Hello，大家好，我哋係由韓國人每日提供最新韓國旅行資訊嘅Creatrip。
Potenza黃金微針係近年喺韓國好受歡迎嘅醫美療程，主打改善毛孔粗大、暗瘡印疤痕、膚色暗啞同埋細紋。不過上網search相關資料嘅時候，成日都會見到有人話「黃金微針根本就係呃人嘅」，到底點解會咁講呢？
今日小編會以「Potenza黃金微針」做主題，幫大家一次過整理好療程原理、實際效果、副作用同注意事項，更加會推薦幾間韓國精選醫美診所，一齊睇吓你有冇呢個需求去做啦！
韓國「Potenza黃金微針」介紹
「Potenza黃金微針」係咩嚟？
「Potenza黃金微針」（Gold RF Microneedling）其實係一種「微針」加埋「射頻」嘅綜合醫美療程：
- 微針：透過用好多支極幼細嘅微針進行物理性刺激，喺皮膚上製造大量超細微嘅微創通道，幫皮膚啟動自我修復機制，促使膠原蛋白新生，同時破壞舊有膠原結構，等新生組織重新排列。
- 射頻：能量透過針尖直接傳到真皮層，令本身嘅膠原纖維即刻收縮，立即產生緊緻效果，同時長期刺激膠原蛋白同彈性纖維增生，令皮膚質感同紋理都有改善。
簡單嚟講就係幫皮膚「先破壞，後建設」，穿破舊嘅皮膚組織，再用熱能刺激膠原蛋白同彈力纖維增生同重組。
「Potenza黃金微針」效果
「Potenza黃金微針」其實都算幾萬能，大部分香港人最在意嘅皮膚問題都可以解決到：
- 收細毛孔：黃金微針最大效果就係做完之後毛孔會變細！
- 改善凹凸洞/暗瘡印：刺激皮膚再生，填平返啲疤痕！
- 控油：破壞皮脂腺，夏天無咁易出油溶妝！
- 提亮膚色：皮膚會變得好有光澤，好似飲飽水咁！
不過網上好多人都話做完Potenza黃金微針之後冇feel，覺得完全冇效，但其實基本上黃金微針要視乎你嘅情況，通常都要做至少3至6次療程，而且做完之後作息同日常護理都好緊要。
好似頭先咁講，Potenza黃金微針嘅原理係由內到外咁修復同重建，如果用合資格儀器、由專業醫生操作、療程安排得好，定期做就可以更有效刺激膠原蛋白再生，達到改善毛孔粗大、出油多、暗瘡印、細紋、膚色唔均或者暗啞、紋路問題，最大程度發揮療程效果。
基本上如果保養得好，做完嗰個星期就會開始見到效果，最大嘅效果一般會喺做完手術之後3至6個月最明顯。另外Potenza黃金微針通常都會同皮秒激光、拉提、淨膚激光或者基本護膚療程一齊做，一石二鳥。
如果係當護膚療程咁做，建議每1~2個月重複進行療程，令效果可以持續累積同埋慢慢加強。不過短時間內一次過做太多入侵性療程反而會有反效果，幾時可以再做好視乎個人情況，記住同專業醫生先進行諮詢啦！
「Potenza黃金微針」探頭種類點分？
上網search「Potenza黃金微針」會見到有好多唔同探頭種類，唔同探頭嘅皮膚狀況都唔同，最常見嘅有：
毛孔探頭
- 特徵：通常都係單獨使用
- 效果：縮細毛孔、改善暗瘡凹凸洞及肌膚紋路
- 痛楚：★★★☆☆（中等）
Pumping探頭
- 特徵：通常都會配合水光針
- 效果：加快精華吸收、改善肌膚紋路
- 痛楚：★★☆☆☆（輕微）
- 推薦：配合Juvelook素顏針、Exosome外泌體、Rejuran麗珠蘭等Skin Booster
鑽石探頭
- 特徵：無針頭，非入侵性療程
- 效果：拉提、V面、改善細紋及毛孔
- 痛楚：☆☆☆☆☆（無痛）
江南醫美診所院長推薦組合✅
|
