Hello，大家好，我哋係由韓國人每日提供最新韓國旅行資訊嘅Creatrip。
去濟州旅行同去首爾唔同，非常老實講，要搵去邊買嘢都幾頭痕。想買本地零食同手信，或者去酒店/Airbnb之前唔知邊度可以一次過掃齊食物同飲品？濟州機場附近有一個地方乜都有，四周仲係人氣酒店同Airbnb！呢個地方就係今日小編要介紹嘅濟州「樂天超市」啦！
濟州「樂天超市」介紹
濟州「樂天超市」資訊
- 地址：제주 제주시 연북로 1
- 營業時間：10:00-23:00
每月休息日👇🏻
[블로그] 8月韓國超市/百貨公司休息日
濟州雖然有好多購物選擇，例如本地傳統市場、旅遊商店、便利店等等，但如果你想一次過買齊所有嘢，慳返啲時間嘅同時又精明消費，韓國人都會推薦你去濟州「樂天超市」，唔單止夠方便、價錢平、選擇又多！
濟州「樂天超市」現場環境
濟州「樂天超市」位置超方便，近機場又近好多人氣酒店，無論你啱啱落機定準備離開濟州嘅時候都好啱去。重點係仲有免費接駁巴士，只要去機場外面6號巴士站搭就得（不過班次比較少）。大家亦都可以過條馬路去搭的士，車程大約10分鐘左右。
好快就去到濟州「樂天超市」，呢度真係超大！一入門口就見到濟州代表石像—石頭爺爺，即刻有種真係嚟到濟州島嘅感覺。
[이미지 슬라이더] 
就算你唔識韓文都唔使擔心！濟州「樂天超市」有齊英文指示牌，就算係第一次去都好易搵路。而且每條通道上面都有大大個牌，睇到自己喺邊個區，搵嘢超方便，唔洗驚盪失路。
而且濟州「樂天超市」仲有專為外國遊客提供獨家優惠，包括優惠券、退稅、甚至免費禮物。詳細內容可以參考文章最後部分，記得唔好錯過！
濟州「樂天超市」獨家手信推薦
如果想將真正嘅濟州味道帶返屋企，一定要去「제주 마씸」區。呢度有好多得呢度先有嘅本地產品，其他地方搵唔到！
[이미지 슬라이더] 
例如有用濟州本地食材做嘅濃郁朱古力、島上釀造嘅傳統米酒、仲有各種獨特小食，全部都充滿濟州風味。仲有大包裝濟州抹茶，送禮自用都一流！
[이미지 슬라이더] 
如果見到上圖嗰幾個紅色指示牌，代表你睇緊嘅商品係最受外國遊客歡迎嘅商品。只要跟住啲指示牌買，就可以搵到最啱做手信嘅濟州特產，好似漢拏峰橘茶、水果啫喱、曲奇、同濟州本地酒！
[이미지 슬라이더] 
你仲可以去「Clean Jeju Specialties」專區行下，呢度有好多濟州新鮮海產產品，包括韓式辣醃海鮮等各種醃製同發酵美食，仲有本地酒同其他特色商品，全部都好有濟州特色！
濟州「樂天超市」必買手信推薦
[이미지 슬라이더] 
小編個人覺得去外國超市行係去旅行必做活動之一，而濟州「樂天超市」真係冇令我失望！呢度除咗有濟州特產專區，仲有超多韓國食品，重點係成間鋪頭分區好清楚，搵嘢好方便。
嚟到濟州，記得要去水果區買超甜嘅濟州柑食。最神奇嘅「樂天超市」會用AI檢查新鮮度同水果糖度，保證你買到最靚最新鮮嘅水果！
新鮮肉類區比想像中大又齊全，選擇超多，仲有濟州出名嘅黑豬肉。如果會住有廚房嘅Airbnb，記住一定要買嚟自己煮嚟試下！
海鮮區都一樣咁吸引！嚟到濟州一定要食新鮮海鮮，而濟州「樂天超市」特別係有新鮮即食刺身拼盤，通常會比餐廳平好多，買返去住宿慢慢嘆超正！
仲有即買即食嘅炸雞專區，仲有各種韓式小菜，全部都係份量都唔太多，可以每款都試少少。
見到咁多美食真係會肚餓，好彩濟州「樂天超市」有試食區，可以試咗先買！如果你想買啲零食同飲品返去住宿慢慢嘆，你全部都可以喺濟州「樂天超市」搵到！
[이미지 슬라이더] 
二樓嘅紅酒區超大，有來自唔同國家嘅紅酒，標示清楚甜度同乾度。仲可以問店員攞免費試飲，慢慢揀自己最鍾意嗰款紅酒！
揀好紅酒之後，大家仲可以去超大嘅芝士專區睇下，配紅酒一齊食就最正！
嚟到韓國當然唔可以錯過韓國即食麵！即食麵係最受歡迎嘅家常美食，仲好方便帶返屋企做手信。
HBAF杏仁一向好受歡迎，帶返屋企同朋友家人一齊食就啱晒啦。除咗最出名嘅蜂蜜牛油，仲有芥辣、Tiramisu、辣炒年糕等多款有趣口味，梗有一款啱你口味！
如果想買傳統食品，小編推薦大家去買傳統藥果！
仲要記得買埋蜂蜜牛油薯片，呢款韓國人氣零食甜甜鹹鹹，無論韓國人定旅客都超鍾意！
濟州「樂天超市」購物&旅行攻略
1. 建議平日朝早或者中午去，可以避開人潮。
2. 一樓有儲物櫃，放低行李就可以輕鬆咁行街買嘢啦。
[이미지 슬라이더] 
3. 上面仲有時裝商場，有32個唔同品牌，仲有藥房、影樓、ATM、尿袋租借等實用服務。
[이미지 슬라이더] 
4. 記得順便去附近嘅購物同旅遊景點行下。
Daiso
韓國出名嘅十蚊店—Daiso，
濟州最大分店就喺樂天超市對面！
東門傳統市場
一個好熱鬧嘅本地市場，
可以試濟州街頭小食，買新鮮農產品同手信！
梨湖木筏海邊
位於機場附近嘅海灘，
以馬形燈塔同寧靜日落聞名！
龍頭岩
形狀似龍頭嘅海邊岩石，
四周圍有超靚海景！
濟州「樂天超市」優惠活動
1. 外國遊客專用優惠券
- ₩3,000、₩5,000現金券
※可於濟州機場旅客服務中心、濟州港及樂天租車公司領取
[이미지 슬라이더] 
- 免稅店優惠券
※可於濟州樂天超市1樓顧客服務中心領取
[이미지 슬라이더] 
2. 退稅服務
所有收銀處都可以進行退稅，唔需要去其他地方另外辦理手續。
3. 特別禮物
消費超過₩50,000，即可免費得到一條韓文絲巾！
※可於濟州樂天超市1樓顧客服務中心換領
※請務必攜帶並出示護照
※先到先得，送完即止
最近plan住去濟州玩？
[스팟] Foreigner-Friendly Premium Skin Clinic in JejuㅣPPEUM Clinic Jeju Branch
[스팟] Jeju Tour (East Course) | Jeju Departure
[스팟] ZZIMCAR Jeju Island Taxi Tour
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
