Hello，大家好，我哋係由韓國人每日提供最新韓國旅行資訊嘅Creatrip。
香港無論係簡單洗牙、美白，定做複雜嘅瓷牙貼片，價錢都真係唔惹少... 不過相反韓國因為對牙科療程需求大，所以好多時候都可以用更加平嘅價錢做到更加高質嘅療程！到底價錢差幾多，值唔值得飛韓國嘅時候去做？
韓國香港牙科療程價錢比較
洗牙
香港🇭🇰 | HKD$800-1,500 |
韓國🇰🇷 | ₩60,000-100,000 (60000-100000) |
洗牙可以話係最基本嘅牙科療程，透過清除牙齒表面同牙齦線下積聚嘅牙石同牙菌膜，防止牙周病等口腔疾病，所以牙醫都會建議6-12個月去洗一次牙！不過就算知道要定期去洗牙，見到香港個價錢咁貴都會卻步...... 喺韓國洗牙平過香港30~60%，金錢負擔更加細，自然就可以養成去洗牙嘅習慣啦！！
想睇更詳細介紹？
[블로그] 韓國洗牙療程介紹/價錢/推薦診所
牙齒美白/漂牙
香港🇭🇰 | HKD$3,000-5,000 |
韓國🇰🇷 | ₩170,000-660,000 (170000-660000) |
而家除咗追求排牙要齊，牙齒夠唔夠白都係一個判斷一個人排牙靚唔靚嘅標準。韓國牙齒美白療程雖然平過香港好多（個差價夠你買來回機票lol），但療程質素夠高，而且效果夠明顯，通常去做一次排牙就會白2-3度，更加可以維持6-12個月！
想睇更詳細介紹？
[블로그] 韓國漂牙/牙齒美白方法大解析
全牙冠![韓國牙科 香港牙科 牙齒美白 牙齒矯正 牙科療程 韓國牙科價錢 香港牙科價錢 韓國醫療 韓國牙科推薦 韓國全牙冠 香港全牙冠]()
香港🇭🇰 | HKD$4,000-8,000 |
韓國🇰🇷 | ₩450,000-1,000,000 (450000-1000000) |
全牙冠通常都係蛀牙問題太嚴重，或者牙齒斷裂嘅時候做，可以恢復牙齒功能同時延長牙齒壽命。雖然知道香港做任何牙科療程都好貴，但係韓國價錢居然同香港差成80%！
補牙![韓國牙科 香港牙科 牙齒美白 牙齒矯正 牙科療程 韓國牙科價錢 香港牙科價錢 韓國醫療 韓國牙科推薦 韓國補牙 香港補牙]()
香港🇭🇰 | HKD$800-1,800 |
韓國🇰🇷 | ₩90,000-100,000 (90000-100000) |
相信蛀牙問題每個人最少都會遇過一次，如果蛀牙問題比較輕微，就可以磨走蛀牙表面，然後用樹脂等材料進行填補。如果大家喺韓國做其他牙科療程嘅時候發現有蛀牙，記住做埋先返香港，慳得一蚊得一蚊！
植牙
香港🇭🇰 | HKD$18,000-40,000 |
韓國🇰🇷 | ₩590,000-1,200,000 (590000-1200000) |
大家可能冇諗過去其他國家植牙，但其實韓國係全世界植牙數量最多嘅國家，而且連香港都開始用緊韓國材料做植牙，價錢平過歐美牌子之餘效果同功能都唔輸蝕！
箍牙
香港🇭🇰 | HKD$30,000-70,000 |
韓國🇰🇷 | ₩3,000,000-10,000,000 (3000000-10000000) |
箍牙有分好多種，視乎係傳統鋼線箍牙定隱形牙箍、內箍等等價錢都唔同。相比其他牙科療程，香港同韓國箍牙療程嘅費用算係比較接近。不過最近有間韓國牙科專門為Creatrip香港客戶提供獨家優惠價，可以免除剝牙、牙套等其他額外費用，更加抵做！
✨Creatrip獨家優惠✨ 預約TU牙科之香港客戶，均可享用箍牙優惠價， 而且唔會加收任何額外費用 Clippy-C自鎖式牙箍 ₩6,000,000(6000000) 隱適美透明牙套 ₩9,000,000(9000000) |
打算箍牙嘅你一定唔可以錯過！
[스팟] TU牙科（江南）
瓷牙貼片
香港🇭🇰 | HKD$5000-10,000 |
韓國🇰🇷 | ₩450,000-600,000 (450000-600000) |
瓷牙貼片/門牙貼片係另一個好多人都心郁郁想做嘅牙齒美容療程，唔需要箍牙或者做漂牙都可以一次過滿足到矯正同美白嘅效果，而且仲可以改變牙齒形狀，就算本身隻牙崩咗都可以完美補返！
想睇更詳細介紹？
[블로그] 韓國瓷牙貼片介紹/明星前後效果比較
✨零磨牙瓷牙貼片
韓國🇰🇷 | ₩890,000-3,500,000 (890000-3500000) |
最近韓國就新興做「零磨牙瓷牙貼片」，牙齒損耗幾乎為零、貼片薄至0.01mm夠自然、持久度高之餘仲唔會影響原有牙齒。不過可以做嘅牙科唔多，推薦大家去下面呢兩間受認證而且已經獲得專利嘅診所：
[스팟] MINISH牙科（江南）
[스팟] TU牙科（江南）
對韓國牙科療程有興趣？
撳下面張圖瞭解更多資訊啦👇🏻
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