大家喺Creatrip預約醫美療程嘅時候，記住睇清楚套餐包含嘅Potenza黃金微針會用上述邊種探頭，符唔符合你嘅需要。另一方面，所有透過我哋平台預約嘅醫美診所進行Potenza黃金微針嘅時候都包保一定會用全新開封嘅探頭，唔會重用！撳下面張圖免費預約留位諮詢，全方位改善你嘅皮膚啦！
「Potenza黃金微針」副作用&護理方法
Potenza黃金微針係「微創療程」，風險好低，但做完之後有機會局部紅腫或者有少少瘀，另外就算敷咗麻醉做嘅時候都會有少少熱熱地同刺痛，全部都係正常反應，慢慢就會好轉。
做完之後24小時內，最好都唔好掂水同化妝，唔好去汗蒸幕，亦都唔好大力洗面，咁樣可以減少傷口摩擦同刺激。當然比較刺激嘅護膚品都儘量唔好用住。療程後最重要係要搽防曬同保濕，避免色素沉澱，平時都要多啲飲水，少啲食刺激性嘢，咁樣先可以keep到Potenza黃金微針嘅效果！
「Potenza黃金微針」韓國平均價錢
療程 | 功效 | 價錢(1次) |
Potenza毛孔探頭 | 改善凹凸洞、毛孔 | ₩150,000~250,000 (150000~250000) |
Potenza Pumping探頭+ Skin Booster | 令肌膚更光滑，狀態更佳 | ₩350,000~600,000 (350000~600000) |
Potenza鑽石探頭+ 拉提療程 | 改善雙下巴、肌膚彈性 | ₩250,000~400,000 (250000~400000) |
Potenza黃金微針根據探頭種類、所搭配療程，價錢其實都差唔少！根據小編個人經驗，韓國好多醫美診所都有提供包含Potenza嘅療程套餐，價錢會平過單買療程，推薦大家可以考慮做套餐，效果亦會加倍！
「Potenza黃金微針」療程前後注意事項
療程前
- 如有服用藥物，記住要事先通知醫美診所。
- 建議療程當日避免大量飲酒或去桑拿。
療程後
- 療程後皮膚會較敏感，外出時必須搽防曬。
- 請充足塗抹修復霜或保濕面霜。
- 療程後一星期內切勿使用磨砂或去角質/果酸等煥膚產品。
「Potenza黃金微針」首爾醫美診所推薦
因為小編自己其中一個最大煩惱係暗瘡印多，而且皮膚比較粗糙，所以會定時去醫美診所做Potenza黃金微針。個人覺得喺韓國做Potenza黃金微針可以揀嘅探頭種類更多，加上如果配合Rejuran麗珠蘭、Juvelook素顏針、Exosome外泌體等水光針注射一齊做，成個療程套餐喺韓國會平好多。
而且因為Potenza喺韓國算係一個好common嘅醫美療程，所以大部分醫生都非常熟手！如果你都想喺韓國體驗Potenza黃金微針，可以透過Creatrip預約以下精選首爾醫美診所，享受高質醫美體驗仲可以額外得到10%積分回贈，更抵更實惠！
[스팟] Abijou雅秘珠國際中心弘大店（皮膚管理/拉提）
[스팟] 弘大nBOM Clinic（皮膚管理/拉提）
[스팟] 送輪廓注射🎉弘大Selena Clinic（1對1院長諮詢）
[스팟] 弘大Beauty Blossom Clinic（非流水線皮膚管理）
[스팟] LIJIN Clinic（皮膚專科院長看診）
[스팟] LAMINE CLINIC | 韓星指定醫美診所
[스팟] 弘大Arskin（皮膚管理/拉提）
[스팟] DayBeau Clinic釜山西面店（拉提/皮膚管理）
[스팟] SHE'S整型外科（音波拉提/玻尿酸注射）
