去韓國做醫美一定要搵皮膚科專科醫生？專科診所分辨攻略&首爾/釜山診所推薦
想喺韓國做醫美，點分辨皮膚科專科診所？一文睇清專科醫生同普通醫生分別、確認方法，同首爾/釜山推薦診所。
- 韓國皮膚科專科醫生同普通醫生有咩分別？
- 去韓國做醫美係咪一定要搵皮膚科專科醫生？
- 一般醫美診所&皮膚科專科醫美診所親身比較
- 點確認醫美診所係咪皮膚科專科醫生主理？
- 首爾皮膚科專科醫生主理醫美診所推薦
- 釜山皮膚科專科醫生主理醫美診所推薦
- 韓國皮膚科專科醫美診所常見問題FAQ
Hello，大家好，我哋係由韓國人每日提供最新韓國旅行資訊嘅Creatrip。
上網搵有關韓國醫美資料嘅時候，大家可能都會經常見到「皮膚科(피부과)」呢個term。皮膚科喺香港就真係指專門治療皮膚嘅醫學專科，但喺韓國話要去做拉提、打水光針等醫美療程都會話要去皮膚科。
咁到底普通醫美診所同皮膚科專科診所有咩分別、點樣先可以分辨出想去嘅醫美診所係唔係皮膚科專科診所、點解越嚟越多人都會指定想去皮膚科診所？今日就等小編一次過幫大家解開謎團，分享個人經驗再推薦幾間首爾同釜山嘅皮膚科專科診所俾大家啦！
※以下部分內容綜合小編實際諮詢經驗、Creatrip預約顧客評價，以及診所官方公開資訊整理。
韓國皮膚科專科醫生同普通醫生有咩分別？
皮膚科專科醫生 | 普通醫生 | |
訓練年期 | 醫科6年 + 實習1年 + 皮膚科住院訓練4年 | 醫科6年 + 實習1年 |
皮膚專科訓練 | 有，集中訓練皮膚病及療程 | 無 |
皮膚疾病診斷 | 可以 | 有限 |
醫美療程資格 | 法律上可以 | 法律上可以 |
副作用處理能力 | 較高 | 相對較低 |
喺韓國，取得醫生執照之後，仲要完成4年住院醫師訓練，再通過國家資格考試先至可以叫做專科醫生。而皮膚科專科醫生，就係除咗讀6年醫科同做1年實習，仲額外用咗4年時間專門鑽研皮膚科嘅醫生。根據2026年最新統計，全韓國醫生當中得1.5~2%醫生可以得到皮膚科專科醫生資格！
另一方面，喺韓國就算只係持有普通醫生執照，法律上都係可以合法進行Botox、填充、拉提、激光等美容療程。所以好多由家庭科、整形外科、內科醫生主理嘅診所都會提供醫美療程，而根據小編經驗呢種情況喺江南一帶醫美診所尤其常見。
如果只係做醫美療程，普通醫生喺法律上冇問題，但係精確分析皮膚類型、判斷適合療程，以及萬一出現副作用時嘅即時應對能力，專科醫生就明顯勝一籌。
去韓國做醫美係咪一定要搵皮膚科專科醫生？
最近好多人嚟韓國做醫美療程，揀診所嘅時候除咗診所聲譽、地點、價錢、係唔係流水線診所之外，仲會考慮埋到底自己想去嗰間診所係唔係皮膚科專科醫生主理。而小編個人認為揀皮膚科專科醫生嘅理由，主要係以下三點。
第一，皮膚科專科醫生診斷更精準。皮膚煩惱嘅成因唔同，療程方向可以差好遠。好多普通醫美診所都係由美容顧問進行諮詢，但通常皮膚科專科診所會直接由醫生進行。醫生會用肉眼或者皮膚檢測儀器，準確分析你嘅皮膚狀況，再根據診斷結果建議適合你嘅療程，而唔係一味推介流行嘅項目。
第二，皮膚科專科醫生更加了解各種皮膚類型。香港人長期喺溫度、濕度高嘅環境生活，皮膚同韓國人唔太一樣。而專科醫生通常都會有豐富外國患者診療經驗，識得因應你嘅皮膚去調整療程強度同方式，提供更個人化服務。
