韓國人氣療程Volnewmer黃金樁介紹 | 拉提效果、痛感、修復期全面解析（2026最新）

最後更新：2026年6月30日

「面部輪廓下垂令我好在意」
「想改善法令紋」
「對拉提有興趣，但又擔心痛感同有修復期」

如果你都有以上煩惱，近期喺韓國好多人討論嘅韓國人氣RF拉提療程 ——「Volnewmer黃金樁(볼뉴머)」可以幫到你！

我係一個住喺韓國嘅美容Marketer，一直都有持續採訪韓國皮膚科同診所資訊，亦都親身體驗過Rejuran、Potenza、ONDA、鈦提升等唔同療程。當中近排喺韓國診所月嚟越常聽到嘅其中一個療程就係「Volnewmer黃金樁(볼뉴머)」。

「Volnewmer黃金樁(볼뉴머)」係其中一種利用高頻電波（RF）能量，以改善皮膚彈性同肌膚緊緻感為目標嘅拉提療程。由於一般認為佢嘅修復期同痛感負擔相對較低，所以亦被視為一項即使喺韓國旅行期間都幾適合安排嘅人氣療程。

喺呢篇文章入面，我會根據過往採訪內容，以及喺實際諮詢現場經常聽到嘅煩惱同療程選擇傾向，詳細介紹「Volnewmer黃金樁(볼뉴머)」嘅特點、效果、適合人士，以及點解值得考慮喺韓國接受呢項療程。

文章重點整理✍️

• 可以了解韓國人氣RF拉提Volnewmer黃金樁嘅主要特點
• 詳細說明點解可以期待改善彈性、緊緻感、法令紋、眼周細紋、皮膚豐盈感同面部輪廓
• 介紹點解就算係擔心痛感或者修復期嘅人，都會考慮呢項療程
• 可以了解點解佢作為一項即使喺韓國旅行期間都適合安排嘅療程而受到歡迎
• 亦可以一齊睇到可透過Creatrip預約嘅推薦診所

點解而家喺韓國「Volnewmer」咁受歡迎？

近幾年喺韓國，美容趨勢已經愈來愈偏向追求一種自然、睇落更後生嘅感覺，而唔再係以前嗰種一睇就知做過療程嘅明顯變化。如果話以前比較多人留意嘅係埋線拉提或者高能量拉提療程，咁而家隨住愈來愈多人希望盡量減低痛感同修復期，同時又想要自然啲嘅改變，利用高頻電波（RF）嘅拉提療程亦越嚟越受到關注。

小編喺採訪韓國美容診所嘅過程中，亦明顯感受到，最近一兩年想做RF拉提嘅人確實多咗。實際喺諮詢現場，亦聽到唔少外國旅客會問：「想搵一啲旅行期間都可以安排到嘅療程」、「第一次做拉提，希望揀一種負擔冇咁大嘅療程」。

而喺眾多RF拉提之中，「Volnewmer黃金樁(볼뉴머)」就係近年特別受到關注嘅其中一款。對於一啲希望擁有好似韓國明星嗰種更有彈性嘅皮膚同更清晰俐落嘅面部輪廓，但同時又在意downtime 同痛感負擔唔好太高嘅人嚟講，「Volnewmer黃金樁(볼뉴머)」正正因為具備呢方面嘅優勢，所以唔單止喺韓國本地，喺海外旅客之間人氣都快速上升。

「Volnewmer」係咩醫美療程嚟？

「Volnewmer黃金樁(볼뉴머)」係由韓國醫美儀器品牌 CLASSYS(클래시스)開發嘅一款單極RF高頻電波拉提設備。所謂單極RF高頻電波，即係一種可以將高頻電波能量傳遞到皮膚較深層位置，從而產生熱作用嘅技術。「Volnewmer黃金樁(볼뉴머)」嘅設計就係希望將熱能比較平均咁傳遞到由真皮層直到皮下脂肪層，以促進膠原蛋白同彈力蛋白生成。

膠原蛋白係支撐皮膚彈性同緊緻感嘅重要成分之一，但隨住年齡增長，呢啲成分會逐漸流失。結果就會令下顎線變得冇咁清晰、面頰下垂，又或者法令紋等老化痕跡更加容易變得明顯。「Volnewmer黃金樁(볼뉴머)」正正係針對呢類皮膚深層變化而設計，所以除咗療程後較容易感受到即時收緊感之外，之後幾星期至幾個月內，隨住膠原蛋白重組逐步進行，亦有機會期待彈性改善方面嘅變化。

