2026年首爾必去染髮Salon推薦

Hello，大家好，我哋係由韓國人每日提供最新韓國旅行資訊嘅Creatrip。

韓國每年流行嘅美妝同髮型都變得超快，而且髮型屋服務出名夠高質，所以好多朋友們嚟韓國自由行都會專門安排一段時間去髮型屋洗剪吹漂染電。

今日就等小編幫大家整理2026年最新韓國流行髮色，再推薦幾間首爾最出名染髮同漂髮嘅髮型屋俾大家，睇下邊間最啱你style啦！

首爾染髮&漂髮推薦髮型屋

2026韓國流行髮色

Mocha Mousse

2026年韓國潮流比起誇張華麗，更加追求自然同健康嘅髮色，所以好似CHUU同LE SSERAFIM恩採染嘅Mocha Mousse色就係其中一個最近好多韓國女仔都會染嘅顏色！

Violet Red Brown

如果想喺平凡中帶點不平凡，推薦大家染2026韓國流行髮色當中嘅Violet Red Brown色！連IVE LIZ都有染嘅呢隻紫紅棕色比起普通啡色更有活力，但又唔會去到鮮紅色咁誇張顯眼，同時可以令皮膚睇落更白同有氣色。

White Blonde

2026 Pantone年度代表色係Cloud Dancer雲舞白，而最能夠呈現出呢隻顏色嘅髮色就係白金髮啦！BABYMONSTER Ahyeon染完呢個髮色之後大受好評，除咗可以令頭髮睇落更輕盈之外，自然光底下睇落更加夢幻有魅力。

不過如果想染/漂返個靚髮色又唔想傷頭髮，真係好靠髮型師經驗同功力，今次就等小編介紹7間韓國人都會去嘅首爾染髮&漂髮Salon俾大家啦！

1. KKAL SALON_(깔살롱)

• 位置：狎鷗亭羅德奧、新沙
• 特點：CP值高、擅長特別髮色漂染

[이미지 슬라이더]   

如果你今次想漂個好似白金髮咁比較淺嘅髮色，推薦你去狎鷗亭羅德奧同新沙都有分店嘅「KKAL SALON」！

呢間漂染專門髮型屋提供白金髮、去黑漂髮、挑染等刁鑽染髮療程，咩顏色都難唔倒佢哋，所有療程更加提供Olaplex分子層級修護，即使重複進行療程，亦可將頭髮損傷減至最低。

重點係平時喺韓國如果想漂頭髮，通常每漂一次都要用20萬韓幣_(200000)，如果要再漂多幾次就要再俾多幾倍錢，但而家透過Creatrip預約狎鷗亭羅德奧分店，22萬韓幣就一次過包曬無限次漂髮、染髮，更加唔需要根據頭髮長度加錢，CP值超高！

[스팟] KKAL SALON（狎鷗亭羅德奧店）

[스팟] KKAL SALON（新沙店）

2. #CCONTE_(샵꽁뜨)

• 位置：弘大、延南洞
• 特點：主打無漂髮染髮、挑染

[이미지 슬라이더]     

最近有好多香港KOL都推薦弘大「#CCONTE」呢間染髮專門髮廊，呢度主打唔需要漂頭髮都可以染到比較淺色嘅髮色，亦都重視客人頭髮健康，所以只會採用L'Oréal、Milbon等高級產品，減少頭髮損傷，同時打造鮮明又時尚嘅髮色！

而且有識講英文嘅髮型師同職員駐場，溝通夠方便。而家透過Creatrip預約後參加評論優惠活動更加可以享有8折優惠，記住唔好錯過！

[스팟] #CCONTE（弘大西橋店）

[스팟] #CCONTE（延南總店）

3. Nanalog_{(나나로그)}

• 位置：弘大、新村、聖水
• 特點：1:1詳細諮詢&髮色推薦

[이미지 슬라이더]    

有時候想換個髮色，但唔知邊種顏色襯你？呢個時候推薦你去「Nanalog」！

「Nanalog」髮型師染髮技術就當然不在話下，重點係佢哋會為每位客人提供詳細諮詢，再根據五官、臉型、膚色等推薦髮色，為你打造既流行又適合你嘅造型。呢度更加會詳細track住客人頭髮變化，下次再嚟整頭髮都可以更安心，所以好多熟客都會再返嚟幫襯！