第三，皮膚科專科醫生唔止美容，連皮膚病都可以幫忙處理。如果你皮膚長期出問題，例如反覆生暗瘡、莫名其妙泛紅、皮膚敏感等，有可能背後係有皮膚科病因。皮膚科專科醫生可以幫你診斷係咩問題、開藥、跟進治療，係一般醫美診所做唔到嘅嘢。
一般醫美診所&皮膚科專科醫美診所親身比較
首先小編自己本身一直都有色斑、雀斑困擾，所以會定期去醫美診所做激光療程搞搞佢。坦白講之前其實覺得一般醫美診所同皮膚科專科醫美診所應該冇咩分別，但自從上次由一般診所轉咗去專科診所，就發現原來真係有唔同！
小編去開嘅一般醫美診所位於江南，預約方便，價錢又合理，所以一直都係去呢度做醫美。通常登記完之後就要等叫名入諮詢室，入到去就會由美容顧問進行諮詢。成個過程好快，望一望你塊臉就直接話見我有雀斑，做嫩膚激光療程會有幫助，再簡單介紹療程就完。
激光療程連埋術後護理前後大約30分鐘，做完俾咗支防曬我，話我知術後有咩注意事項之後就走得。但有一次唔好彩做完當晚皮膚有啲敏感，不過因為唔知可以搵邊個問，所以就由得佢不了了之。
而上次小編特登搵咗間皮膚科專科診所，同樣位於江南，雖然價位會高少少，但由諮詢開始已經感覺唔同。當時諮詢首先由醫生進行，然後再會同美容顧問做多次最後確認。首先會填一份問卷，然後再用機器分析皮膚狀況之後，醫生就會按照結果詳細解釋皮膚問題同推薦療程。
小編記得醫生當時話我嘅雀斑問題係表皮型雀斑，唔係真皮型雀斑，兩種治療方向唔同，如果用錯波長好容易會傷到皮膚。相比一般醫美診所，皮膚科專科醫生主理嘅醫美診所諮詢更加詳細同深入，俾人一種真係解決緊皮膚問題嘅感覺！
激光療程時間同一般醫美診所差唔多，但係設定係度身調校過，唔係用同一個標準去打。做完之後院長仲逐一講咗返香港前後要注意咩、要點護理，連落機後幾日點跟進都交代埋。
小編自己去完呢兩種醫美診所之後覺得，如果你本身已經清楚自己皮膚有咩問題，亦都有做開嘅療程，其實去一般醫美診所都無咩問題，反而仲可以慳返筆錢。
但如果你今次係希望有專門醫生幫你診斷皮膚狀況，想瞭解自己到底應該要做咩療程先可以解決肌膚煩惱，咁就推薦大家去由皮膚科專科醫生主理嘅醫美診所做詳細諮詢！
點確認醫美診所係咪皮膚科專科醫生主理？
想知自己搵嗰間診所係唔係皮膚科專科診所，最簡單嘅方法係認住上面呢個寫住「皮膚科專門醫(피부과전문의)」嘅紅色logo（網上好多人都會叫佢做紅標）！通常皮膚科專科診所招牌都會有，皮膚科專科醫生本人件醫生袍上面都會繡住呢個logo。
另一個比較直接嘅方法係睇診所官方網站嘅醫療團隊介紹。大部分皮膚科診所都會喺網站嘅「醫療團隊」頁面公開院長嘅專科、培訓醫院及學歷，大家搵下有冇「皮膚科專科醫生(피부과전문의)」、「皮膚科住院醫師結業(피부과 전공의 수료)」等字眼。
另外你亦可以上大韓皮膚科醫師協會官網查詢，輸入自己想去嘅醫美診所韓文名，如果有出現相關搜尋結果嘅話就代表係皮膚科專科診所。不過網頁得韓文版，對唔識韓文嘅朋友們嚟講可能會比較唔方便。大家可以參考以下小編整理嘅首爾同釜山皮膚科專門醫生主理醫美診所推薦list，唔洗再另外搵咁煩！
✏️小編有話兒：最近有好多非皮膚科專科嘅診所都會喺自己診所招牌隔離放紅色標誌，但入面嘅字唔係「皮膚科專門醫(피부과전문의)」，而係「診症專科(진료과목)」或者其他字眼，大家記住要比對清楚，唔好中伏！
Threads
首爾皮膚科專科醫生主理醫美診所推薦
