2026首爾聖水洞12間人氣髮型屋推薦

Hello，大家好，我哋係由韓國人每日提供最新韓國旅行資訊嘅Creatrip。

聖水一帶除咗有好多快閃店同人氣Cafe，近年亦多咗唔少受歡迎嘅髮型屋。無論你想剪電染，抑或係做頭皮護理，其實選擇都幾多。

小編自己喺聖水住咗超過5年，平時去整頭髮都會喺返附近受韓國人歡迎嘅髮廊整。所以今次會按照小編個人經驗同網上評價，幫大家整理12間喺聖水洞同首爾林附近比較多人留意、外國旅客都相對容易安排嘅髮型屋，會逐間講返佢哋嘅風格、適合邊類人，同埋去之前有咩要留意。

如果你都打算去聖水洞行街、飲咖啡，或者去首爾林散步影相，又想順便整一整頭髮，建議大家可以先save定呢篇文章，去之前再慢慢睇！

首爾聖水洞人氣髮型屋推薦

點解咁多人會揀喺聖水洞整頭髮？

聖水洞本身就係首爾近年好受歡迎嘅地區，行街、飲咖啡、打卡、去首爾林散步，可以直接安排返半日或者一日行程都得。所以唔少人都會順便book埋髮型屋，唔使特登為咗整頭髮去另一區，整完頭髮之後又可以直接繼續行程，成件事方便好多。

另外，聖水一帶嘅髮型屋風格都好明顯。偏自然韓系、行時尚俐落路線、強調頭皮護理，專門做漂髮或者染特殊色嘅髮廊，全部都可以喺聖水洞搵到。

第一次去韓國髮型屋應該點揀先啱？

如果你最在意嘅係穩陣同容易溝通，建議可以先睇返邊啲店比較多外國旅客評價，或者有人提過設計師可以用中文、英文或者翻譯App幫手溝通。如果你已經有明確目標，例如想剪層次、染冷色調、燙自然捲，咁就可以直接按項目去揀擅長嗰方面嘅店。

仲有一樣好重要，就係唔好淨係講自己想要「韓系感」或者「自然啲」。因為每個人理解都唔同，最穩陣嘅方法始終都係預先準備2至3張參考圖，最好有正面、側面，仲可以加埋你而家頭髮長度同髮質狀態俾設計師睇。咁樣通常會比單靠口講更加容易剪到接近你想要嘅效果。

聖水洞必去髮型屋推薦

小編根據自己去過嘅聖水髮型屋經驗、網上評價同身邊同事同朋友嘅體驗，幫大家整理咗12間聖水洞值得去又唔伏，亦都有接待外國顧客經驗嘅髮廊，大家可以按照需求同預算等揀！

聖水必去髮型屋比較表

※金額為2026年4月平均價錢，價格會根據頭髮長度、髮型師等級等有所變動

1. ONYAD HAIR_(온야드)

聖水1號店

• 地址：서울 성동구 왕십리로 66-10 2F
• 前往方法：首爾林站（서울숲역）2號出口

聖水2號店

• 地址：서울 성동구 성수일로8길 39-1 2F
• 前往方法：聖水站（성수역）1號出口

聖水3號店

• 地址：서울 성동구 연무장13길 4 4F
• 前往方法：聖水站（성수역）1號出口

如果你搵緊一間連本地人口碑好嘅髮型屋，不妨可以考慮「ONYAD HAIR」！呢度以潮流、柔和、女性化嘅韓式造型聞名，吸引唔少韓國年輕女仔去打理頭髮。

「ONYAD HAIR」同其他首爾髮型屋唔同嘅地方係佢哋嘅招牌ONSULTING諮詢服務，唔係一入到去就即刻剪頭或染色，設計師會花時間分析你嘅面形、個人膚色調、五官特徵同整體氣質，仲會瞭解你嘅生活習慣同喜好。目的唔係盲目跟潮流，而係為你度身訂做一個真係啱你外形同生活方式嘅造型。

