點解咁多香港人會專程去韓國做醫美？

Hello，大家好，我哋係由韓國人每日提供最新韓國旅行資訊嘅Creatrip。

網上個個都話去完韓國返嚟之後皮膚都變得勁好，真係因為韓國空氣唔同啲？

韓國除咗係而家超多流行嘅護膚品同化妝品嘅發源地，更加係全球領先嘅醫美勝地。單單係2024年，首爾就已經吸引咗接近100萬位遊客嚟做醫美療程，而大部分都係做護膚、拉提、激光同抗衰老療程。

呢幾種療程喺香港唔係做唔到，但點解咁多人會專程飛一轉韓國做？又點解韓國醫美診所技術先進得嚟又咁平？

韓國醫美受歡迎5大真正原因

1. 超高CP值隨時連機票錢都賺得返

喺香港做Ultherapy美版超聲刀或者Thermage熱瑪吉閒閒地都過萬，但喺韓國隨時可以用半價做到！

而且韓國仲有效果同樣顯著但價錢平一大截嘅韓國頂級國產儀器同藥劑，例如Shurink韓版超聲刀、Oligio原美電波、Volnewmer黃金樁、韓版botox等等，連超出名嘅Rejuran麗珠蘭都係韓國本地研發同製作。因為中間冇代理商去賺差價，所以成本更低，價錢自然更實惠。

另外一個好現實嘅原因係，首爾江南區方圓幾公里內有幾百間醫美診所，佢哋為咗搶客都會將價錢壓到好低，誇張到你喺香港做1項療程嘅價錢，喺韓國可以做到3~4項，講緊嘅係拉提療程、水光針都可以做到，CP值非常高。

2. 臨床經驗豐富

韓國醫美療程本地需求本身就多，加上而家好多遊客都會飛韓國做醫美療程，韓國醫生嘅臨床經驗可以話係全世界最豐富，分分鐘香港醫生一個月做嘅療程數量，韓國醫生幾日就做完。

而豐富嘅臨床經驗令韓國醫生可以根據每位客人嘅皮膚厚度、面部不對稱程度、脂肪量嚟調整發數同用量，度身訂造療程細節，效果自然會更加自然同貼合你嘅需求！

而且世界各地醫美儀器公司推出新機嘅時候，第一時間都會睇韓國市場反應，所以韓國醫美診所永遠都係最快引入最新技術嘅地方，想試都唔洗去到美國歐洲咁遠！

3. 一站式系統更快捷

香港人通常去韓國都係玩3日2夜/4日3夜，講真時間有限。韓國醫美診所因為每日都要接非常多客人，所以每間醫美診所都已經建立咗自己一套系統流程，效率更快。

特別係韓國大型流水線連鎖醫美診所由登記到諮詢、卸妝、敷麻醉膏、做療程等，過程夠順暢之餘分工仔細，每一步都唔會馬虎！不妨參考下面呢篇文章，睇下韓國人最推薦去邊幾間連鎖醫美診所啦！

[블로그] 韓國大型連鎖醫美診所/CP值高診所推薦

就算係一次過做幾個療程，通常2-3個鐘就可以搞掂，而且韓國醫美診所會透過做舒緩護理幫你將復原期減到最少，紅腫症狀會更快消退，朝早做完晏晝就可以繼續去玩！如果想做完醫美可以即刻化妝四圍影相打卡，不妨可以考慮以下幾個療程：

[블로그] 10個無修復期韓國醫美療程推薦

4. 專業翻譯隨時候命

조선비즈

醫美始終係喺塊面/身體度做療程，溝通非常重要！而韓國好多醫美診所而家都配有母語級中文、英文專業翻譯,甚至係美容顧問同醫生自己就識講呢幾種語言，唔需要擔心溝通唔到。

通常翻譯人員會由登記到諮詢、療程、術後講解都全程陪同，如果想去一定有提供中文、英文，甚至係廣東話專業翻譯嘅韓國醫美診所，透過我哋Creatrip就可以預約到，而且全部診所都經過政府認證同嚴格審核，大家可以放心體驗超值韓國醫美療程！

精選首爾/釜山醫美診所

5. 皮膚科&整形外科雙劍合璧

韓國醫美診所之所以咁出名，其中一個原因係醫生們好識幫客人搭配療程，唔同嘅儀器同針劑一齊做，令效果加倍！

而且而家好多診所都有專為遊客準備嘅懶人套餐， 對於唔太熟悉醫美儀器，但又想解決特定肌膚煩惱，時間又唔多嘅遊客嚟講更方便，唔需要再另外曬時間做research。

如果你去嘅係皮膚科同整形外科都有嘅醫美診所，仲可以一次過進行皮膚同整容療程嘅諮詢，相互配搭之下達到最理想效果！如果你都有呢個需求，可以考慮以下呢幾間診所：

[스팟] 皮膚科專科醫生主理 | 首爾麗格皮膚科（狎鷗亭）

[스팟] Onlif（江南）

[스팟] 整形外科醫生主理 | 原辰整形外科（江南）

[스팟] 拉提療程專家 | id Clinic（新沙店）

韓國醫美常見問題FAQ

Q1. 韓國醫美診所可唔可以walk-in？

A：其實大部分診所都唔接受walk-in或者當日預約，特別係非流水線或者得一位醫生嘅高級私人醫美診所一定要提早幾日預約，建議大家買完機票就即刻預約定，以免到時候做唔到療程。