另外「Volnewmer黃金樁(볼뉴머)」其中一個好大嘅特點，就係佢配備咗獨有嘅水冷卻技術。設備會喺冷卻皮膚表面嘅同時輸出能量，從而喺減輕熱感負擔嘅情況下，仍然令能量可以更有效咁傳遞到皮膚深層。正因如此，對於一啲本身覺得「拉提療程應該會好痛」嘅人嚟講，應該都會對佢特別有興趣。

做完「Volnewmer」會有咩效果？

來源：CLASSYS

「Volnewmer黃金樁(볼뉴머)」唔單止係一項單純嘅拉提療程，對唔少人嚟講，佢亦係一種可以由面部輪廓狀態改善到整體肌膚狀態護理都一併照顧到嘅「皮膚管理」療程之一。雖然實際感受到嘅效果會因人而異，但一般主要可以期待以下幾方面：

面部輪廓拉提

最多人做嘅部位就係面部輪廓。隨住年齡增長，如果開始覺得面型線條變得冇咁清晰，又或者下巴線以下有少少下垂感，透過令皮膚變得更緊緻收實，就有機會令整體輪廓睇落更加分明、俐落。喺韓國呢個療程尤其受到一啲想追求V面效果嘅人歡迎。

改善法令紋同嘴角觀感

如果面頰附近嘅鬆弛改善到，法令紋或者木偶紋都會冇咁突出。雖然呢類療程本身唔係直接用嚟消除深層皺紋，但由於可以令成個面部觀感有向上提升嘅感覺，所以一般會令人睇落更加後生。另外，如果你本身會介意面頰凹陷令人睇落顯老，亦有機會透過促進膠原蛋白生成，令皮膚豐盈感得到一定改善。

改善皮膚緊緻度同彈性

Volnewmer黃金樁本身亦係一項可以促進膠原蛋白生成嘅療程。所以除咗面部輪廓之外，對於一啲開始在意皮膚整體彈性或者緊實度下降嘅人嚟講，佢同樣都好受歡迎。近年喺韓國，比起單純追求白淨皮膚，更多人反而更加重視一種有彈性、帶自然光澤感嘅肌膚狀態，所以亦愈來愈多人會將呢款療程當做定期皮膚管理去做。

眼周同嘴周幼紋護理

Volnewmer黃金樁可以按唔同部位更換專用探頭，所以連眼周或者嘴角呢啲比較細緻嘅位置都可以做到。由於呢啲位置本身就特別容易顯露老態，所以對一啲想要自然地睇落更後生嘅人嚟講，亦相當受歡迎。

「Volnewmer」痛唔痛？有冇修復期？

來源：Classys

講到考慮做拉提療程，尤其如果你打算喺韓國旅行期間安排療程，「做完之後仲可唔可以四周圍去玩？」、「泛紅同腫脹大概會有幾明顯？」，呢幾個應該都會係大家最擔心嘅問題。而「Volnewmer黃金樁(볼뉴머)」喺一眾利用 RF（高頻電波）能量嘅拉提療程之中，一般都被認為係一項痛感負擔相對較低嘅療程。

其中一個原因就係「Volnewmer黃金樁(볼뉴머)」本身採用嘅冷卻技術。冷卻方法大致可以分為氣體冷卻同水冷卻，而後者係得「Volnewmer黃金樁(볼뉴머)」可以做到嘅技術。所謂水冷卻，就係喺施作時一邊冷卻皮膚表面，一邊傳遞RF能量，從而減低皮膚表層因高溫帶來嘅負擔，同時令能量可以更有效咁傳遞到真皮層同皮下脂肪組織。

所以，雖然療程期間有機會感受到熱熱哋嘅感覺，但一般唔會被視為一種痛感特別強烈嘅療程。當然，每個人對痛感嘅感受都會有差異，不過喺韓國診所入面，「Volnewmer黃金樁(볼뉴머)」的確都係一款經常會推薦俾第一次做高頻電波拉提，又或者本身比較擔心痛感嘅人嘅療程之一。