聽落好似賣緊廣告咁，但我身邊有位去過好多次「ONYAD HAIR」整頭髮嘅同事，佢話個諮詢服務真係幾貼身。髮型師會用面形分析去決定最啱嘅髮長、分位同層次斜度。例如你係長面型，佢哋可能會建議側掃劉海同兩邊加啲蓬度去平衡比例；如果你係圓面型，佢哋會建議拉長嘅髮長同縱向層次，幫你造成修長嘅視覺效果。

之前小編都有喺IG分享過去「ONYAD HAIR」染頭髮同做頭皮SPA嘅過程，反應非常好！如果你鐘意韓國網紅嗰種精緻又自然嘅韓國風格髮型，想體驗韓式捲髮、Layered Cut等韓國女仔必整髮型，或者係唔知自己應該整咩髮型好，推薦大家可以去「ONYAD HAIR」做個人諮詢！

Instagram에서 이 게시물 보기

Creatrip 分享最新流行韓國資訊🇰🇷(@creatrip.hk)님의 공유 게시물

💡小編小貼士：建議預約朝早時段，人流會比較少！

💭ONYAD HAIR顧客真實評價

更多參考圖片&預約資訊👇🏻

[스팟] 客製化個人造型諮詢 | ONYAD HAIR（聖水1號店）

[스팟] ONYAD HAIR（聖水2號店）

[스팟] ONYAD HAIR（聖水3號店）

2. #CCONTE_(샵꽁뜨)

• 聖水首爾林店地址：서울 성동구 서울숲4길 18-10
• 前往方法：
  • 纛島站（뚝섬역）8號出口
  • 首爾林站（서울숲역）5號出口

講起最多香港人預約嘅首爾髮型屋，一定唔少得「#CCONTE」。佢係一間以染髮同漂髮出名嘅髮型屋，因為只會選用高級美髮產品，亦都主打無漂髮染髮療程，好多韓國女仔如果想換髮色，但又唔想成日漂咁傷頭髮嘅話都會去「#CCONTE」。

而佢哋今次喺聖水開咗全新分店，選址近首爾林，大家可以去整完頭髮之後順便去埋首爾林散步或者去聖水行街。小編上次去整頭髮嘅時候遇到店長，店長話佢自己擁有超過11年經驗，亦曾多次到海外進行教學，技術同療程質素都更有保證。

💡小編小貼士：呢度接受當日預約（3個鐘之後時段都預約得），如果大家會去到聖水，又突然想去整頭髮，推薦大家預約#CCONTE！

更多參考圖片&預約資訊👇🏻

[스팟] 個人化諮詢 | #CCONTE（聖水首爾林店）

3. SOONSIKI HAIR_{(순시키헤어)}

• 聖水店地址：서울 성동구 연무장3길 17 4F
• 前往方法：聖水站（성수역）4號出口

以吸引韓國模特兒及藝人光顧聞名嘅「SOONSIKI HAIR」一直都係比較多外國旅客聽過或者去過嘅韓國髮型屋之一，而聖水店係唯一一間弘大地區外分店。除咗基本剪髮、染髮、電髮之外，大家仲可以體驗到高質頭皮護理，更加可以做簡單個人色彩診斷，打造最完美造型。

因為呢間髮廊有豐富接待外國客人經驗，所以基本溝通同整體接待上都夠貼心，就算係第一次喺韓國整頭髮都可以安心！

小編之前有帶過朋友去「SOONSIKI HAIR」聖水店，朋友本身頭皮同頭髮都偏乾，所以就喺度簡單修剪咗頭髮同做16-STEP頭皮SPA。透過進行頭皮診斷、香薰精油舒緩療程、溫熱淋巴按摩同Galvanic微電流按摩等程序，深層清潔頭皮，同時舒緩放鬆。

朋友當時話最滿意嘅係做完頭皮SPA之後會幫手set返個頭，之後無論係上屋頂影相打卡，抑或體驗完之後去聖水四周圍行街都得！

💡小編小貼士：如果唔想真係剪、漂或者染，建議大家可以預約朝早時段嘅頭皮SPA體驗，順便可以set埋個頭，除咗可以放一放鬆，仲可以全日都用一個set得靚嘅髮型去玩！

