Hello，大家好，我哋係由韓國人每日提供最新韓國旅行資訊嘅Creatrip。
提起呢幾年嘅韓國，一定唔少得Personal Colour診斷同體型診斷。唔單止可以令你整體變靚，仲可以更了解自己啱咩顏色同風格！而最近小編發現咗一間位於明洞，叫做「COLORIZE」嘅中心，提供Personal Colour診斷之餘，仲有體型診斷、化妝、香水DIY等等，一次過體驗K-Beauty嘅奧秘！
撳我睇價錢&預約詳情👇🏻
[스팟] 명동 퍼스널컬러 | 컬러라이즈 명동 본점
「COLORIZE（明洞總店）」推薦原因
- Personal Colour同體型診斷結果夠好準，專家亦都非常細心！
- 會提供best/worst色調，仲會幫你列出啱你嘅風格、化妝品、飾物等資訊，之後行街襯衫都好有幫助！
- 仲有香水DIY、打卡位、化妝區等體驗，非常充實！
- 中心用粉紅色做主調，配埋花裝飾，好似去咗Pop-up Store玩咁！
- 位於明洞主街，明洞站行過去都好近，交通夠方便！
「COLORIZE（明洞總店）」真實體驗
今日去咗明洞嘅人氣Personal Colour同體型診斷中心 —「COLORIZE（明洞總店）」，中心距離明洞站好近，就喺明洞主街，搭公共交通工具都可以輕鬆去到！
[이미지 슬라이더] 
鋪頭環境比想像中大，而且入口有個擺滿唔同皇冠嘅地方，大家可以自由試戴，體驗區仲可以試香水！比起去做Personal Colour，更加似去咗Pop-up Store玩咁！
[이미지 슬라이더] 
周圍參觀咗一陣之後，職員帶咗小編入去裡面，發現原來仲另外有個等候區！等候區其中一塊牆放滿各種顏色卡，大家可以運用等候時間用呢塊牆做背景自拍，仲可以揀下邊隻色啱自己，完全唔會覺得悶。
[이미지 슬라이더] 
中心整體裝修以粉紅色為主調，而且光猛又新淨，四圍仲有花，好似嚟到城市入面嘅花園咁。
[이미지 슬라이더] 
正式做Personal Colour診斷之前會先入診斷室填問卷。問題主要係問平時鍾意咩風格、成日著咩色、想要咩感覺之類，令你重新思考自己嘅喜好同性格。問卷有各種語言嘅版本，就算唔識韓文都唔需要擔心！
[이미지 슬라이더] 
診斷前，專家會先解釋Personal Colour嘅理論同分類方法，專家話而家Personal Colour除咗分春、夏、秋、冬四大類，入面仲有細分！「COLORIZE（明洞總店）」用咗Pantone色調系統嘅診斷布，幫你準確診斷Personal Colour，之後就可以喺網上輕鬆搵到自己嘅最佳色彩。而且為咗令診斷更準確，佢哋裝咗特別燈光，令分析顏色過程更精細！
[이미지 슬라이더] 
坐低之後專家會幫你check膚色同眼珠顏色。小編嘅膚色係21號同22號之間嘅中性tone，粉底用21號加少少22號會最自然。而眼珠係淺赤棕色，專家話帶有灰色嘅啡色隱形眼鏡會好襯！
[이미지 슬라이더] 
之後就可以著上袍同戴頭巾，用唔同顏色嘅布放喺面前做正式Personal Colour診斷。專家話小編比較襯亮色系嘅顏色，特別係粉紅同黃色最襯。實際測試嘅時候，亮色系嘅顏色令塊面睇落更紅潤有立體感，而深色就會令黑眼圈更明顯，真係幾神奇！
[이미지 슬라이더] 
最後小編被診斷為「Autmun Mute Soft」！專家之後會用最襯同最唔襯嘅顏色布放喺面前比你睇分別，真係一眼就睇得出唔同。相信以後揀衫或者化妝品都會方便好多~
[이미지 슬라이더] 
專家仲會幫你睇啱咩pattern，小編原來啱用低對比、柔和同協調嘅圖案。
[이미지 슬라이더] 
做完Personal Colour診斷之後，專家會幫你整理同總結診斷結果。好似頭先所講，小編屬於「Autmun Mute Soft」，比較襯柔和形象，飽和度比較高嘅粉紅色都ok。而第二色調係Spring Bright，Worst Colour就係Winter Deep，專家話太深色會令塊面睇落非常暗沉。另外仲有推薦埋髮色同飾物，非常實用。
最後專家仲會幫手睇平時常用嘅化妝品到底啱唔啱你嘅Personal Colour，亦都會教你用每款產品嘅小貼士！
[이미지 슬라이더] 
中心有一個Self Make-up Zone，可以自己試用唔同化妝品。大家唔需要專登去化妝品鋪頭試，喺度就可以試晒啱自己Personal Colour嘅產品，好方便！小編都試咗啱Autmun Mute Soft色調嘅化妝品，仲有試到平時已經好想試嘅唇彩！
[이미지 슬라이더] 
除咗化妝品，仲有眼鏡同飾物可以試戴，大家可以試埋啱自己面型嘅眼鏡，或者襯自己嘅手鏈，小編玩得勁開心！
[이미지 슬라이더] 
「COLORIZE（明洞總店）」另一個吸引之處就係有好多打卡位！無論喺邊個位影相都好靚，感覺唔似嚟做Personal Colour診斷。
[이미지 슬라이더] 
大家仲可以同時加選體型診斷！專家首先會幫你量度頭、頸同臉型大小，小編後腦偏圓，頸同面型都偏長，所以set頭嘅時候加強側面頭髮豐盈度會令塊面睇落細啲。
[이미지 슬라이더] 
之後會量膊頭、腰、臀部尺寸，仲會實際摸骨去診斷體型，所以無論肥定瘦，診斷出嚟嘅骨架都唔會變！
職員一邊解釋，仲會一邊細心記錄，令小編更可以瞭解自己體型。
[이미지 슬라이더] 
小編被診斷為wave type，wave type係骨架唔明顯嘅體型，啱著強調腰線嘅款式。專家仲會舉出出名明星做例子，解釋得好清楚！
診斷完之後，專家會將最終診斷結果、推薦顔色、搭配、化妝品資訊一次過俾曬你，以後shopping可以參考！
[이미지 슬라이더] 
因為小編有加購30分鐘嘅重點妝容化妝服務，化妝師會根據診斷結果幫你化妝，成個妝容感覺比平時更啱自己。可以一次過做Personal Colour診斷同化妝，夠方便~
[이미지 슬라이더] 
最後小編仲體驗埋香水DIY，可以聞各種唔同出名品牌嘅香水，揀啱自己嘅香之後混合精油，整出屬於自己嘅香水。小編都有跟住Personal Colour揀咗啱Autmun Mute Soft嘅香味，而完成嘅香水要等一個星期之後先可以用。
位於明洞嘅「COLORIZE（明洞總店）」唔止係Personal Colour診斷，仲有好多唔同體驗同打卡位，絕對係一個會留低深刻回憶嘅地方。最後仲會送Colour Book、色卡、唔同嘅造型說明紙等禮物，令你可以更清楚了解自己嘅Personal Colour！
「COLORIZE（明洞總店）」前往方法
明洞站（명동역）10號出口出。
直行。
轉入左邊停車場前小路。
直行。
於上圖地方轉左。
直行。
「COLORIZE（明洞本店）」位於你嘅左邊！
撳我預約👇🏻
[스팟] COLORIZE（明洞總店）
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