1. 弘大 | TIMELESS皮膚科(타임리스피부과)
- 地址：서울 서대문구 신촌로33길 16 2F
- 營業時間：
- 星期一至四 10:00-19:00
- 星期五 11:00-20:00
- 星期六 09:30-16:00
- 前往方法：阿峴站（아현역）1號出口
- 翻譯語言：中文（普通話）
Creatrip獨家優惠✨
·享診所現場優惠同時送最高15%積分回贈
·提供限定優惠套餐
TIMELESS皮膚科係一間由皮膚科專科醫生主導嘅弘大醫美診所，主打抗衰老同拉提療程。呢度會首先由美容顧問進行諮詢，瞭解你有咩需求，然後再由專業醫生親自為你進行診斷同分析。
小編好buy呢度嘅一點係，因為醫生本身亦曾經面對過暗瘡、色斑等皮膚困擾，所以更明白客人真正嘅煩惱，所以諮詢嘅時候會更加細心同預留足夠時間，唔追求做完一次了事，亦都會著重由根本改善膚質。
2. 狎鷗亭 | 首爾麗格皮膚科(서울리거피부과)
- 地址：서울 강남구 논현로 847
- 營業時間：
- 星期一至四 10:00-19:00
- 星期五 11:00-20:00
- 星期六 09:30-16:00
- 前往方法：狎鷗亭站（압구정역）4號出口
- 翻譯語言：中文（普通話）、英文、越南文
Creatrip獨家優惠✨
·享診所現場優惠同時送最高15%積分回贈
·透過Creatrip預約即可獲得具美白、抗皺、防曬三重功能之RC防曬霜
首爾麗格皮膚科係由兩位皮膚科專科醫生加埋整形外科專科醫生協作診療，除咗一般醫美療程，仲有提供專業脫髮問題諮詢同療程，無論係想解決皮膚問題，抑或係想做高級拉提同水光針療程，好多韓國人都會推薦去首爾麗格皮膚科。
💭首爾麗格皮膚科顧客真實評價
★★★★★ momo ｜ 🇹🇼 臺灣 ｜ 2026.03.19 因為預約的是中國籍室長，所以溝通很順暢，有諮詢網路上很紅的醫美：桃心針，但室長說那是溶脂針的一種療程，他說我的臉頰沒脂肪，不建議我做桃心針，另外推薦了適合我的臉部雷射療程，不會強迫推銷，感受很好！ |
3. 清潭 | MELLOW CLINIC(멜로우피부과의원)
- 清潭店地址：서울 강남구 도산대로 429 2F
- 營業時間：
- 星期一 10:00-20:00
- 星期二至四 10:00-19:00
- 星期五 10:00-21:00
- 星期六 10:00-16:00
- 前往方法：狎鷗亭羅德奧站（압구정로데오역）4號出口
- 翻譯語言：中文（普通話）、英文
Creatrip獨家優惠✨
·享診所現場優惠同時送最高15%積分回贈
·透過Creatrip預約即可免費使用專業皮膚檢測儀器Meta-Vu進行精密皮膚分析
·填寫評論即可獲得1盒面膜（價值₩30,000、5片）
位於狎鷗亭羅德奧站附近嘅「MELLOW CLINIC」係一間由皮膚科專科醫生主理嘅連鎖醫美診所。無論係反覆生暗瘡、色素沉澱、疤痕等問題性皮膚，定係一般抗衰老、拉提同填充療程，都可以先由專科醫生親自面診，再根據個人膚況制定合適方案。無論係諮詢定療程都會喺私隱度高嘅單人房內進行，療程前後亦有專業護理人員細心跟進。
小編發現代表院長更加曾多次出演韓國電視節目，擔任皮膚科專科顧問醫生，專業程度受大眾認同。而且所有療程都會由Re2O認證專業醫生院長親自操作，唔會出現代做情況，從諮詢到施術都更加令人放心。