💭SOONSIKI HAIR聖水店顧客真實評價

更多參考圖片&預約資訊👇🏻

[스팟] 最多全球顧客預約髮廊 | SOONSIKI HAIR（聖水店）

4. FUSS_(퍼스)

• 地址：서울 성동구 성덕정3길 9
• 前往方法：首爾林站（서울숲역）2號出口

聖水洞髮型屋「FUSS」以「Find Your Style in Seoul」為理念經營，根據個人風格同療程目的著重為你建議合適嘅髮型設計。老闆係韓國本地髮型師嘅培訓專員，全部員工都一齊工作咗好耐，整體技術水平同團隊合作都非常好。連韓國KOL、偶像同藝人都會定期幫襯，信譽好服務品質高！

最特別係每項療程都由專業髮型師分工，根據所需療程為你分配合適髮型師，完成度同滿意度都相當穩定。呢度亦都擅長染髮同電髮服務，特別係各種特殊色同要漂髮嘅造型，呢度嘅設計師都handle到，透過Creatrip預約染髮仲可以免費個人色彩診斷，幫你搵出最啱自己嘅髮色。

[이미지 슬라이더]    

而小編之前就去咗「FUSS」剪頭髮，順便體驗埋呢度嘅頭皮SPA。做頭皮SPA前會先檢查頭皮狀況，小編自己頭髮本身偏乾，而且髮量多，所以只要吹頭吹唔乾就會令頭皮變得刺激敏感，而且打理都非常困難。頭皮SPA療程當中其中一個比較特別嘅step係洗頭嘅時候會一邊用蒸汽，髮型師話咁做可以打開髮絲角質層，將殘留喺頭髮上嘅美髮用品、定髮劑等一次過洗走。

剪埋頭髮就大功告成，做完之後最明顯感受到嘅，就係頭髮雖然變得輕盈咗，但完全唔會睇落乾旱毛躁。而且清走多餘污垢之後，洗頭時更容易起泡，吹頭時間都短咗，整體感覺真係差好遠。

💡小編小貼士：現場有可以寄放行李嘅地方，無論係啱啱到定離境前都可以輕鬆到訪，如果有時間仲可以去附近SMTOWN參觀！

💭FUSS顧客真實評價

更多參考圖片&預約資訊👇🏻

[스팟] 專屬髮型師配對服務 | FUSS（聖水）

5. more on hair_{(모어온헤어)}

• 聖水店地址：서울 성동구 왕십리로 106 3F
• 前往方法：纛島站（뚝섬역）8號出口

「more on hair」原本喺江南一帶已經有一定人氣，而家更加開到去聖水。而佢最吸引人嘅地方，就係風格方向偏向柔和、自然、帶少少女人味嘅韓式造型。如果你唔係想大改，而係想喺原本髮型基礎上修靚輪廓，令整體感覺更細緻、更有氣質，呢類型嘅店通常會幾適合你。

呢間聖水髮型屋客人大部分都係韓國人，小編身邊都有韓國女仔朋友係呢度嘅熟客！聖水「more on hair」環境俾人感覺乾淨舒服，預約到實際服務流程都算清晰。

對遊客嚟講，去旅行整頭髮最怕好多時唔係唔夠特別，而係剪完唔襯自己。「more on hair」會提供客製化髮型諮詢，更加有多種語言問卷，瞭解你需求之後再慢慢幫你調整細節，令個造型睇落自然啲，又唔會太誇張。

💡小編小貼士：如果你本身鍾意中長髮層次、自然捲度、柔和瀏海嗰類風格，或者想電頭髮，推薦大家將呢間髮型屋放入你嘅考慮list當中；因為呢幾款髮型都好講求detail，而且呢度需要用到翻譯器，建議帶定參考圖片方便溝通！