相信好多人會覺得冷卻方式只係用嚟減輕痛感，但其實佢同膠原蛋白生成之間亦有相當密切嘅關係。尤其水冷卻一般被認為對有「BB 肌膚膠原蛋白」之稱嘅Collagen III（第三型膠原蛋白）活化更有幫助。

另外，「Volnewmer黃金樁(볼뉴머)」嘅修復期亦普遍被認為相對較短。療程後即時皮膚有可能會出現輕微泛紅或者灼熱感，不過大多數情況下，通常會喺幾個鐘頭至幾日內慢慢消退。少數情況下，亦有人會感受到輕微腫脹或者壓痛感（按落去有少少唔舒服），但一般都唔太會對日常生活造成明顯影響。

由於「Volnewmer黃金樁(볼뉴머)」並唔係需要用到手術刀嘅療程，所以唔需要拆線，亦唔需要好長嘅恢復期。正因如此，對於一啲難以請假返工或返學，又或者想喺韓國旅行期間有限行程之內安排美容療程嘅人嚟講，都係一項幾受歡迎嘅選擇。

不過要留意，療程後皮膚會短暫變得比較敏感，所以一定要做好防曬同保濕護理。另外，焗桑拿、劇烈運動、飲酒等，亦建議按照診所指引，喺指定時間內盡量避免做。

至於一般療程後嘅變化，有啲人會喺做完之後即時感受到面部輪廓有少少被拉提起嚟嘅感覺。但「Volnewmer黃金樁(볼뉴머)」更大嘅特點，其實係之後持續進行嘅膠原蛋白remodeling。隨住療程後幾星期至幾個月內膠原蛋白生成逐步被促進，皮膚嘅彈性同緊緻飽滿感，亦有機會慢慢變得更加理想。

「Volnewmer」同其他拉提療程有咩唔同？

考慮喺韓國做拉提療程嘅人之中，亦有唔少人會問：「Volnewmer黃金樁同Oligio有咩分別？」、「同Thermage熱瑪吉比較會更加推薦邊款？」

其實，Volnewmer黃金樁、Oligio 同 Thermage都係屬於使用單極高頻電波嘅拉提設備，利用高頻電波能量喺皮膚較深層產生熱作用，從而促進膠原蛋白同彈力蛋白重組嘅技術。呢類療程主要會以改善皮膚彈性、緊緻感同面部輪廓緊緻為目標。

所以，呢三款療程喺大方向上，其實並冇非常本質上嘅差別。不過，喺能量傳遞方式、探頭結構同療程舒適度等方面，三者之間都會有唔同，因此各自特別有優勢嘅地方都唔一樣。

※痛感、修復期同適合與否都存在個人差異，實際情況亦可能因應發數、能量輸出同診所操作方針而有所不同。

Thermage熱瑪吉一向都被視為 RF 拉提嘅代表性療程之一。由於累積咗相當長時間嘅療程案例同臨床經驗，所以唔單止喺韓國，喺全球範圍內都有相當高知名度。對於想做一款經典、多人認識嘅拉提療程，又或者過去本身已經做過Thermage嘅人嚟講，佢一直都有穩定支持度。

而Oligio就係韓國人氣相當高嘅RF拉提療程之一，通常比較受到一啲想追求負擔感冇咁高、同時又想要自然彈性改善嘅人歡迎。實際上喺韓國醫美診所都有唔少人會將 「Volnewmer黃金樁(볼뉴머)」同Oligio放埋一齊比較，再決定做邊一款。

相比之下，「Volnewmer黃金樁(볼뉴머)」嘅其中一個特色，就係配備咗獨有嘅水冷卻技術，可以喺保護皮膚表面的同時，將RF能量有效傳遞到較深層位置。

另外，佢亦可以因應唔同位置配合使用4種專用探頭，所以除咗面部輪廓之外，連眼周、嘴角、法令紋周邊等比較細緻嘅部位，都相對更容易處理。

所以，對於想「唔單止想改善面部輪廓下垂，仲想令成個面睇落自然啲、更後生啲」、「想盡量減低痛感同修復期」嘅人嚟講，「Volnewmer黃金樁(볼뉴머)」都會係一個幾受歡迎嘅選擇。

