9個10萬韓幣以下韓國美容行程推薦（2026年最新版）

Hello，大家好，我哋係由韓國人每日提供最新韓國旅行資訊嘅Creatrip。

韓國作為美容大國，好多人都會專程嚟體驗各種美容行程，亦都有好多人話喺韓國變靚成本更加低！

小編以前大學嘅時候好少會打扮自己，亦都對變靚冇咩興趣。但自從喺韓國定居同成為社會新鮮人之後，開始對美容產生興趣，亦都發現韓國真係有好多好抵做嘅美容體驗。今日就等小編幫大家整理出9個用10萬韓幣_(約100000)就可以體驗到嘅高CP值美容行程，一齊用更抵價錢變靚、換個新形象啦！

※本文價格資訊以2026年4月為準，實際收費有機會因店舖、方案或時期而有所調整，建議預約前再確認最新價格。

10萬韓幣以下韓國美容行程

點解咁多人都會去韓國體驗美容？

好多人去韓國旅行，除咗食玩買之外，仲會順便安排整頭髮、gel 甲、電睫毛，甚至做埋醫美。其實呢幾種體驗喺香港唔係冇，但唔少人都仍然會專程飛去韓國做，原因好簡單，就係當地選擇更多，價錢亦相對更實惠。

至於點解喺韓國變靚會覺得冇咁貴，其中一個主要原因就係韓國美容、美髮同醫美行業一向發展成熟，市場大、店舖多、競爭高，所以整體收費通常都會更有優勢。再加上而家連外國旅客都會專程飛去韓國體驗醫美療程、頭皮SPA、Personal Colour診斷等服務，無論係服務內容定預約安排都做得愈來愈完善，對旅客嚟講亦方便好多。

另外，唔少店舖都會不定期推出優惠，而旅遊平台亦成日有限定價，所以對好多人嚟講，去韓國旅行嗰陣順便安排一兩個變靚行程真係好common。如果你今次嚟韓國旅行想變靚，但預算又唔太多嘅話，不妨可以考慮以下呢幾個CP值超高體驗！

1. Personal Colour/體型診斷

• 韓國平均價錢：₩100,000~200,000_{(100000~200000)}

[圖片走馬燈]   

好多香港人去做Personal Colour分析，通常都係想知道自己到底適合咩色系，點樣先最顯白、令氣色睇落更好、妝感睇落更加乾淨自然。診斷嘅時候通常會用唔同顏色嘅色布逐一比對，有啲個人色彩中心仲會幫你睇埋化妝品，教你分辨邊啲產品真係適合自己。

如果你平時唔算好識化妝，又成日為髮色同化妝品煩惱，咁去韓國嘅話真係幾值得試一次Personal Colour診斷。做完之後，揀髮色、買化妝品都會更有方向。

如果你本身對化妝唔太有興趣，都可以淨係揀做體型分析。而家好多韓國Personal Colour中心都有提供體型分析，會用專業數據幫你判斷屬於邊種身型，然後根據你平時嘅著衫風格，推介啱你嘅衣服款式同類型。其實有時未必要刻意改變自己外貌，只要著啱衫就可以更突出你專屬嘅個人魅力！

💡小編小貼士：因為做Personal Colour診斷需要素顏，所以建議將Personal Colour行程安排喺朝早做，平時會帶Colour Con嘅話都記住要換返透明隱形眼鏡，令診斷結果更準確！

呢幾間韓國Personal Colour中心有埋翻譯更方便👇🏻

[블로그] 24間必去弘大/明洞/江南Personal Colour中心推薦

2. 頭皮SPA

• 韓國平均價錢：₩50,000~150,000_{(50000~150000)}

[圖片旋轉木馬]   

頭皮SPA同普通頭髮護理療程唔同，首先會進行頭皮檢測，然後按照你嘅頭皮狀況安排去角質、深層清潔、蒸氣同按摩療程等，最後再幫你簡單吹整頭髮，全程大約60-90分鐘。

無論係容易出油、頭皮繃緊都非常推薦去體驗吓，令頭皮可以抖一抖更舒服。而且相信應該唔少人本身唔一定想剪頭髮，但又想整靚個髮型去行街或者約會，其實都可以趁機做個頭皮SPA，再請髮型師幫手整理造型。至於想更加放鬆嘅話，亦可以考慮揀有獨立頭皮SPA房嘅鋪頭。