Q2. 預約時喺香港需唔要提早俾訂金 ？

A：呢層每間醫美診所都唔同，但為咗防止No-show，部分診所都會要求先俾定一筆錢做訂金。如果唔想另外俾訂金，或者怕中途被收手續費，大家可以透過Creatrip免費預約精選韓國醫美診所，預約嘅時候只需要揀時間日期同填相關資料，唔需要俾錢就可以預約去做諮詢！撳下面張圖瞭解更多資訊：

Q3. 去之前係咪要100%決定好做咩療程？

A：通常都唔需要！不過去之前建議大概定好budget同諗清楚自己想改善嘅部位同皮膚問題，去到現場先可以同美容顧問或者醫生進行詳細諮詢，再安排適合你嘅醫美療程。好似上面咁講，大家可以先免費預約韓國醫美診所留位做諮詢，之後再揀療程更自由！

Q4. 流水線醫美診所定非流水線醫美診所比較好？

A：其實兩種醫美診所各有各優點，如果你追求超高CP值、想快手做幾個療程，推薦你揀「流水線醫美診所」；如果你想醫生慢慢同你進行詳細諮詢，或者想體驗更高級服務，咁推薦揀非流水線醫美診所。睇下面篇文瞭解更多呢兩種診所嘅分別同推薦診所清單啦：

[블로그] 韓國醫美診所分類&挑選攻略（流水線/非流水線/私人醫美診所）

Q5. 需唔需要另外支付翻譯費用？

A：大部分有做海外客人嘅韓國醫美診所入面都有專責同事提供免費翻譯服務，呢種情況下就唔需要另外俾翻譯費。如果大家想book有提供母語級翻譯服務嘅醫美診所，記住透過Creatrip預約啦 👉🏻 精選首爾/釜山醫美診所推薦list

Q6. 做完療程可唔可以即刻化妝？

A：如果係做Shurink韓版超聲刀、InMode呢類療程，做完可以即刻化妝；不過如果係打Rejuran麗珠蘭呢類水光針，做完療程之後面上會有針孔同腫起一粒粒，通常要一至兩日先會退，建議大家安排行程嘅時候要考慮到呢一點！

Q7. 做完當晚可唔可以飲酒或者食辣嘢？

A：為咗防止發炎，強烈建議最少戒酒3~7日！

Q8. 返到香港之後如果發現有副作用或者出現問題點算？

A：你可以影相send去診所嘅官方通訊帳號，佢哋會提供遙距跟進服務。不過如果你係透過Creatrip預約，就可以即刻搵我哋嘅24小時客戶服務中心（WhatsApp/Line），由專人幫你同診所直接溝通夠方便！

Q9. 由諮詢、做療程到術後護理總共要預幾多時間？

A：視乎你做咩療程，連埋等候時間通常大概需要2至3個鐘，plan行程嗰陣建議預留大半日最穩陣。

Q10. 去韓國做醫美療程有冇得退稅？

A：由2026年1月1號起，韓國醫美退稅制度已經結束，所以而家去韓國做醫美療程冇辦法再進行退稅。不過而家只要參加Creatrip醫美積分回贈活動，就可以獲得10%積分回贈，分分鐘抵過退稅！

🎉Creatrip醫美積分回贈活動🎉

而家透過Creatrip預約指定醫美診所之後參加韓國醫美積分回贈活動，上傳收據同填寫評論，即刻可以輕鬆領取10%回贈，冇咗醫美退稅都唔會蝕錢！

而且拎到積分之後，除咗可以用嚟再預約醫美診所，不斷賺10%醫美積分回贈之餘，你亦都可以喺Creatrip網站用呢筆積分預約韓國一日遊、韓服體驗、照相館、機場接送、餐廳訂位、DIY工作坊等等。

即刻撳下面張圖睇仲有邊間醫美診所適用啦👇🏻

首爾各地區醫美診所推薦👍🏻

[블로그] 2025明洞9間醫美診所/皮膚科推介

[블로그] 2025江南13間醫美診所/皮膚科推介

[블로그] 2025首爾清潭洞/新沙洞/狎鷗亭醫美診所推薦

[블로그] 弘大醫美診所/美容院/皮膚科推薦

[블로그] 韓國大型連鎖醫美診所/CP值高診所推薦

[블로그] 首爾非流水線/提供專業醫生諮詢醫美診所

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！