、8號月台 |
6號、7號則可以乘坐豪華巴士，6號是往首爾水落、蘆原方向；7號則是往仁川國際機場方向。
地鐵同的士
巴士上車位對面就可以搭地鐵同的士。
同工作人員講想去嘅目的地之後，佢哋就會幫大家安排車。
2樓
2樓可以搭市外巴士去江陵、高陽、光州、南楊州、大田、水原、安山、全州、清州、春川等其他城市，幾乎諗到嘅都會去到，但都建議大家可以先喺官網確認一吓。
金浦機場國內線
- 地址：서울 강서구 하늘길 111
- 營業時間：24小時
金浦機場搭國內線航班，可以去韓國其他大城市，好似有釜山、麗水等。
金浦機場國內線入境
拎完行李之後就可以喺一樓出關，係唔係好簡單呢？
金浦機場國內線出境
金浦機場英文版網站可以預先睇出境擁擠度（中文版冇），大家可以喺出發前先確認一吓。
1. 去到機場之後，直接喺二樓辦理登機手續。
2. 去航空公司櫃檯託運行李。
3. 喺3樓出境大廳核對身份同檢查，準備好護照同外國人登錄證。
4. 喺登機口附近準備上機，請提前準備好護照同機票。
金浦機場國內線便利設施：1樓入境大樓
一樓中間係旅客服務台，有需要或疑問可以請職員幫手。
喺入境大樓對面大門左邊行到盡，有一個可以買市外巴士車票嘅地方。
- 營業時間：09:00 - 18:00
一樓有郵局，如果有需要寄件嘅朋友可以參考。
- 營業時間：06:00 - 21:00
呢度可以俾錢存放或打包行李，如果有需要嘅朋友，可以參考吓。
- 營業時間：09:00 - 16:00
雖然係國內航班，但都有換錢嘅地方，如果有需要嘅話，可以喺度換現金。
韓國都心空港 LIMOUSINE
- 營業時間：13:30 - 22:30
- 價格：成人₩8,000、小童₩5,000
呢度可以買豪華機場巴士車票，如果櫃檯冇人，可以去櫃檯隔離嘅自動售票機，目前往首爾市中心機場巴士有6105、6101， 同最近有返嘅6003號。
- 營業時間：08:00 - 22:00
想自駕遊嘅朋友，呢度有樂天同SK租車。
機場唔單止有Paris Baguette同Angel-in-us Coffee，仲有Lotteria同便利店等。
Flavor6 Food Court有各式各樣餐廳，就連人氣連鎖餐廳「北倉洞嫩豆腐」都有，價錢冇話因為喺機場而比較貴。
嫩豆腐入面有好多海鮮同肉類，湯辣得嚟好惹味，鯖魚煎得啱啱好，可以食飽再上機。
雖然美食廣場由06:30開到21:30，但好多餐廳喺20:00左右就會閂門。
金浦機場國內線便利設施：2樓報到櫃檯
服務台
無人民用發證機
如果去濟州島冇帶身份證嘅話，可以用「無人民用發證機」出證明代替身份證（如果係韓國籍的話）。
- 營業時間：06:30 - 20:00
如果係計劃去濟州島，可以喺出發前去濟州觀光中心拎定地圖同小冊子規劃行程。
金浦機場國內線便利設施：3樓出境大樓
3樓一般區域左邊有藥局、遊戲室、失物認領處等，右邊係紀念品店、便利店等。
藥局營業時間：06:00 - 20:00
遊戲室營業時間：N/A
失物認領處營業時間：06:00 - 22:00
旅行用品店營業時間：07:00 - 19:00
紀念品店營業時間：06:00 - 21:00
CU便利店
- 位置：3樓過關後區域
育嬰室
- 位置：3樓過關後喺第2、14、15號登機口附近
金浦機場國內線便利設施：4樓出境大樓
4樓SKY31有韓式、日式、中式等各種餐廳，同時仲有一個好大嘅休息同用餐區，落機之後肚餓，可以喺度食飯。
SKY31內仲有無人影印機，如果有急件要印，可以嚟呢度。