[스팟] NaNalog（新村店）

[스팟] NaNalog（聖水店）

[스팟] NaNalog（弘大旗艦店）

4. SOONSIKI HAIR_{(순시키헤어)}

• 位置：弘大、聖水
• 特點：韓星同款髮型屋、韓國潮流尖端

[이미지 슬라이더]    

講到弘大染髮，無人唔識「SOONSIKI HAIR」！「SOONSIKI HAIR」可以話係韓國髮型潮流指標之一，好多明星同model都喺度整頭髮，亦都可以話係最受外國遊客歡迎嘅弘大Salon之一！

特別係弘大總店主打染髮療程，無論係漸變染髮、白金髮，抑或係自然啡髮，都包你一定會滿意效果。記住唔好錯過Creatrip評論優惠活動，用8折價錢體驗最正宗嘅K-Beauty服務啦。

[스팟] SOONSIKI HAIR（總店）

[스팟] SOONSIKI HAIR（Romantic店）

[스팟] SOONSIKI HAIR（韓屋店）

[스팟] SOONSIKI HAIR（聖水店）

5. MOSH_(모쉬)

• 位置：江南
• 特點：Pastel tone漂染專家、可用英文/日文溝通

[이미지 슬라이더]     

位於江南中心嘅「MOSH」係一間最擅長漂染淺色同Pastel tone髮色嘅髮型屋，染出嚟效果非常通透同輕盈，而且因為只會用L'Oréal Platinum、Sheseido等高級品牌產品，所以就算漂染幾次頭髮仍然可以keep住柔順。

呢間髮型屋可以用流利英文同日文溝通，唔洗擔心會溝通唔到。而家參加評論優惠活動可以享用獨家折扣，可以用平過韓國人嘅價錢體驗高質美髮服務！

[스팟] 專業染髮Salon | MOSH（江南店）

6. Texture_(텍스처)

• 位置：狎鷗亭羅德奧、首爾林
• 特點：免費Personal Colour髮色諮詢服務

[이미지 슬라이더]    

就算見到一個鍾意嘅髮色，如果唔襯自己嘅膚色其實染完效果可能會差過預期... 

而染髮專門Salon「Texture」最大優點係經驗豐富嘅造型師會為客人提供免費個人色彩諮詢服務，推薦最適合嘅髮色，加埋漂染後專業頭髮護理療程，幫你保護秀髮之餘仲可以染出最靚成果。透過Creatrip預約體驗後填寫評論仲可以平多₩5,000，一齊嚟體驗高質韓式漂染服務啦！

[스팟] [特價優惠🎉] texture（狎鷗亭羅德奧店）

[스팟] [特價優惠🎉] texture（首爾林店）

7. THE DAY'S HAIR_{(더데이즈헤어)}

• 位置：弘大
• 特點：染髮&頭皮SPA專家、可以用英文溝通

[이미지 슬라이더]     

弘大「THE DAY'S HAIR」非常受外國遊客歡迎，除咗因為可以直接用英文溝通，無論係想體驗韓系漂染，定想整返個歐美挑染髮型，呢度嘅髮型師都可以幫到你！

而且「THE DAY'S HAIR」更加有提供專業護髮療程同頭皮SPA，可以嚟變靚同時舒緩疲勞、呵護秀髮，一舉兩得。記住參加埋Creatrip評論優惠活動，享用8折優惠啦！

[스팟] THE DAY'S HAIR（弘大）

透過Creatrip預約髮型屋可以...

✅用繁體中文、港幣預約夠方便

✅可享Creatrip客戶獨家優惠價更超值

✅直接幫你聯絡髮型屋，唔識韓文都冇問題

✅預約即可享用Creatrip Buddy 14日免費個人旅行小幫手服務

以上係2026年韓國流行髮色同首爾必去漂染髮型屋推薦，今次飛韓國打算換個新髮型，或者想用更加超值價錢體驗高質韓式漂染服務，記住參考呢篇文章，預約返間啱心水嘅髮型屋啦！

如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！