✏️小編小貼士：呢間診所星期五會開到21:00，係今日介紹嘅醫美診所當中開到最夜嘅，大家安排行程嘅時候可以參考！
首爾皮膚科專科醫美診所比較表🔎
TIMELESS皮膚科 | 首爾麗格皮膚科 | MELLOW CLINIC | |
地區 | 弘大 | 狎鷗亭 | 清潭 |
特色 | 主打抗衰老、拉提 由根本改善膚質 | 皮膚科+整形外科協作 臉部、頭皮療程OK | 問題皮膚診療 |
推薦對象 | 想細心面診人士 | 同時有多種皮膚煩惱人士 | 有暗瘡色斑困擾人士 |
釜山皮膚科專科醫生主理醫美診所推薦
1. 西面 | 美麗世界金陽濟張峰碩皮膚科(고운세상김양제장봉석피부과의원)
- 地址：부산 부산진구 중앙대로 686 5F
- 營業時間：
- 星期一至五 09:30-19:00
- 星期六 09:30-15:30
- 前往方法：釜山地鐵西面站（서면역）2號出口
- 翻譯語言：中文（普通話）、英文
Creatrip獨家優惠✨
·享診所現場優惠同時送最高15%積分回贈
·獨家套餐最高可享68折
提起釜山醫美，一定唔少得由金陽濟、張峯碩兩位皮膚科專科醫生親自操刀嘅「美麗世界金陽濟張峰碩皮膚科」！
呢間釜山皮膚專科診所累積超過40年臨床經驗，由諮詢到療程全部由醫療團隊以1:1方式提供，亦會先為你免費進行MarkVu皮膚檢測，唔會hard sell之餘更加會按照你嘅需求推薦療程。而且診所亦都配備多款先進激光儀器，亦有提供提供母語級中文同英文諮詢服務，由諮詢到療程結束都唔洗擔心會溝通唔到，滿意度高。
💭美麗世界金陽濟張峰碩皮膚科顧客真實評價
★★★★★ 詩媛 黃 ｜ 🇹🇼 臺灣 ｜ 2026.04.23 第一次在釜山做醫美，在creatrip 上預約很方便。 ㄧ進診所就有中文譯者接待，先到VIP室等待，再掃描臉龐，接下來由諮詢師建議療程，確定後，洗臉，敷麻，醫生施作。無論諮詢或施做，翻譯都隨侍在旁，很安心。醫生也很溫柔，很在意客戶的感受。 |
2. 海雲台 | Gray's格雷斯皮膚科(그레이스피부과)
- 地址：부산 해운대구 좌동순환로 6 10F
- 營業時間：
- 星期一、三、四：10:00-19:00
- 星期二、五：10:00-20:00
- 星期六：10:00-15:00
- 前往方法：釜山地鐵中洞站（중동역）6號出口
- 翻譯語言：中文（普通話）、英文
Creatrip獨家優惠✨
·享診所現場優惠同時送最高15%積分回贈
·獨家套餐最高可享9折
·填寫評論即送護膚品(價值5萬韓幣)
釜山「Gray's格雷斯皮膚科」由醫生親自進行1:1諮詢，細心了解每個人嘅膚質、彈性、色素、泛紅等皮膚狀況，再按你真正嘅皮膚煩惱同改善目標，建議合適療程。
呢間釜山醫美診所有完成 Thermage FLX TTT MASTER 課程嘅醫療團隊，所以如果想做熱瑪吉嘅話推薦大家去呢度！療程後亦會透過LINE、WeChat等唔同通訊軟件進行術後支援，有咩任何疑問都可以喺營業時間內透過聊天方式查詢，就算旅行期間都可以更方便咁接受術後護理。
3. 南區 | THE FIRST皮膚科(더퍼스트피부과의원)
- 大淵店地址：부산광역시 남구 수영로 299 9F
- 營業時間：
- 星期一至四 10:00-19:00
- 星期五 10:00-20:00
- 星期六 09:00-14:00