實際上韓國醫美診所美容顧問都有話，近來主動指定想做「Volnewmer黃金樁(볼뉴머)」嘅客人確實有增加。不過，與其話邊一款一定更好，其實更重要嘅，始終都係視乎你本身嘅皮膚狀態、主要煩惱，以及想要達到嘅效果。喺韓國診所做諮詢時，通常都可以先檢視皮膚狀態，再由醫生提供建議。如果你仲未確定應該揀邊一種療程，都幾建議先同醫生詳細傾清楚再作決定。

「Volnewmer」適合推薦俾邊啲人？

來源：Classys

「Volnewmer黃金樁(볼뉴머)」係一項由開始在意鬆弛同彈性下降嘅人，到第一次接觸醫美嘅人都相當受歡迎嘅療程。尤其推薦俾有以下煩惱嘅人士：

想擁有好似韓國藝人咁緊緻又有光澤感肌膚嘅人

隨住年齡增長，皮膚入面嘅膠原蛋白同彈力蛋白會慢慢流失，繼而令皮膚出現彈性下降同緊緻感不足。「Volnewmer黃金樁(볼뉴머)」會將熱能傳遞到皮膚較深層位置，以促進膠原蛋白生成，幫助打造更飽滿、更有彈性嘅肌膚狀態。所以，對於一啲想追求近年韓國美容入面好受歡迎嘅自然光澤肌效果嘅人嚟講，都係一個幾值得考慮嘅選擇。

想令面部輪廓睇落更清晰俐落嘅人

如果覺得：「面型線條比以前冇咁清晰」、「下巴底好似有啲鬆落嚟，睇落唔夠利落」，咁「Volnewmer黃金樁(볼뉴머)」都會係一項幾受歡迎嘅療程。由於佢有助改善皮膚緊緻度，所以對於一啲想要V臉效果，或者每次影相都會在意面部輪廓嘅人嚟講，都相當合適。

在意法令紋、眼周細紋、面頰凹陷嘅人

法令紋、眼周細紋同面頰凹陷，都係特別容易令人睇落顯老嘅位置。而「Volnewmer黃金樁(볼뉴머)」除咗可以照顧全臉之外，亦較容易針對一啲比較細緻嘅部位施作，所以對於一啲會諗：「唔想成個樣有好大改變，但想自己睇落再後生少少」嘅人嚟講，亦係一個唔少人會考慮嘅選擇。

擔心痛感或者修復期嘅人

好多人體驗拉提之前，都會擔心：「會唔會好痛？」、「旅行中做會唔會唔方便？」而 「Volnewmer黃金樁(볼뉴머)」一般被認為係一項修復期相對較短、做完之後都比較容易安排之後行程嘅療程，所以對於想喺韓國旅行期間做美容療程嘅人，或者本身係醫美新手嘅人嚟講，都相當有人氣。

想要自然變化嘅人

「Volnewmer黃金樁(볼뉴머)」本身就唔係主打非常誇張或者急劇嘅改變，而係更着重喺整理皮膚彈性同面部輪廓觀感之後，令成體印象睇落更年輕。所以對於一啲希望唔好有過度加工感，而係自然咁做拉提嘅人嚟講，都會特別適合。

咩部位可以做到Volnewmer？

「Volnewmer黃金樁(볼뉴머)」嘅其中一個特點，就係除咗可以處理全臉鬆弛護理之外，亦可以按照每個人唔同嘅煩惱，針對多個部位作出更細緻嘅療程設計。

「Volnewmer黃金樁(볼뉴머)」配備咗4種專用探頭，無論係好似面部輪廓或者面頰呢類範圍比較大嘅位置，定係眼周同嘴角呢類比較細緻嘅部位，都設計成可以更好咁貼合皮膚。

所以，佢唔單止適合一啲想全臉整體做拉提嘅人，對於有「我主要只係在意法令紋」、「想令雙下巴睇落更乾淨俐落」呢類有明確局部煩惱嘅人嚟講，都可以安排到較有針對性嘅度身訂造療程。

尤其當中比較受歡迎嘅施作位置，就包括面部輪廓同下巴底。即使係因為年齡增長，或者脂肪積聚而令面型線條睇落冇咁清晰，「Volnewmer黃金樁(볼뉴머)」亦有助支撐皮膚彈性，從而令人更容易期待一種更分明嘅V-line印象。

另外，眼周同法令紋周邊本身都屬於面部起伏比較多、按唔同設備有時未必容易充分施作嘅位置。不過「Volnewmer黃金樁(볼뉴머)」其中一個特點，就係可以按照部位轉換合適嘅探頭，令呢啲比較細微嘅地方都更容易處理得到。

