Hello，大家好，我哋係由韓國人每日提供最新韓國旅行資訊嘅Creatrip。
準備飛韓國玩預緊budget？今次小編幫大家用港幣列出咗幾樣韓國旅行必做體驗嘅價錢，比較下原來韓國有好多體驗都平過香港，今次飛韓國記住唔好錯過以下行程啦！
用港幣幫你計韓國特色體驗洗費
港幣$10 | 香蕉奶
唔少朋友嚟韓國玩嘅時候第一件事就係買返支香蕉奶飲，雖然係人工香精味，但係真係一陣非常「韓國」嘅味道XD 不過要感嘆物價真係升得勁快，之後可能未必可以用到港幣10蚊去買香蕉奶飲啦...
港幣$10 | 首爾共享單車
首爾大部分路邊都可以搵到共享單車「Seoul Bike」，每個鐘頭租借費用係₩1,000(1000)。推薦大家可以去漢江邊租返架，沿住單車徑慢慢踩，一邊欣賞漢江嘅壯麗景色，沿途仲可以搵個位停低，影返幾張靚相打卡！
使用方法可以參考👇🏻
[블로그] 韓國「Seoul Bike」使用指南
港幣$50 | 汗蒸幕
嚟到韓國點可以唔試汗蒸幕！大家可以換上指定嘅T恤短褲同整個羊咩咩頭，然後入唔同溫度嘅房焗汗，排走毒素。焗完記住好似韓劇主角咁食返隻雞蛋同飲甜米露，近距離接觸韓國人嘅生活文化。
首爾/釜山汗蒸幕推薦👇🏻
[블로그] 韓國汗蒸幕總整理
港幣$50 | DAISO
相信唔洗小編多講，大家都知韓國Daiso有幾咁好行，每次都買到停唔到手！最重要係呢一兩年Daiso開始聯手各大化妝品牌合作，推出又平又好用嘅product，所有商品最貴都只係₩5,000(5000)，大家記住一定要去行啦！
你可能會有興趣👇🏻
[블로그] 韓國Daiso分店位置總整理
港幣$100 | 漢江遊覽船
只需要港幣100蚊就可以喺首爾最浪漫嘅市中心漢江邊坐遊覽船，邊欣賞首爾日夜景色！船上仲有爵士樂表演，大家更加可以餵海鷗食零食，留低一個美好回憶。
[스팟] 汝矣島Eland Cruise遊覽船（日間）
[스팟] 汝矣島Eland Cruise遊覽船（夜間）
[스팟] 蠶室漢江Eland Cruise遊覽船（只接受週末預約）
港幣$100 | 南怡島入場券
南怡島以韓劇《冬季戀歌》拍攝地而聞名，呢度嘅四季景色都好靚，春天有櫻花，夏天有綠油油嘅樹木，秋天有金黃色嘅銀杏同紅葉，冬天就係一片雪白，無論係情侶、朋友定家人都可以一齊去，享受首爾近郊嘅寧靜。
[스팟] 南怡島入場券（包來回渡輪船票）
[블로그] 南怡島一日團總整理 | 南怡島簡介、附近必去景點、交通&入場券等
港幣$100 | 夜間觀光巴士
如果想欣賞首爾夜景，除咗大家平時會去嘅N首爾塔（南山塔）觀景台之外，仲可以考慮去搭夜間觀光巴士！呢架巴士會沿住漢江邊行駛，上到南山之後俾大家影相，然後再返落清溪川一帶。天氣好嘅時候可以上開蓬雙層巴士二樓坐，一邊享受涼風，一邊欣賞漢江璀璨夜景！
[스팟] 首爾城市觀光巴士（夜景路線）
港幣$200 | 韓服全日租借
相信唔少人嚟韓國都會租韓服去古宮殿影相打卡，重點係租韓服唔貴，著住韓服仲可以免費入景福宮，唔需要專登買飛！感覺就好似穿越咗時空，變成古裝劇嘅主角~
可以去邊度租韓服?👇🏻
[블로그] 2025首爾韓服總整理
港幣$200 | 炸雞+啤酒野餐
其中一個最道地嘅韓國體驗係喺漢江叫炸雞外賣同野餐！大家可以去租張野餐墊坐喺草地上，一邊欣賞漢江景色，一邊食住熱辣辣嘅炸雞同飲啤酒，夜晚仲可以睇埋漢江大橋嘅夜景，享受休閒時光，同朋友、家人、另一半製造浪漫回憶。
