Hello，大家好，我哋係由韓國人每日提供最新韓國旅行資訊嘅Creatrip。
大家有冇發現韓國街頭上啲韓妹大部分都面尖尖，但又聽聞韓國人鍾意飲酒食好西，點解佢哋可以一直維持到狀態咁好？今日等小編話你知7個韓國女仔們嘅瘦面秘笈，無論係想影相更上鏡，抑或係想令自己睇落臉型五官更立體都可以參考！
韓妹私藏V面秘訣&急救大法
1. 消腫飲品
韓國人真係非常介意自己水腫，朝早一起身見到自己塊臉水腫就會用盡各種方法去消腫。而韓妹們最鍾意嘅消腫飲品係：
- 檸檬綠茶水 - 因為SEVENTEEN勝寬等KPOP偶像都有公開過自己上台前會飲嚟急救去水腫，所以呢款飲品又被稱為偶像水！綠茶+檸檬+少少糖就可以整到，非常方便！
- 南瓜汁 - 堪稱韓國「消腫界No.1」，好多韓妹朝早起身，甚至係做完整容手術/醫美療程都會keep住飲！
- 紅豆水 - 係另一款容易入口嘅消腫飲品，便利店都有得賣，可以幫身體排走多餘水份！
2. 醫美療程
如果想效果夠快、明顯同穩陣，最直接嘅方法係去做醫美療程！不過根據每個人嘅狀況，啱做嘅療程都唔一樣，最受韓國女仔歡迎嘅瘦面療程包括：
拉提療程 (e.g. Shurink韓式超聲刀、Titanium鈦提升等)
- 透過用HIFU或者激光類療程，令皮膚更緊緻，改善下垂問題，輪廓就會更清晰
- 特別係Titanium鈦提升效果係即時可以見到效果仲唔會有修復期
[블로그] 韓國「HIFU/海芙音波/韓版超聲刀」介紹&價錢
[블로그] 韓國「Titanium鈦提升」介紹、效果比較及推薦診所
肉毒桿菌素瘦臉針/溶脂針
- 如果係國字臉、咀嚼肌同唾液腺比較發達，韓國人通常都會去打botox，令肌肉收縮
- 有雙下巴煩惱嘅就會去打溶脂針，有助整理輪廓線條
下巴玻尿酸填充
- 本身下巴比較短而導致輪廓線條唔明顯嘅話，可以選擇去打玻尿酸填充
埋線拉提
- 如果臉部皮膚下垂問題嚴重，可能就要做埋線拉提，利用埋線物理性地提高下垂肌膚
如果唔知道自己屬於邊種類型，推薦大家可以透過Creatrip免費預約醫美診所，去現場同專業人士進行詳細諮詢之後再揀療程，夠曬安心又放心！
雖然韓國醫美退稅已經結束，但係大家可以參加我哋嘅醫美積分回贈活動，你喺現場用咗幾多錢做醫美療程，我哋就退返10%積分俾你，預約下一次醫美療程或者網站上其他體驗活動都可以當錢用！
撳下面張圖瞭解更多詳情啦👇🏻
3. 韓式經絡按摩
如果唔鍾意做醫美療程，韓國女仔們都會去做經絡(경락)按摩！同普通按摩唔同，韓式經絡按摩偏向矯正+深層刺激肌肉，目標係改善面部不對稱、減少腫脹感，令輪廓線條更清晰。好多韓醫院都會提供經絡按摩體驗，雖然會有啲痛，但做完之後係真係會見到塊面變細！
[스팟] 姿勢/臉部不對稱矯正 | DUNA韓醫院（聖水）
4. 輪廓&淋巴護理
另外一個可以唔需要打針就可以變V面嘅方法係去做輪廓護理，透過專業按摩幫你排走積聚嘅水份同老廢物，促進淋巴循環。韓國好多明星偶像出席活動前，或者準新娘結婚前都會做，做完氣色明顯會變好，而且下顎線條都會更靚！
[스팟] 韓國偶像御用瘦臉&淋巴護理 | Con2our by JH SlimM（高速巴士客運站）
[스팟] Art De La Peau（明洞）
5. 耳穴貼
講起日常消腫，近呢一兩年韓國好興用呢種耳穴貼，表面睇落去閃令令好似耳環咁，但其實佢係瘦面神器！只要將佢貼喺耳仔特定嘅穴位（例如反映面部或者消化系統嘅位置），透過入面粒微細嘅磁珠持續按壓，達到消腫、提升輪廓同控制食欲嘅效果。連Olive Young都有得買，平時貼住帶出街都唔會礙眼！
6. 家用美容儀
韓國女仔除咗會定期去醫美診所做拉提療程，仲會喺屋企用家用美容儀做保養，透過刺激面部肌肉，令肌膚可以維持緊緻狀態，令 V line更firm、更持久。好似大家成日都會見到嘅MEDICUBE美容儀就係其中一款最多人揀嘅家用美容儀，適合想長期保養，唔係只靠一次急救嘅朋友們用。
MEDICUBE自家主理醫美診所更有信心保證👇🏻
[스팟] MEDICUBE CLINIC（江南）
7. 化妝
雖然呢個方法治標唔治本，但係如果要出席重要場合，或者希望即時令塊面睇落更尖，韓國女仔們化妝嘅時候都會喺打陰影同提亮嘅時候花更多心機！韓國有超多化妝系KOL時不時都會教大家點化妝去令視覺上塊面變尖，如果本身唔太識化妝，推薦大家可以去韓國妝髮Studio俾真正韓國化妝師幫你化妝，或者參加化妝班偷師！
[블로그] 17間必去狎鷗亭/清潭洞妝髮Studio推薦
[블로그] 韓國美妝比賽《Just MakeUp》參賽者主理妝髮Studio
以上就係韓國女仔們嘅V面秘訣，不過所有嘢都係講恆心，只要keep住勤力保養，大家都可以靚住上鏡！
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
