Hello，大家好，我哋係由韓國人每日提供最新韓國旅行資訊嘅Creatrip。
IV靜脈注射，俗稱吊鹽水，對香港人嚟講通常都係病咗或者身體好差嘅時候先會去做。但其實對韓國人嚟講，靜脈注射係一個非常基本嘅日常保養療程。當覺得最近壓力太大或者狀態唔好，就會去醫美診所或者普通醫院進行靜脈注射，將有效成分直接注入體內，紓緩疲勞、恢復元氣。
不過韓國靜脈注射療程有超多種，邊幾種最常見？對遊客嚟講呢類療程安唔安全？一齊睇下今日小編嘅介紹啦！
韓國IV靜脈注射介紹
IV靜脈注射係咩嚟？
IV靜脈注射係將維他命、礦物質、抗氧化成分等直接注入靜脈，快速補充營養、恢復身體狀態嘅健康護理。比起口服營養補充劑，吸收率更高，幾乎可以即時感受到效果。
✅ IV靜脈注射有咩好處？
- 可以恢復因長途飛行同旅行行程而消耗嘅體力！
- 韓國獨有嘅美容靜脈注射含有維他命C、穀胱甘肽、膠原蛋白等，對美白、提亮膚色、改善氣色好有效！
- 有感冒徵兆或者狀態唔好時，打一針就可以明顯改善，好多韓國明星都會去打！
✅ 推薦對象
- 韓國旅行中希望消除疲勞嘅你
- 拍攝或重要活動前想令皮膚更有光澤嘅你
- 想定期做健康管理嘅你
- 對美容同健康有興趣嘅你
韓國IV靜脈注射療程注意事項
始終IV靜脈注射係醫療療程嘅一種，當然最重要嘅就係揀一間合資格、有信譽嘅醫院，建議大家一定要確認診所有冇正規醫療牌照，使用嘅靜脈注射產品都一定要經過韓國食藥署（KFDA）或者多國FDA認證。
合格嘅醫院會嚴格控制衛生，所有藥物都會標明來源同有效期限，令大家更安心。
一般嚟講建議一至兩星期打一次，亦可以根據個人身體狀況調整次數。進行療程嘅時候醫院都會準備牀或者長櫈俾你瞓低，令你可以順便好好休息。
[블로그] 點解要喺Creatrip預約韓國醫美/醫療？
常見韓國IV靜脈注射療程
胎盤素注射（抗衰老）
胎盤素係從健康胎盤中提煉出嚟嘅營養成分，含有多種胺基酸、維生素同生長因子。
呢種注射被稱為肌膚嘅「充電站」，可以幫助皮膚修復、促進新陳代謝，仲可以幫手提升整體活力，好多人打完之後覺得皮膚變光滑透白、狀態變好，都成為唔少韓星同打工仔嘅最愛療程！
白玉注射/穀胱甘肽注射（美白）
穀胱甘肽本身係身體入面好重要嘅抗氧化物，主要用嚟美白、抗衰老，或者想加強身體嘅排毒功能。
韓國近年嚟嘅面膜、日常護膚品紛紛加入穀胱甘肽，美白同抗氧化效果特別明顯，除咗令膚色更加均勻，仲可以幫助身體排走自由基，減少老化現象。對於長期曝曬、作息唔規律嘅人嚟講，呢種療程可以話係皮膚嘅救星！
維他命B/C/D注射（抗疲勞）
維他命注射係韓國醫美診所入面最基本、最受歡迎嘅保健療程之一。呢三種維他命各有唔同功效，維他命B幫助提神、維他命C有助美白同抗氧化，而維他命D就係維持免疫力嘅關鍵。
好多人會定期打維他命注射當做日常保養嘅一部分，令身體隨時保持喺最佳狀態，皮膚都會更加有光澤！
邁爾式雞尾酒注射（抗疲勞）
邁爾式雞尾酒（Myer's cocktail）注射係韓國醫美圈好受歡迎嘅疲勞修復療程，混合多種維他命、礦物質同胺基酸，好似調酒咁，可以根據個人狀況度身訂造。
呢款靜脈注射特別適合經常捱夜、工作壓力大，或者覺得總係提唔起勁嘅人。打完可以快速補充身體流失嘅營養，令你短時間內恢復元氣，仲可以提升免疫力、改善睡眠質素。
免疫注射（增強免疫）
主要透過特定成份嚟激活身體嘅免疫系統，喺換季時期好多人會打，可以幫身體更加有效咁對抗外來病毒同細菌。
免疫注射嘅好處，就係可以提升身體嘅自我防禦力，呢種療程就好似身體嘅「防護罩」，適合想由根本預防疾病、增強體力嘅人！
大蒜注射（抗疲勞）
大蒜本身有好強嘅抗氧化同抗菌效果，打完針之後可以幫身體排毒、提升免疫力，好多人會揀呢個療程嚟改善疲勞、增強體力，特別啱成日捱夜或者體力透支嘅人。
打完大蒜注射之後精神會好啲，體力都會提升，療程安全，係現代人保健嘅新選擇。
精胺酸注射（瘦身）
希望喺運動嘅時候，加快體脂肪燃燒，或者喺減肥期間容易覺得攰、冇力嘅時候，精胺酸注射都係近排好受歡迎嘅療程。
天生基礎代謝率比較低，減肥成效唔明顯，或者係需要改善水腫、促進末梢血液循環嘅朋友，不妨試下喺韓國打精胺酸注射，有加速瘦身嘅療效！
韓國IV靜脈注射診所推薦
其實喺韓國，大部分診所都好有保障，特別係透過Creatrip介紹嘅IV靜脈注射診所都係我哋嚴選嘅醫美診所，大家可以放心預約，安心享受療程。
- 白玉注射、灰姑娘注射、胎盤素注射、大蒜注射
[스팟] 延世路皮膚科診所（靜脈注射療程）
- 穀胱甘肽注射、灰姑娘注射、維他命注射、胎盤素注射、精胺酸注射
[스팟] Forena Clinic弘大店（靜脈注射療程）
- 美白注射、精胺酸注射、邁爾氏注射、維他命注射
[스팟] 江南塔內科（靜脈注射療程）
- 度身訂造注射療程
[스팟] VEI Clinic（靜脈注射療程）
- 感冒針、口腔炎針、穀胱甘肽針、免疫針、胎盤素針、營養點滴、宿醉針
[스팟] CLIONIC耳鼻喉科醫院（靜脈注射療程）
以上係韓國人流行嘅IV靜脈注射嘅介紹，大家有冇興趣試下呢？
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