邊個brand最好食?👇🏻
[블로그] 2025韓國必食炸雞推薦
港幣$200 | 形象照/證件相
韓國人影相P圖技巧不在話下，除咗以前大家嚟韓國必影嘅證件相，呢幾年更加多咗好多唔同concept嘅形象照Studio，200蚊左右就可以影到一張，留低自己同親友最靚一面！
韓國人都會去邊度影?👇🏻
[블로그] 韓國首爾11間必影證件相推薦
[블로그] 韓國形象照/自助拍攝/專業室內&戶外拍攝總整理
港幣$200 | 剪頭髮
韓國一直走在時尚尖端，美髮方面當然都不在話下。好多人都會喺嚟韓國玩嘅時候專登去剪頭髮，而且最近好多髮型屋都有識講中文、英文嘅職員，就算唔識韓文都可以show張相俾髮型師睇，打造你想要嘅髮型。
小編私心推薦👇🏻
[스팟] SOONSIKI HAIR（總店）
[스팟] [獨家進駐優惠🎉] HOSU DOSAN（建大聖水店）
[스팟] ONYAD HAIR（聖水1號店）
港幣$500 | 樂天世界+校服租借
樂天世界係韓國最出名嘅主題樂園，分為室內同室外兩個部分，有刺激嘅機動遊戲之餘仲可以欣賞精彩嘅花車巡遊、同城堡合照，無論大人定小朋友都會玩得開心！如果係同朋友或者另一半一齊去，推薦去租返套校服扮學生哥，享受年輕(?)一刻XD
用優惠套裝一次過預約👇🏻
[스팟] 樂天世界全日通門票 + 感性校服（蠶室總店）
港幣$500 | 1人SPA&搓澡
講起搓澡，大家可能會諗起汗蒸幕幫你捽老泥嘅阿珠媽，但其實最近韓國而家多咗好多可以獨享私人時光嘅1人SPA/搓澡專門店！唔單止可以幫身體去除老廢物質、促進血液循環、令皮膚更白滑，同時更加可以療癒身心靈，超relax！
最近新興1人搓澡專門店👇🏻
[블로그] 首爾1人SPA/搓澡專門店總整理
港幣$500 | 洗牙
大家可能會心諗，點解要專登喺韓國洗牙？但其實韓國洗牙價錢平過香港30~60%，而且因為好快就搞掂，只需要抽行程中一段時間去就得，亦都唔會影響後續行程。與其用香港價錢洗牙，倒不如喺韓國洗，慳返嘅錢攞去旅行！
你可能會有興趣👇🏻
[블로그] 韓國洗牙療程介紹/價錢/推薦診所
港幣$500 | 護膚療程
韓國美容護膚技術全球聞名，嚟到韓國唔試吓就太可惜喇！基本嘅護膚療程500蚊通常都會有找，簡單做個保濕鎮靜或者深層清潔療程，皮膚都會變得水潤又光滑！
港幣$800 | 滑翔傘
如果你想追求刺激，體驗喺天空翱翔嘅感覺，可以選擇去玩滑翔傘！韓國有好多地方出名玩滑翔傘，例如京畿道嘅楊平同忠清北道嘅丹陽。喺教練嘅帶領下夠安全之餘仲可以飛上天，從高空俯瞰韓國田園風光。
[스팟] 丹陽CAFE SANN滑翔傘體驗
[스팟] 楊平滑翔傘體驗
港幣$800 | 染髮/電髮
如果唔想齋剪頭髮，可以俾多少少錢體驗韓國染髮同電髮，韓國髮型師最犀利係可以根據你五官推薦最啱嘅髮型俾你，同時夠fashionable又容易打理，就算之後返到香港都可以維持靚靚髮型！
小編私心推薦👇🏻
[스팟] #CCONTE（弘大西橋店）
[스팟] [夏日優惠🎉] texture（首爾林店）
[스팟] THE DAY'S HAIR（弘大）
港幣$800 | 韓式妝髮體驗
如果遇上特別日子，或者想化個靚妝去影形象照，推薦大家去妝髮Studio體驗韓式妝髮！專業化妝師會根據你嘅五官特點化妝，精緻得嚟夠持久，全日都可靚住去玩！
港幣$800 | 頭皮SPA