[스팟] DayBeau Clinic The Premium明洞店（贈保濕面膜10片）
[스팟] REPIC CLINIC（非流水線皮膚管理）
「Potenza黃金微針」常見問題FAQ
Q1. Potenza黃金微針同一般激光療程有咩分別？
A：激光療程主要係直接喺肌膚表層進行磨皮；而Potenza黃金微針係用微針直接入到真皮層發射熱能，對皮膚表層傷害更細，但深層修復力更強。
Q2. 暗瘡肌可唔可以做Potenza黃金微針？
A：可以！Potenza黃金微針有專門針對暗瘡嘅探頭，亦都可以改善暗瘡疤痕同凹凸洞問題。
Q3. Potenza黃金微針做一次有冇效？
A：通常做1次已經會感覺皮膚變滑同亮白，但如果想徹底改善凹凸洞或深層毛孔，建議做 3 次以上（每次相隔 3-4 星期），詳情建議向專業醫生諮詢。
Q4. 整個過程要預幾多時間？
A：通常大概預1.5小時 → 洗面 + 敷麻醉藥膏 (30分鐘) + 施打 (20分鐘) + 鎮靜管理
Q5. 之前打過botox或者做過玻尿酸填充嘅話做唔做得Potenza黃金微針？
A：可以，但建議話比醫生知你打咗幾耐同打係邊個位，醫生會避開或者調整深度。
Q6. 做完Potenza黃金微針第二日可唔可以化妝？
A：可以！不過建議做完當日只用清水洗面，第二日就可以正常護膚同化妝。
Q7. 做完Potenza黃金微針可唔可以即刻搭飛機？
A：可以，但因為機艙好乾，所以記住帶定保濕面膜或者搽厚少少cream，避免太乾。
Q8. 韓國做Potenza黃金微針會平過香港幾多？
A：韓國Potenza黃金微針價錢通常係香港嘅 50-70% 左右，加上有得退稅，整體CP值會更加高！
點解要透過Creatrip預約韓國醫美診所？
韓國有幾百間醫美診所，但要搵到一間信得過、遊客都可以輕鬆體驗同價錢公開透明嘅，其實都唔係咁易......
透過Creatrip你可以：
- 睇清楚各個療程價錢（冇隱藏收費）
- 睇真實評價&相片
- 用繁體中文同港幣預約
- 喺旅程期間如果需要幫手都可以隨時查詢
- CP值高流水線醫美診所、貴婦級非流水線醫美診所應有盡有
- 享用Creatrip客戶專屬優惠，用最抵價錢做醫美療程
點可以用更抵價錢體驗高質韓國醫美？
🎉Creatrip醫美積分回贈活動🎉
而家透過Creatrip預約上述醫美診所之後參加韓國醫美積分回贈活動，上傳收據同填寫評論，即刻可以輕鬆領取10%回贈，冇咗醫美退稅都唔會蝕錢！
而且拎到積分之後，除咗可以用嚟再預約醫美診所，不斷賺10%醫美積分回贈之餘，你亦都可以喺Creatrip網站用呢筆積分預約韓國一日遊、韓服體驗、照相館、機場接送、餐廳訂位、DIY工作坊等等。
即刻撳下面張圖睇吓邊間醫美診所適用啦👇🏻
你可能會對呢幾篇文章有興趣⭐️
[블로그] 香港人必睇韓國醫美療程攻略 | 醫美診所預約流程、人氣醫美療程及診所推薦
[블로그] 10個無修復期韓國醫美療程推薦
[블로그] 韓國大型連鎖醫美診所/CP值高診所推薦
[블로그] 首爾非流水線/提供專業醫生諮詢醫美診所
[블로그] 2025弘大14間醫美診所/皮膚科推介
[블로그] 2025江南13間醫美診所/皮膚科推介
[블로그] 2025明洞9間醫美診所/皮膚科推介
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