💭more on hair聖水店顧客真實評價

更多參考圖片&預約資訊👇🏻

[스팟] more on hair（聖水店）

6. HOSU DOSAN_{(호수도산)}

• 聖水建大店地址：서울 광진구 능동로11길 8-5 7F
• 前往方法：建大入口站（건대입구역）2號出口

「HOSU DOSAN」係一間江南狎鷗亭一帶評價高，好多韓國明星都會幫襯嘅妝髮Studio，而早前更加喺有更多年輕潮人嘅聖水建大附近開咗第二間分店。好多網友都話覺得髮型師非常細心，而且裝修環境乾淨企理，職員服務態度好。

呢間聖水髮型屋最吸引人嘅係，4月30號前透過Creatrip預約嘅話剪頭髮港幣30蚊都唔洗，染頭髮都係350蚊港紙左右，超級抵做！其實小編都有收到好多DM問，價錢平到咁到底信唔信得過、係唔係有其他額外收費等等嘅問題，但實際上去過嘅香港朋友們都話相當滿意，有機會會想encore！

💡小編小貼士：HOSU DOSAN聖水建大店所有頭髮長度收費統一，不會收任何額外長度費用，但如果需要洗頭服務就要另外現場額外支付₩11,000；另外髮型師識講英文同日文，唔識韓文都可以溝通到！

💭HOSU DOSAN聖水建大店顧客真實評價

更多參考圖片&預約資訊👇🏻

[스팟] [獨家進駐優惠🎉] HOSU DOSAN（建大聖水店）

7. AKNACK_(어낵)

• 聖水店地址：서울 성동구 성수일로1길 3
• 前往方法：首爾林站（서울숲역）1號出口

如果你鍾意俐落、乾淨、有線條感嘅造型，小編會推薦大家去「AKNACK」！

呢間聖水髮型屋會提供個人化造型設計服務，設計時會同時考量質感、輪廓與動態，憑藉獨特品牌特色，依照顧客臉型、頭型同髮質狀況提供客製化造型建議。唔單止造型，呢度仲會用高級GENEMORI設備進行頭皮SPA，深層清潔同按摩頭皮，同時幫你照顧頭皮健康。

💡小編小貼士：呢間髮型屋由諮詢到療程都會提供系統化服務，亦可以用簡單英文溝通！

💭AKNACK聖水店顧客真實評價

更多參考圖片&預約資訊👇🏻

[스팟] 講究細節髮型設計 | AKNACK（聖水店）

8. WEARHOUSE_{(웨어하우스)}

• 地址：서울 성동구 서울숲2길 24-7
• 前往方法：首爾林站（서울숲역）5號出口

位於首爾林附近嘅「WEARHOUSE」秉持透過頭髮自然展現自己嘅情感、氛圍、個性同埋生活態度嘅哲學，為客人提供專業美髮服務。小編自己都有去過呢間髮型屋，第一個感覺係所有員工夠親切，而且可以直接用英文溝通，對唔識韓文嘅遊客嚟講更加方便。

小編記得當時想換個新髮型，但唔知咩髮型同風格啱自己，設計師就好貼心咁為我提供度身訂造嘅造型建議，按照五官同頭型、臉型等因素幫我設計咗個到而家都仲剪緊同染緊嘅髮型！而且呢度會用韓國頂級護髮品牌「AYUNCHE」產品，幫你兼顧頭髮健康！

💡小編小貼士：如果你會搭2號線，比起首爾林站，搭到去纛島站再行過去會更加快；另外記住唔好錯過Creatrip獨家₩5,000折扣！

更多參考圖片&預約資訊👇🏻

[스팟] WEARHOUSE（聖水）

9. Y.O.U Hair Salon_{(와이오유)}

• 地址：서울 성동구 연무장5길 14 B1F
• 前往方法：聖水站（성수역）4號出口

「Y.O.U Hair Salon」係一間裝修充滿玩味，色彩繽紛嘅聖水髮型屋，呢個亦都反映咗呢間salon嘅風格！

呢間聖水髮型屋主打剪頭髮同頭皮護理，有唔少韓國網友亦都有推薦去呢度染同電頭髮。髮型師會根據客人風格同個性推薦髮型，提供客製化服務；招牌頭皮SPA可以修護髮質之餘，仲可以舒緩頭皮，療癒身心靈！