近年越嚟越多人都會定期去做皮膚護理，但大家知唔知其實頭皮老化速度係皮膚嘅六倍！而且因為頭皮同臉部皮膚係連住嘅，所以如果頭皮唔健康，都有機會導致臉部皮膚鬆弛。而家喺韓國有好多做頭皮護理嘅專門店同髮型屋，大家不妨抽時間去做，由根本護理秀髮！
邊度有得做專業頭皮護理?👇🏻
[블로그] 韓國頭皮SPA/頭皮護理療程推薦
港幣$1,000 | 韓牛套餐
韓國有好多好嘢食，不過而家有好多都可以喺外國食到，但係仍然有幾樣美食真係要喺韓國食先夠抵夠新鮮夠正宗，其中一樣係韓牛！用港幣1,000蚊就可以食到豪華韓牛大餐，諗起都流曬口水！
小編私心推薦👇🏻
[블로그] 韓國必食韓牛餐廳推薦
港幣$1,000 | Personal Colour&體型診斷
講起韓國當然唔少得Personal Colour Test（個人色彩診斷），透過搵出同我哋膚色最夾嘅顏色，改變自己衣著、化妝品、髮色等等去令成個人睇落更加亮麗動人！雖然而家香港都有好多地方有提供呢個服務，不過喺韓國做當然會更加抵！
全部都有專業翻譯👇🏻
[블로그] 韓國Personal Colour中心總整理
港幣$1,000 | Shurink HIFU音波拉提
Shurink係韓國版嘅HIFU音波拉提療程，所以當然喺韓國做會更加平！而且始終係韓國技術，交俾當地經驗豐富嘅醫生就最好不過啦！通常1,000蚊港幣可以做到ard 300發嘅Shurink HIFU，有臉部下垂煩惱嘅朋友們記住唔好錯過啦！
港幣$1,500 | 牙齒美白
最近越嚟越多香港朋友都會嚟韓國做漂牙等等嘅牙齒美白療程，因為韓國牙齒美白技術同設備都受到國際認可，但係價錢方面就平過香港好多倍，係香港嘅三分之一！如果係遊客嚟做，分分鐘計埋機票錢都仲抵過喺香港做XD
想去韓國做牙齒美白療程?👇🏻
[블로그] 韓國漂牙/牙齒美白方法大解析
港幣$1,500 | Rejuran麗珠蘭水光針
呢兩三年最多人討論嘅醫美療程一定唔少得Rejuran麗珠蘭水光針，主要成分係可以促進皮膚再生、抗炎、修復受損嘅PDRN，可以激活皮膚自我修復能力。喺韓國打價錢更加會比較實惠，仲可以揀用針打定機打，有興趣嘅話下次記住去體驗啦！
[블로그] 韓國Rejuran麗珠蘭水光針攻略
港幣$1,500 | 紋眉/唇
韓國半永久化妝技術非常先進，效果自然又持久，特別係紋眉、紋唇同紋眼線都好出色。如果平時鍾意韓式妝容，又唔想每日提早起身畫眉搽唇膏，記住要去試下啦！
[스팟] Browdoll（江南）
[스팟] [夏季限定優惠🎉] BAISOO（清潭店）| 韓星精選半永久化妝
[스팟] Onlif（江南）| 半永久化妝
呢幾樣嘢居然係免費嘅？
牙科檢查
香港牙科無論做咩療程都好貴，如果大家想做牙科檢查，但係又怕會hard sell，推薦大家可以去「LE牙科」！「LE牙科」為Creatrip客戶提供獨家免費牙科檢查，預約時只需要支付訂金，檢查完之後就算唔做其他療程都可以退返訂金俾你！
[스팟] LE牙科（江南）
預約醫美中心
大家有時候想做美容療程，但係唔知道邊種療程最啱自己，比起齋睇網上介紹，建議大家一定要向專業人士諮詢！我哋網站上面有幾間醫美診所都可以免費預約，然後當日做完諮詢之後再揀，自由度同滿足度相信會更高！
更多免費韓國旅行小貼士👇🏻
[블로그] 點樣可以0蚊玩轉韓國？
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