💡小編小貼士：頭皮SPA建議排喺行程第一日或者最後一日，坐完長途機之後，好多人都會覺得頭皮繃緊又攰，做完頭皮SPA之後會即刻舒服同醒神好多！

韓國邊度可以做到頭皮SPA？👇🏻

[블로그] 2026韓國頭皮SPA攻略 | 頭皮護理流程、價錢、預約、首爾/釜山店鋪推薦

3. 醫美護膚療程

• 韓國平均價錢：₩30,000~80,000_{(30000~80000)}

[圖像滑動器]  

大家都知去韓國做醫美療程CP值高，唔止基本護膚療程，其他拉提、水光針等療程嘅選擇都好多，價錢亦都遠遠平過香港。所以如果去韓國有時間，其實幾值得順便安排一次醫美行程。

如果想搵一啲價錢比較實惠、做完又會比較有感嘅入門療程，小編會推薦Aqua Peel同LDM水滴拉提。特別係如果你平時有毛孔、粉刺，或者皮膚暗沉煩惱，Aqua Peel會係好多人第一次體驗韓國醫美療程時嘅熱門選擇。價錢唔貴之餘，做完之後通常都會明顯覺得皮膚更滑、毛孔更乾淨，小編自己都會定期去做一次深層清潔！

更多韓國醫美資訊👇🏻

[블로그] 2026香港人必睇韓國醫美療程攻略 | 醫美診所預約流程、人氣醫美療程及診所推薦

[블로그] 2026韓國醫美診所分類&挑選攻略（流水線/非流水線醫美診所）

[블로그] 2026最受香港人歡迎嘅7間首爾醫美診所

4. 韓國美髮

• 韓國平均價錢
  • 剪髮：₩20,000~50,000_{(20000~50000)}
  • 電髮/染髮：₩70,000~200,000_{(70000~200000)}

[圖像旋轉顯示器]  

小編聽好多香港朋友講，而家喺香港想剪個流行又唔易出錯嘅髮型，港幣300蚊走唔甩；但喺韓國好多髮廊100幾200蚊港紙就可以剪到一個韓式髮型。所以如果去韓國旅行有時間，其實幾值得順便安排時間去韓國髮廊！

至於韓國髮型師最擅長嘅係幫你整一個睇落好自然，但夠精緻嘅髮型，好似Layered Cut、修飾面型嘅瀏海都非常拿手。就算本身唔知自己啱整咩髮型，都可以直接交俾髮型師，等佢哋根據你嘅五官、臉型、風格去設計返個最襯你嘅韓式髮型！

💡小編小貼士：去之前不妨準備3~4張唔同角度嘅參考相，等髮型師可以準確知道你想要嘅效果！

韓國髮型屋推薦👇🏻

[블로그] 2026年首爾必去染髮Salon推薦

[블로그] 韓國人氣髮型屋&美容院推薦

[블로그] 2026年人氣韓系男士髮型&韓國男士髮型屋推薦

5. 妝髮體驗

• 韓國平均價錢：₩100,000~200,000_{(100000~200000)}

[圖集滑動]   

去首爾想短時間內令自己睇落更靚更精緻，幾推薦安排時間去體驗韓系妝髮造型。韓國造型師好擅長打造乾淨、突出五官、影相上鏡嘅妝感，無論係偶像感妝容、清透氣質妝，定係有線條感嘅蓬鬆髮型，都可以喺短時間內完成，好適合安排喺影相、行街、睇演唱會或者見面會當日。

💡小編小貼士：唔少妝髮Studio朝早就會開門，如果想靚住去追星，可以預約早上時段。去之前記得先準備好參考圖，如果有特別在意黑眼圈、唇色、瀏海等細節，都可以一開始就同造型師講清楚，效果通常會更貼近自己想要嘅感覺。