💡小編小貼士：Y.O.U Hair Salon就喺聖水洞嗰間出名嘅薯仔排骨湯餐廳附近，如果有plan住去食薯仔排骨湯可以順便去整頭髮；會帶小朋友一齊去整頭髮都可以優先考慮呢間！

💭Y.O.U Hair Salon顧客真實評價

更多參考圖片&預約資訊👇🏻

[景點] YOU Hair Salon（美髮/染燙）

10. id HAIR_{(아이디헤어)}

• 首爾林店地址：서울 성동구 왕십리로 50 B1F
• 前往方法：首爾林站（서울숲역）2號出口

「id HAIR」係韓國出名嘅連鎖髮型屋，喺首爾林、聖水商圈一帶都有分店，如果會去附近玩或者行街就可以順便去整頭髮。

而且呢度主打只會用天然產品，敏感頭皮都可以做度身護理，唔洗擔心頭皮問題，放心享受韓式美髮服務。呢間聖水髮型屋會提供外國人專用服務，更加會有埋翻譯機，就算唔識韓文可以溝通自如。

💡小編小貼士：根據小編經驗，通常呢種連鎖髮型屋服務質素比較穩定，如果大家唔想冒險去試規模比較細嘅個人髮型屋，希望成品會有一定水準，咁就推薦大家可以考慮「id HAIR」首爾林店。

更多參考圖片&預約資訊👇🏻

[Spots] id HAIR首爾林店（美髮/染燙）

11. LEANON HAIR_{(린온헤어)}

• 地址：서울 성동구 상원6길 5-1 2F
• 前往方法：纛島站（뚝섬역）3號出口

聖水「LEANON HAIR」嘅設計師會透過1:1專業諮詢，幫你設計適合你嘅髮型，而且大部分設計師都識基本英文，就算唔識韓文都可以安心體驗，對外國人遊客嚟講更加方便。

而且有好多評論都有提及到，設計師會仔細分析你嘅髮質，再根據五官等各種因素推薦最適合嘅髮型，仲會教返到屋企之後應該要點打理頭髮，非常貼心！

💡小編小貼士：如果已經有想做嘅造型，建議帶參考圖片俾髮型師睇；平時有咩頭髮煩惱同不滿都可以同髮型師講，等專家幫你一次過解決曬！

💭LEANON HAIR顧客真實評價

更多參考圖片&預約資訊👇🏻

[스팟] LEANON HAIR（聖水）

12. NaNalog_{(나나로그)}

• 聖水店地址：서울 성동구 왕십리로 64 2F
• 前往方法：首爾林站（서울숲역）2號出口

如果上網用韓文search聖水推薦髮型屋，「Nanalog」一定會出現喺頭幾名！呢間髮廊風格偏流行、時尚，係好受韓國年輕人推薦嘅首爾人氣髮型屋之一，連小編身邊韓國朋友好多都有去過。髮型師會根據客人臉型進行1:1諮詢，幫你搵出最啱你嘅髮型。無論係剪髮、染髮、電髮都可以放心交俾佢哋。

其中一個小編會想推薦「Nanalog」聖水店俾大家嘅原因，係因爲呢間髮型屋會詳細track住客人頭髮變化，下次返嚟再整頭髮就可以直接沿用上次嘅記錄，為你提供專屬服務。

💡小編小貼士：如果會定期飛韓國玩，又鍾意去韓國髮型屋整頭髮，大家不妨可以考慮呢間髮型屋，享用個人化美髮體驗！

更多參考圖片&預約資訊👇🏻

[스팟] NaNalog（聖水店）

聖水髮型屋預約常見問題FAQ

Q1. 唔識韓文都可以去聖水整頭髮？有冇髮型屋識講英文？

A：通常都冇問題。聖水有唔少髮型屋都接待過外國客，雖然唔一定每個髮型師都識流利英文，不過一般都會用簡單英文，而且亦可以直接用翻譯App或者直接睇相去溝通。如果你本身對髮型要求比較高，建議預先準備參考相，溝通起上嚟會穩陣好多。上述介紹嘅部分髮型屋都可以直接用中文或者英文同職員溝通，更加方便！