可施術部位例子如下：

• 面部輪廓
• 面頰
• 下巴底
• 法令紋
• 嘴角周邊
• 眼周
• 頸部

所以，無論你係想更平衡咁管理全臉狀態，定係只想集中處理某幾個特別在意嘅部位，「Volnewmer黃金樁(볼뉴머)」都可以話係一項幾靈活、幾適合個人化調整嘅療程。

喺韓國做Volnewmer有咩優點？

韓國一向都被認為係一個醫美文化相當普及嘅地方，最新美容儀器同療程通常都引入得好快。而「Volnewmer黃金樁(볼뉴머)」亦係近年備受關注嘅RF拉提療程之一，現時喺唔少韓國美容診所都可以接受到呢項療程。

另外「Volnewmer黃金樁(볼뉴머)」一般都被認為係一項修復期相對較短嘅療程，呢一點亦令佢成為一個即使喺韓國旅行期間都幾適合安排嘅選擇。做完療程之後，亦有唔少人會照常去shopping、Cafe或者繼續觀光，所以對於一啲想同時享受美容同旅行嘅人嚟講，佢都相當受歡迎。

再加上韓國亦有唔少診所本身已經設有外國人對應支援，部分地方甚至可以提供中文、英文等語言諮詢服務。所以就算係第一次喺韓國做醫美療程嘅人，通常都可以喺一個相對比較安心嘅環境下進行諮詢。

透過Creatrip預約Volnewmer指定診所

而家大家可以透過Creatrip用更實惠價錢，預約精選韓國人氣診所體驗「Volnewmer黃金樁(볼뉴머)」啦！今次推廣活動當中，部分診所仲推出咗期間限定優惠價同埋特別禮遇，如果你計劃緊去韓國旅行，記住唔好錯過！

另外，韓國唔同診所喺療程方式、發數，以及特別擅長處理嘅部位方面都可能有所不同，所以都建議你根據自己最在意嘅煩惱同想要達到嘅效果去揀選適合自己嘅診所。

👇立即睇下邊間醫美診所可以用更實惠價格體驗Volnewmer👇

總結

近來喺韓國備受歡迎嘅 Volnewmer黃金樁，係一項可以喺盡量減低痛感同修復期負擔嘅同時，期待改善皮膚彈性同面部輪廓拉提效果嘅RF拉提療程。如果你想做拉提，但又擔心痛感同修復期嘅話，不妨都趁住去韓國旅行嘅機會，體驗「Volnewmer黃金樁(볼뉴머)」呢款高級拉提療程啦！

Volnewmer常見問題FAQ

| Q1. Volnewmer幾多歲開始可以做？

A：通常30歲之後開始覺得皮膚有啲鬆、彈力下降嘅人特別多會做，不過都要睇返你皮膚狀態，有啲人去到20歲尾都已經會開始考慮。

| Q2. Volnewmer會唔會痛？

A：雖然因人而異，但一般都認為佢係一種痛感負擔比較低嘅提升療程。

| Q3. Volnewmer有冇復原期？

A：做完療程之後可能會有少少泛紅或者有啲熱辣辣嘅感覺，不過一般嚟講都算係復原期好短嘅療程。

| Q4. 幾時開始感覺到Volnewmer效果？

A：感覺到效果嘅時間因人而異，不過一般做完之後即刻會覺得有拉緊、實淨咗嘅感覺，另外因為促進膠原蛋白增生帶嚟嘅變化，就有機會喺幾星期到幾個月內慢慢出現。

| Q5. Volnewmer效果可以維持幾耐？

A：雖然因人而異，但一般嚟講效果預計可以維持6個月以上。

| Q6. 做完Volnewmer療程當日可唔可以化妝？

A：當日可唔可以化妝會因應醫院嘅指引而有所唔同，做完之後要睇返你皮膚嘅狀態，跟醫生或者職員嘅指示去做就得。

| Q7. 有冇人唔可以做Volnewmer？

A：懷孕中、餵奶中嘅人，有發炎或者感染嘅人，有長期病/慢性病嘅人等等，做療程之前都需要先同醫生諮詢。為咗安全起見，記得一定要去醫院確認下自己可唔可以做療程。

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！