Instagram에서 이 게시물 보기

Creatrip 分享最新流行韓國資訊🇰🇷(@creatrip.hk)님의 공유 게시물

想去韓星御用妝髮Studio體驗星級服務？👇🏻

[블로그] 韓國明星髮型屋/妝髮Studio/Personal Colour中心總整理

[블로그] 17間必去狎鷗亭/清潭洞妝髮Studio推薦

6. 韓式美甲

• 韓國平均價錢：₩30,000~80,000_{(30000~80000)}

[圖片旋轉木馬]   

如果想偷偷變靚，小編私心推薦大家去體驗韓式美甲！韓國美甲出名配色乾淨、細節細緻，做完唔會太誇張，但好有質感，整完去影相、shopping或者追星都好啱。

而且因為韓國潮流變得好快，美甲款式都更新得好快，果凍透亮、奶油色系到閃石款式都有得揀。去之前建議先準備幾張參考圖，或者直接去美甲店IG睇佢哋之前整過嘅款式！

💡小編小貼士：安排行程嘅時候記住預留1.5~2個鐘，事前最好問清楚有冇包卸甲、加閃石或特殊配件費用，更容易控制預算。

Instagram에서 이 게시물 보기

Creatrip 分享最新流行韓國資訊🇰🇷(@creatrip.hk)님의 공유 게시물

韓式美甲推薦👇🏻

[블로그] 2026最新13間韓國美甲/Gel甲店總整理

7.電睫毛/植睫毛

• 韓國平均價錢：₩35,000~60,000_{(35000~60000)}

[圖像走馬燈]  

如果你想一起身都睇落更有精神，旅行時又唔想日日化眼妝，其實幾推薦喺韓國電睫毛。電睫毛可以自然放大雙眼，令個人睇落更精神，影相都會更上鏡，而且過程通常唔算太耐，行街前都幾方便。而且因為喺韓國做燙睫毛本身相對普及，用嘅產品都經過韓國政府認證，夠安全可以安心做。

💡小編小貼士：預約前記得先講清楚有冇眼睛敏感、眼睛乾燥等情況；做完後短時間內避免搓眼，亦盡量唔好俾睫毛掂到水同含油分嘅產品，效果先會更持久！

韓式電/植睫毛&其他半永久化妝推薦👇🏻

[블로그] 2026最新17間韓國半永久化妝中心推薦（霧/飄眉、紋唇、紋眼線等）

8. 按摩/SPA

• 韓國平均價錢：₩50,000~120,000_{(50000~120000)}

[圖片輪播]    

如果想喺韓國安排一個比較放鬆、又唔會太有負擔嘅美容行程，其實幾推薦試吓按摩或者SPA！可能講起按摩大家會先諗起泰國，但如果想體驗偏向美容同放鬆、享受個人時光嘅按摩或者SPA體驗，大家嚟韓國一定唔可以錯過。特別係如果成日行街、周圍去，或者行程排得比較密，中途安排去做個SPA就可以即刻鬆一鬆。

💡小編小貼士：如果想同時體驗埋韓式搓澡，推薦去做而家韓國好受歡迎嘅1人搓澡&SPA，環境靚之餘仲可以自己一間房，唔需要同其他人一齊更加舒服！

Instagram에서 이 게시물 보기

Creatrip 分享最新流行韓國資訊🇰🇷(@creatrip.hk)님의 공유 게시물

韓國邊度按摩最舒服？👇🏻

[블로그] 首爾按摩&SPA推薦

[블로그] 2026首爾9間1人SPA/搓澡專門店總整理

9. IV靜脈注射

• 韓國平均價錢：₩40,000~80,000_{(40000~80000)}

唔少Fans見到自己鍾意嘅偶像去醫院吊鹽水，都會擔心佢哋係咪身體出咗問題，但其實喺韓國做IV靜脈注射係一件幾常見嘅事，某程度上都算係一種生活文化。

無論係因為需要消除疲勞、想補充營養，定係出於美白或者解酒等原因，都有唔少韓國人會去診所做維他命靜脈注射。對當地人嚟講，呢類比較似日常保養型療程，唔少普通診所都會提供，甚至有上班族會趁Lunch Time去做，順便休息一下。