Q2. 聖水人氣髮型屋可唔可以即日walk-in？

A：如果係比較受歡迎嘅髮型屋，或者係得一兩位髮型師嘅髮廊，通常都建議要先預約。尤其係週末、下晝同旅遊旺季等熱門時段好多時都好快滿。即日 walk-in 唔係一定唔得，但未必有位，亦未必揀到你想要嘅時段或者髮型師。推薦大家可以透過Creatrip直接用繁體中文同港幣預約，安排行程同時間更方便！👉🏻撳我即預約聖水人氣髮型屋

Q3. 喺聖水剪髮、染髮同電髮，通常要預幾耐時間？

A：如果你淨係剪髮，通常可以預大約40分鐘至個半鐘；染髮同電髮一般建議預2至4個鐘，如果本身頭髮長、髮量多，或者仲要加埋漂髮、護理，所需時間會再拉長。所以如果你當日仲想行街、飲咖啡或者去首爾林影相，建議唔好將後面行程排得太密。

Q4. 聖水整頭髮大概要幾錢？會唔會臨場再加價？

A：根據2026年最新聖水髮型屋價錢表，剪髮通常大約₩30,000-50,000(30000-50000)，染髮大約₩70,000-120,000(70000-120000)，電髮大約₩120,000-200,000(120000-200000)，頭皮SPA就多數喺₩80,000-150,000(80000-150000)左右。不過實際收費會受髮長、髮量、漂髮、所選護髮療程同髮型師級別影響。

Q5. 頭皮敏感或者髮質受損，仲適唔適合染髮同電髮？

A：要睇返你自己頭髮同頭皮狀況。如果你本身頭皮容易敏感、髮尾受損明顯，或者之前已經漂染過幾次，去之前最好主動同髮型師講清楚，等對方幫你判斷今次適唔適合再染、再電，或者應該先做護髮療程。有時唔係完全唔做得，而係要調整做法，甚至降低預期效果。

Q6. 第一次喺韓國整頭髮，剪髮、染髮定電髮會比較穩陣？

A：如果係第一次，通常剪髮會最穩陣。因為剪髮相對容易溝通，亦較容易即場微調；染髮同電髮就牽涉更多變數，例如底色、髮質、頭髮受損程度，同埋你平時有冇時間整理。如果你係第一次去韓國髮型屋，又唔想改動太大，可以先由剪髮或者簡單染髮開始，再慢慢試其他項目。

Q7. 喺聖水站附近定首爾林附近整頭髮會方便啲？

A：主要都係睇返你當日行程點排。如果你會集中喺聖水主街行小店、快閃店同Cafe，咁聖水站附近通常會方便啲；如果你本身打算去首爾林散步、食brunch或者影相，首爾林附近就會順路好多。揀髮型屋時，除咗睇人氣同風格，其實都值得一齊考慮返地點，咁成日行程會輕鬆好多。

透過Creatrip預約髮型屋可以...

✅用繁體中文、港幣預約夠方便

✅可享Creatrip客戶獨家優惠價更超值

✅直接幫你聯絡髮型屋，唔識韓文都冇問題

✅預約即可享用Creatrip Buddy 14日免費個人旅行小幫手服務

聖水洞本身就好適合安排成一日「行街+整頭髮+打卡」行程，所以揀髮型屋嘅時候，除咗睇人氣，亦建議你一齊考慮位置、風格、預算、髮質狀態，同埋自己平時整唔整理頭髮。只要出發前準備好參考圖，再按自己需要揀店，通常都會更容易搵到真正適合自己嗰間。希望今日呢篇文章可以幫到準備要去聖水洞玩嘅你！

其他聖水必睇資訊/必做活動

[블로그] 2025首爾聖水洞購物攻略

[블로그] 2025首爾聖水美食總整理

[스팟] ✨Creatrip獨家✨ Sihyunhada（聖水旗艦店）

[스팟] WHIPPED潔面乳製作工作坊

[스팟] CCL色彩圖像融合研究所（聖水）

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！