Hello，大家好，我哋係由韓國人每日提供最新韓國旅行資訊嘅Creatrip。

唔知大家記唔記得《KPop Demon Hunters》入面主角因為喉嚨唔舒服而去韓醫院睇醫生呢一幕呢？其實好多韓國人都會成日去韓醫院做各種調理/矯正身體、舒緩痛楚嘅療程。

今日就等小編由零開始介紹韓國韓醫院，話你知點解最近咁多人都會專程去韓醫院、通常大家會去做咩療程、韓國又有邊幾間韓醫院出名，幫大家整理一份完整韓醫院攻略！

韓醫院完整攻略

韓醫院同中醫有咩分別？

韓醫院顧名思義係以韓國傳統醫學為基礎嘅醫療機構，喺韓國只有持國家執照嘅韓醫師先可以執業。可能會有人覺得韓醫院係一種類似偏方嘅醫術，但其實韓國韓醫學屬於現代醫療系統嘅一部分，亦都係由韓國政府直接管理。

如果話癌症等重症問題會用西方醫術治療，需要促進身體自然恢復，或者透過調理令身體更健康，韓醫學可能會更快同更有效。

不過講起傳統醫術，香港朋友們應該會諗起中醫！韓醫同中醫同樣都係以古代中國醫學為根，亦都會透過針灸、草藥、推拿等非手術治療方法去進行治療，不過兩派醫學嘅理論其實唔太一樣。

中醫強調辨證論治同對症下藥，專注解決當下症狀；韓醫學強調需要根據唔同體質類型去進行治療，並非單純針對症狀，甚至更加獨創四象體質學說，將人分成太陽、太陰、少陽、少陰四種體質，就算出現同一症狀，治療方法都會因人而異。

而家有好多外國朋友們都會專程去體驗韓醫療程，如果你都想更瞭解自己體質，再根據體質進行客製化療程，甚至係體驗結合傳統醫學同現代美容嘅療程，非常推薦大家去韓醫院！

人氣韓醫療程&效果

每間韓醫院擅長嘅療程都唔同，大家平時聽開嘅針灸、推拿、拔罐功效其實都唔太一樣，大家可以參考下面介紹，睇下自己啱做邊款人氣韓醫療程啦！（下列價錢只作參考用）

針灸治療(침 치료)

講起韓醫一定唔少得針灸，用幼細嘅針刺入經絡穴位，幫助改善血液循環同放鬆肌肉。最受歡迎嘅針灸部位通常係肩頸、腰同頭部，特別係現代人生活習慣令肩頸肌肉變得緊綳，甚至可能會出現偏頭痛，呢個時候針灸就可以幫到你啦。

至於大家最concern嘅問題 —「到底針灸會唔會好痛？」，小編坦白講其實拮落去個下會有少少酸痛嘅感覺，不過比起去打針痛楚會更輕微，而且療程通常20~30分鐘就會完，插住嘅時候更加會feel到慢慢開始放鬆！

針灸療程效果&推薦人士✅

所有同Creatrip合作嘅韓醫院全部都有提供針灸療程，大家可以根據行程同budget揀返間去體驗！

拔罐(부항)

拔罐將好似上圖咁嘅杯型工具放喺皮膚上面，透過造成真空效果，改善血流同放鬆肌肉，雖然療程進行期間會有皮膚被拉扯嘅感覺，不過比起同，更加似係有人好用力幫你按摩咁。

拔罐療程最近甚至紅到去外國，有荷里活演員去行紅地氈嘅時候被發現背部有拔罐嘅圓形紅印！如果大家都想喺旅行期間做拔罐，記住唔好揀要著露背衫嘅日子前去做，因為紅印通常會維持3-7日先會慢慢消退！

拔罐療程效果&推薦人士✅

同樣地所有同Creatrip合作嘅韓醫院全部都有提供拔罐療程，想去鬆一鬆就記住事先預約定，順便參加埋醫美積分回贈活動，賺返療程費用10%去預約其他行程！

推拿(추나)

由韓醫師用雙手直接調整關節同肌肉，改善因為姿勢不佳或者生活習慣而造成嘅痛症問題，特別係頸前傾、腰痛、盆骨不平衡等問題都可以透過推拿改善，好多人亦都會連埋針灸一齊做。

做推拿嘅時候可能會聽到關節啪一聲，不過唔係甩骹，而係關節間氣泡爆開嘅聲音，通常醫師都會喺療程前預先同你解釋，唔需要太擔心。

推拿療程效果&推薦人士✅

想體驗韓式推拿嘅話都可以透過Creatrip預約精選韓醫院，而且大部分韓醫院都有提供中、英文翻譯服務，唔需要擔心溝通唔到！

不對稱矯正(비대칭 교정)

最近好多遊客都會專程去韓國韓醫院做不對稱矯正療程，用針灸、推拿同肌肉放鬆治療去改善臉部或者骨盆不對稱症狀。

去做不對稱矯正療程前會先幫你影正面同側面相，分析不對稱程度，做完客製化療程之後再影相做比較。雖然齋做一次療程冇辦法完全解決問題，不過變化夠明顯，keep住去做會效果亦都可以維持更耐。

