Hello，大家好，我哋係由韓國人每日提供最新韓國旅行資訊嘅Creatrip。
韓國嘅醫美診所出名快靚正，而且價錢比好多國家都平！不過佢哋嘅運作方式同其他地方有啲唔同。今日呢篇攻略將會幫你拆解預約韓國醫美診所嘅注意事項，等大家可以順利揀啱自己嘅診所，避免做咗唔需要嘅療程，仲可以喺旅程期間偷偷變靚！
👭🏻Creatrip Buddy韓國旅行小幫手👭🏻
透過Creatrip預約韓國醫美體驗，
即可免費享用14日個人旅行小幫手服務！
透過WhatsApp/Line即時溝通，
為你提供韓國旅行資訊、管理行程預約！
去韓國醫美診所前必做&避免事項
必做#1 瞭解韓國醫美診所種類
韓國有好多醫美診所，可以大致上分為「流水線診所」、「非流水線診所」同「私人醫美診所（半流水線診所）」，大家揀醫美診所之前記住睇吓你想去嗰間診所屬於以下邊種，又符唔符合你嘅需求！
1. 流水線醫美診所
韓國流水線醫美診所每日都會有好多人去做醫美療程，所以通常都會比較工廠式，而收費都比較平，CP值夠高！
推薦去流水線醫美診所做：
- 基本護膚療程（LDM、Aqua Peel等）
- Botox、填充、美白激光
- 改善毛孔等唔複雜嘅療程
如果你今次嚟係想簡單做護膚療程，或者你已經有揀好想做咩療程，唔需要進行長時間諮詢嘅話，比起非流水線診所同私人醫美診所，小編會推薦你去流水線醫美診所，快靚正之外質素有保證！
Creatrip精選流水線醫美診所✨
[스팟] Abijou Clinic（國際明洞店）
[스팟] 抗衰老/護膚專家 | UN!QUE id Clinic（弘大店）
[스팟] 提供廣東話翻譯 | nBOM Clinic（弘大）
[스팟] XENIA CLINIC（江南）
2. 非流水線醫美診所
韓國非流水線醫美診所係由醫生主理嘅醫美診所，又被稱為貴婦級醫美，呢度會花比較多時間做諮詢，而且通常都可以直接同醫生傾，然後根據皮膚分析結果為你提供客製化療程方案，整體服務都會比較貼心。
推薦去非流水線醫美診所做：
- 暗瘡疤痕治療（Potenza、Fraxel、RF微針）
- 緊緻拉提療程（Thermage、Ultherapy、Shurink）
- 複雜療程套餐
呢啲比較講求技術嘅療程，或者係需要解決皮膚問題嘅話，就算要洗多少少錢，都建議去韓國非流水線醫美診所做，質素會更加有保證！
Creatrip精選非流水線醫美診所✨
[스팟] 皮膚科專科醫生主理 | 清潭 ÉCLAT DE（狎鷗亭羅德奧）
[스팟] LAMINE CLINIC（市廳）
[스팟] 填充專家/免費皮膚診斷 | Project U（弘大）
[스팟] REPIC CLINIC（江南）
3. 私人醫美診所（半流水線診所）
私人醫美診所，或者係半流水線診所，集合咗流水線同非流水線診所嘅優點，專業之餘價錢又唔貴，好啱追求高CP值嘅小資旅客。
而通常呢種診所都會有特別擅長嘅療程，例如ONDA、填充等等，建議大家根據醫生專長揀，咁先可以將錢洗喺啱嘅地方上！
Creatrip精選私人醫美診所✨
[스팟] ONDA專業醫生主理 | DIORE CLINIC（江南）
[스팟] 填充專家/免費皮膚診斷 | Project U（弘大）
[스팟] 10THERMA/拉提專業醫生主理 | S Reborn（弘大）
必做#2 做諮詢前做定簡單資料搜集
美容顧問同醫生會按照你嘅需求同皮膚狀況去幫你做諮詢，但如果自己唔事先做定資料搜集，到時候用咗個貴價錢做咗個唔啱心水嘅療程就無謂啦，而且打定個底可以避免到時候聽唔明或者被hard sell做你聽都冇聽過嘅treatment。
可以事先瞭解：
- 療程目的同預期效果
- 修復期&副作用
- 平均價錢
- 你自己對針/熱力嘅接受程度
- 真實前後對比效果
如果你有特別想諮詢嘅問題，建議你可以自己寫低個list同大概諗吓自己嘅budget，你俾嘅資料越齊全，美容顧問同醫生就越可以為你提供最詳細嘅諮詢同推薦！撳下面張圖免費預約韓國醫美診所，去到現場做完諮詢再揀療程更自由！
必做#3 醫美新手請由非入侵性療程開始
如果你第一次做醫美療程，建議可以由啲比較溫和嘅療程開始做起。熱門又啱新手嘅選擇有：
- LDM水滴拉提
- Laser toning
- Aqua peel
- 臉部舒緩鎮靜護理
- ONDA等拉提療程
呢啲療程首先唔需要打針，亦都幾乎冇修復期，做完可以feel到皮膚變好之餘可以直接繼續行程，方便又有效。