- 前往方法：釜山地鐵慶星大·釜慶大站（경성대·부경대역）6號出口
- 翻譯語言：中文（普通話）、英文、日文
Creatrip獨家優惠✨
·享診所現場優惠同時送最高15%積分回贈
·所有透過Creatrip預約人士可免費進行MarkVu皮膚診斷拍攝
·Creatrip客戶單次療程金額達200萬韓幣時可免費打除皺Botox/水光針
小編身邊住釜山嘅朋友會定期去呢間「THE FIRST皮膚科」做醫美療程，首先因為所有醫生都係皮膚科專科醫生，仲可以同醫生直接進行諮詢，療程都係醫生親自做，所以整體可靠程度更加高。
另外卸妝同療程後護理都會由護理師進行，加上所有療程室都係獨立單人房，所以體驗會更加舒服同私人。而家透過Creatrip預約，單次療程金額超過200萬韓幣仲可以額外打多個botox或者水光針，記住唔好錯過呢個獨家優惠！
釜山皮膚科專科醫美診所比較表🔎
美麗世界金陽濟張峰碩皮膚科 | Gray's格雷斯皮膚科 | THE FIRST皮膚科 | |
地區 | 西面 | 海雲台 | 南區 |
特色 | 經驗豐富、1:1診療 | Thermage專家 提供術後跟進 | 所有醫生都係皮膚科專科、提供單人房 |
推薦對象 | 初次做醫美人士 | 重視術後管理人士 | 重視私隱人士 |
韓國皮膚科專科醫美診所常見問題FAQ
| Q1. 去韓國做醫美一定要搵皮膚科專科醫生？
A：未必一定要，不過如果你本身有敏感肌、暗瘡、色素沉澱、泛紅等皮膚問題，或者係第一次做醫美，通常會更建議搵皮膚科專科醫生。因為佢哋對皮膚診斷、療程判斷同副作用處理通常會更有經驗。
| Q2. 皮膚科專科醫生診所同一般醫美診所最大分別係咩？
A：最大分別通常喺診斷深度同治療方向。皮膚科專科醫生會更著重皮膚狀況分析、療程是否適合，以及萬一出現敏感或副作用時點樣處理；而一般醫美診所就比較多以熱門療程、即時改善效果為主。
| Q3. 皮膚科專科醫生同普通醫生做出嚟嘅療程效果唔同？
A：唔一定係話效果有天壤之別，但係準確分析皮膚狀況嘅能力，以及萬一出現副作用嗰陣嘅應對能力，係有明顯差異嘅。特別係暗瘡疤痕、頑固雀斑、伴隨皮膚病嘅問題，皮膚科專科醫生就更加專業。
| Q4. 韓國皮膚科專科醫生資格可以係邊度確認？
A：可以喺大韓皮膚科醫師協會官網查詢，或者上醫美診所官網睇醫生履歷介紹。
| Q5. 預約韓國醫美診所時可唔可以直接指定想見邊位醫生？
A：要睇各間診所嘅安排，上面介紹嘅醫美診所當中TIMELESS皮膚科可以喺預約嘅時候直接指定，其他就可能需要預約後透過電郵查詢，由負責同事幫你跟進。
| Q6. 去韓國做醫美嘅時候可唔可以用中文或者英文進行諮詢？
A：因診所而異。江南區較大型嘅醫美診所一般都有安排中文同英文翻譯人員，而今日介紹嘅首爾同釜山皮膚科專科醫生主理醫美診所就全部都有中文（普通話）翻譯人員，另外得TIMELESS皮膚科未有提供英文翻譯，其他診所都有！
| Q7. 皮膚科專科醫生診所係咪比普通診所貴好多？
A：唔一定。療程價格會按診所地區、使用儀器同院長經驗嚟決定，有冇專科資格本身唔係決定價格嘅主因。不過如果要直接同醫生進行諮詢，好多醫美診所都會加收諮詢費用，大家預約同付款前記住要問清楚。
你可能會有興趣
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