因為韓醫院採用嘅係非手術性療程，唔需要削骨或者開刀，而係透過調整肌肉緊張模式同關節位置去改善，整體安全性會更加高，好多遊客每飛一次韓國就會去做一次，塑造臉部/骨盆輪廓。

不對稱矯正療程效果&推薦人士✅

不對稱矯正療程推薦韓醫院✨

DUNA韓醫院(두나한의원)

DUNA韓醫院位於聖水洞，係一間專門做面部/身體不對稱矯正嘅韓醫院。呢度特點係會用AI診斷儀器分析客人不對稱問題，再提供客製化療程，效果更加顯著。

呢間Creatrip獨家合作診所更加有提供減肥韓藥，大家可以透過我哋用繁體中文同港幣預約，方便又快捷！

利我韓醫院(리아한의원)

位於明洞嘅利我韓醫院將不對稱矯正、減肥同美容療程組成一個套餐，方便行程緊迫嘅遊客可以一次過體驗韓國醫學療程，而且所有療程都無副作用，如果有安排去明洞嘅行程，不妨可以考慮去體驗！

韓藥處方(한약 처방)

根據個人嘅體質同健康狀況，專業韓醫師會為每位客人度身訂造韓藥處方。好似頭先所講，傳統韓醫學重視個人體質，所以即使係相同症狀，都會因為體質唔同而有唔同處方，所以一定要同韓醫師做一對一嘅諮詢。

大家可以透過食韓藥舒緩疲勞、改善消化&睡眠質素、提升免疫力，韓醫院亦都會幫你將藥分裝成一包包或者提供藥丸，方便你帶返屋企。

不過要注意韓藥處方後配藥有時會需要啲時間，如果喺旅程最後一日先去就可能拎唔到，建議喺行程早段或者中段去諮詢。

韓藥處方療程效果&推薦人士✅

喺Creatrip搵到嘅韓醫院全部都有提供韓藥處方服務，建議大家如果可以揀嘅話就揀攞藥丸，以免出現帶唔到返屋企嘅問題。位於安國嘅通仁韓醫院主打由根本進行治療，好多韓國人都會喺度配藥，推薦大家可以去~

減肥韓藥(다이어트 한약)

韓國韓醫診所嘅減肥計劃唔係靠「瘦身藥」去急速減磅，而係集中改善體質同調節食慾。做完體質諮詢之後，會有飲食習慣指導，再配度身處方嘅韓藥。

好多遊客會喺韓醫院進行諮詢後帶韓藥返去食，一次過開1至3個月分量，咁就唔洗成日來回韓國啦！不過記住唔好期望短時間內可以極速瘦身，食減肥韓藥目的係透過改變體質，令身體唔易變肥！

減肥韓藥療程效果&推薦人士✅

不對稱矯正療程推薦韓醫院✨

明洞Siwon韓醫院(명동시원한의원)

明洞Siwon韓醫院主打體重管理療程，去到之後會即場幫你做InBody測量體脂肪，之後由院長診症，進行個人化診斷。唔止減肥，佢哋喺面部矯正同體形矯正方面都非常有經驗，如果想喺明洞搵韓醫院，小編推薦大家去明洞Siwon韓醫院！

光韓醫院(빛한의원)

光韓醫院以減肥韓藥聞名，呢度處方嘅減肥藥同Wegovy維秀美或者Mounjaro滿健樂差唔多，都係透過抑制食慾進行瘦身。而且因為佢哋會幫手整成藥丸，所以帶返屋企都更加方便。

崔赫韓醫院(최혁한의원)

崔赫韓醫院提供減肥、拉提同皮膚管理療程，每年都有超過2,000個外國人嚟。處方減肥韓藥同時配合美容針灸治療係佢哋嘅特色，重點係呢度仲有提供EMS韓藥速遞服務，就算係最後一日去診症都可以安坐家中等韓藥寄到！

艾灸(뜸)

位於釜山嘅Green韓醫院最出名做溫熱艾灸，敷背部可以緩解肩頸肌肉緊張問題，敷肚就可以改善消化不良、便祕、痛經！

以上就係今次小編為大家整理嘅韓醫院療程同醫院攻略，雖然大家可能會覺得同中醫冇咩分別，不過韓醫比起病痛，的確比較注重於人本身，如果想體驗客製化療程，或者瞭解自己體質，希望慢慢調理身體健康，推薦大家下次飛韓國要去韓醫院體驗！

點可以用更抵價錢體驗韓醫院療程？

🎉Creatrip醫美積分回贈活動🎉

而家透過Creatrip預約指定韓醫院之後參加韓國醫美積分回贈活動，上傳收據同填寫評論，即刻可以輕鬆領取10%回贈！

除咗可以用嚟再預約韓醫院，不斷賺10%醫美積分回贈之餘，你亦都可以喺Creatrip網站用呢筆積分預約韓國一日遊、韓服體驗、照相館、機場接送、餐廳訂位、DIY工作坊等等。

即刻撳下面張圖去預約啦👇🏻

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！