必做#4 揀診所要睇診所專長，而唔好淨係睇邊間多人去
出名或者最近多人去嘅醫美診所唔代表一定啱你！就好似頭先所講，每間韓國醫美診所最拿手嘅療程都唔一樣，有專打botox/填充嘅診所，亦都有專業做拉提療程嘅醫美診所，參考以下清單揀最啱你嘅韓國醫美診所啦：
ONDA一叮溶脂(拉提)
[스팟] ONDA專業醫生主理 | DIORE CLINIC（江南）
Ultherapy美版超聲刀、Thermage熱瑪吉(拉提)
[스팟] Ultherapy/Thermage拉提專家 | BEAUTY BLOSSOM CLINIC（弘大）
[스팟] 拉提療程專家 | LIJIN Clinic 皮膚科（明洞）
[스팟] 10THERMA/拉提專業醫生主理 | S Reborn（弘大）
玻尿酸填充
[스팟] 填充專家/免費皮膚診斷 | Project U（弘大）
[스팟] 拉提/填充/微整型專家 | SELENA CLINIC（弘大）
[스팟] 超聲刀拉提、填充療程 | id Clinic（江南店）
暗瘡療程
[스팟] MEDICUBE CLINIC（江南）
[스팟] 皮膚科專科醫生主理 | 清潭 ÉCLAT DE（狎鷗亭羅德奧）
幹細胞療程
[스팟] 清潭Monet Clinic（江南）
避免#1 唔問清楚就照單全收所有加購項目
有啲醫美診所會建議你做多幾個療程，決定做唔做之前記住要問清楚：
- 「呢個係必需定係可以揀唔做㗎？」
- 「加咗呢個療程之後會有咩效果？」
- 「有冇啲平啲嘅選擇？」
- 「會唔會有修復期？」
大部分美容顧問都會老實答你，唔好因為怕拒絕人或者怕唔做會有壞處而全部都應承做！
避免#2 去流水線診所期望可以做詳細諮詢
韓國流水線醫美診所成個體驗流程非常快，通常登記完之後就會簡單同美容顧問簡單brief一次今日要做嘅療程，冇咩大問題就會出返去卸妝同做療程。所以如果你係想有一個比較完整嘅體驗同專屬諮詢服務，或者皮膚比較敏感，建議預約非流水線醫美診所！
[블로그] 首爾非流水線/提供專業醫生諮詢醫美診所
避免#3 臨飛前做高強度醫美療程
雖然大部分醫美療程都唔會有咩大問題，不過離開韓國2至3日前最好唔好做啲太高強度嘅療程，以免有咩問題冇得即刻返醫美診所覆診，或者因為氣壓問題而導致有任何副作用。建議大家儘量唔好做：
- 高強度Potenza黃金微針
- 高強度拉提療程
- 深層化學煥膚
- 玻尿酸填充
如果去到行程尾聲先有時間去做醫美聊城，建議揀護膚、保濕或者舒緩療程。
避免#4 以為所有診所都可以walk-in同提供中文翻譯
首先因為醫美診所通常都會好full，唔預約直接去診所話想做醫美療程嘅話，八成都會被拒絕，所以記住一定要事先預約！另外唔係每一間韓國醫美診所都會有中文或者英文翻譯，透過Creatrip預約就可以確保溝通順暢、價錢清晰，唔怕臨時有咩突發情況啦！
Last-minute韓國醫美小貼士
- 建議素顏去，你亦都可以去到診所先卸妝
- 如果本身對任何藥物有過敏反應，記住一定要同美容顧問/醫生講
- 如果怕痛可以問埋有冇麻醉膏/睡眠麻醉
- 做完強效療程之後要避免曬太陽
- 飲多啲水有助身體復原，如果有任何異常症狀記住要通知診所
- 療程前記住影定相，咁你就可以清楚見到改善效果，或者有咩問題都可以留個底
點解要透過Creatrip預約韓國醫美診所？
韓國有幾百間醫美診所，但要搵到一間信得過、遊客都可以輕鬆體驗同價錢公開透明嘅，其實都唔係咁易......
透過Creatrip你可以：
- 睇清楚各個療程價錢（冇隱藏收費）
- 睇真實評價&相片
- 用繁體中文同港幣預約
- 喺旅程期間如果需要幫手都可以隨時查詢
- CP值高流水線醫美診所、貴婦級非流水線醫美診所應有盡有
- 享用Creatrip客戶專屬優惠，用最抵價錢做醫美療程
你可能會對呢幾篇文章有興趣⭐️
[블로그] 香港人必睇韓國醫美療程攻略 | 醫美診所預約流程、人氣醫美療程及診所推薦
[블로그] 2025弘大14間醫美診所/皮膚科推介
[블로그] 2025明洞9間醫美診所/皮膚科推介
[블로그] 2025江南13間醫美診所/皮膚科推介
[블로그] 韓國大型連鎖醫美診所/CP值高診所推薦
[블로그] 10個無修復期韓國醫美療程推薦
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