喺4樓向左行會發現有一個戶外展望台，喺度可以望住飛機起降。
貴賓室
- 韓亞航空貴賓室營業時間：05:10 - 21:00
- 大韓航空貴賓室營業時間 : 05:30 - 21:00
金浦機場國內線交通
1樓
大家可以喺一樓戶外搭市內、外巴士、航廈循環接駁巴士、豪華巴士、的士等。
巴士
2號同6號係往首爾市內巴士、3至5號係機場巴士、7號同8號係國際國內線機場接駁巴士、9至12號係往仁川同京畿道巴士。
關於市外巴士路線，大家撳我了解更多。
的士
過馬路就可以見到搭的士嘅地方。
等的士嘅地方，有的士使用方法同費用說明！
金浦機場往返首爾交通
1. 地鐵
往返金浦機場有5、9號線或機場線可以搭。
搭機場鐵路
首班車 | 尾班車 | |
金浦機場站（往首爾方向） | 05:43 | 12:16 |
弘大入口站（往仁川機場T2方向） | 05:28 | 23:48 |
首爾站（往仁川機場T2方向） | 05:20 | 23:50 |
搭首爾地鐵9號線
首班車 | 尾班車 | |
金浦機場站（往中央報勳醫院站方向） | 05:30 | 23:25（週末22:32） |
| 奧林匹克公園站（往金浦機場站方向） | 05:56（週末06:02） | 00:04（週末23:17） |
| 高速巴士站（往金浦機場站方向） | 06:16（週末06:20） | 00:23（週末23:35） |
搭首爾地鐵5號線
| 首班車 | 尾班車 | |
金浦機場站（往馬川站方向） | 05:41 | 23:24（週末22:38） |
光化門（往傍花站方向） | 05:43 | 23:56 |
鐘路三街（往傍花站方向） | 05:41 | 23:58 |
2. 巴士
主要行經路線 | 運行時間 | 班次 | |
| 605 | 永登浦站、首爾站、鷺梁津站 | 04:00 - 22:50 （以開花站換乘中心開車） | 星期一至六11分鐘一班 星期日13分鐘一班 |
| 601 | 麻浦區廳站、延世大學、景福宮、安國站、仁寺洞、昌德宮、昌慶宮、惠化站、鐘路一、二、三街、光化門 | ||
| 651 | 首爾大學站、新林路口、加山數碼園區站 | 04:00 - 22:40 （以傍花都市7團地開車） | 平日11分鐘、星期六13分鐘、星期日14分鐘 |
3. 機場接送
如果係團體嚟旅行，可以考慮預約機場豪華包車，慳錢又慳時間！
機場↔首爾 12人座豪華包車
首爾(酒店)→機場 12人座豪華包車
4. 的士
由金浦機場搭普通的士去到江南站大約係₩28,000、明洞約₩20,000、首爾市政府約₩22,000，其實價錢都唔算太貴，有需要嘅朋友可以參考吓。
金浦機場小Tips
無論係金浦定係其他機場登機流程都係一樣。 金浦機場雖然有更大國內航站樓，但每日都會好逼。 所以請喺起飛時間前3-4小時（國際航班）到達。
金浦機場通關通常需要更長時間，特別係韓國公眾假期（7月至8月暑假），平日朝早（特別係星期一）同週末。
每間航空公司登機時間都唔一樣，所以請準時到達辦理登機手續。 喺高峰時段最好揀搭地鐵，唔好坐的士或巴士。最後去到登機口有時都會轉航班，最好要double check多次係唔係啱。
以上係關於「金浦機場」嘅所有相關資訊，希望可以幫到大家，如果有任何疑問，歡迎大家留言話俾我哋知，我哋會盡力一一解答！
另外小編仲有整理埋仁川機場T1同T2嘅介紹，有興趣嘅朋友去睇吓。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