如果大家行程排得比較滿，前一日又行到好攰，或者成個人有啲攰同冇精神，呢類療程其實都幾適合作為快速補充能量嘅行程。整體時間通常唔長，多數一個鐘內就可以做完！

IV靜脈注射診所推薦👇🏻

[Blog] 韓國靜脈注射療程種類/美白點滴介紹

韓國變靚行程港韓價錢比較

※以上價格為2026年4月平均市價，實際收費會因地區、店舖、療程內容及優惠而有所不同。

韓國旅遊新手常見問題FAQ

Q1. 去韓國玩但唔識韓文都可以體驗？有冇中文或者英文服務？

A：可以！明洞、弘大、江南等熱門旅遊區嘅店鋪大部分都已經熟悉接待外國旅客，不過實際有冇中文或英文服務，仍然要視乎店鋪而定，建議可以準備定翻譯App以便溝通。如果想更加安心，Creatrip網站上進駐店鋪都對外國旅客友善，大家更加可以用繁體中文同港幣預約！

Q2. 預約需唔需要俾訂金？現場可唔可以直接碌卡？

A：大部分店鋪都會接受用海外信用卡付款，但實際情況仍然要視乎店舖安排。另外部分店舖可能會要求預先支付訂金，所以預約前最好先確認付款方式、訂金安排同取消條款，避免因臨時改動而產生額外費用。

Q3. 去韓國做美容體驗，要提前幾耐預約？可唔可以當日直接去？

A：大部分店舖都採用預約制，所以尤其係江南、弘大、明洞呢啲熱門地區，通常建議最少提早7至14日預約。如果臨時即日walk-in有機會要等好耐，鋪頭甚至未必會接受。如果想預約到理想時段，提早安排會穩陣好多。

Q4. 每個體驗大概需時幾耐？一日可以體驗到幾多個？

A：要視乎項目而定，例如美甲通常約1.5~2個鐘、頭皮SPA約1~1.5個鐘、醫美護膚多數約30~60分鐘。如果想成個行程安排得舒服啲、冇咁趕，通常建議一日安排2個體驗左右，中間預返交通同休息時間就啱啱好。

Q5. 透過Creatrip預約韓國醫美，真係會比較抵？

A：透過Creatrip預約韓國醫美，除咗有機會享有獨家療程優惠，通常亦可以同步睇到診所當時提供嘅活動同優惠價。部分店鋪亦會為透過Creatrip預約嘅客人提供可直接同醫生諮詢等額外服務。

Q6. Creatrip醫美積分回贈活動要點參加？可以拎到幾多回贈？

A：透過Creatrip預約指定醫美·牙科診所或者韓醫院，體驗後按照活動規則上傳收據同填寫評論，經審批後最多可以獲得15%積分回贈，詳情請參考活動頁面。

Q7. 男仔去韓國都可以做呢類美容體驗？

A：當然冇問題。其實唔少韓國男生平時都會做基本保養，同時好注重髮型、膚況同整體狀態。喺韓國，呢類體驗更多係偏向整理外表、提升精神面貌，同時令自己放鬆一下。如果平時都有留意皮膚狀況、髮型或者整體形象，去旅行時順便安排其實幾方便，CP值都夠高。

Q8. 第一次去韓國旅行，最推薦先試邊一種美容體驗？

A：如果你平時比較少接觸美容服務，小編會幾推薦試吓去做Personal Colour診斷或者體型分析，相對上比較實用；如果你想要偏放鬆、療癒型服務，咁頭皮SPA、護膚療程、1人SPA接受度通常都比較高，而且冇乜恢復期，適合排入旅行行程。

點可以用更抵價錢體驗高質韓國醫美？

🎉Creatrip醫美積分回贈活動🎉

而家透過Creatrip預約醫美診所之後參加韓國醫美積分回贈活動，上傳收據同填寫評論，即刻可以輕鬆領取最高15%回贈，冇咗醫美退稅都唔會蝕錢！

而且拎到積分之後，除咗可以用嚟再預約醫美診所，不斷賺醫美積分回贈之餘，你亦都可以喺Creatrip網站用呢筆積分預約韓國一日遊、韓服體驗、照相館、機場接送、餐廳訂位、DIY工作坊等等。

即刻撳下面張圖睇吓邊間醫美診所適用啦👇🏻

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！