2026年最新17間首爾按摩&SPA專門店推薦

Hello，大家好，我哋係由韓國人每日提供最新韓國旅行資訊嘅Creatrip。

去旅行除咗要去食盡同玩盡佢，好多人都其實係想借呢個機會好好放鬆平時返工返學嘅壓力，呢個時候大家都會抽時間去做SPA或者按摩。而喺韓國除咗傳統按摩，最近仲多咗好多新式按摩同SPA！

唔好以為做小編就可以成日四圍玩，其實同普通打工仔冇咩分別，同樣每日都要坐喺office、對住部電腦整content同寫文章俾大家睇XD 所以成日都會覺得肩頸肌肉好緊、而且坐得太耐對腳會水腫，呢個時候小編就會去按摩。

小編今次根據個人經驗加上同事們嘅推薦，幫大家整理咗16間飛韓國旅行嘅時候可以去嘅按摩同SPA鋪頭，大家下次嚟記住去放鬆身心啦！

首爾按摩/SPA推薦

喺韓國大家可以搵到唔同種類嘅按摩同SPA鋪頭，包括韓式按摩、泰式按摩、1人SPA等等，當中有，更加有部分鋪頭會同時提供埋護膚美容服務，大家可以按照需求揀！

首爾林 | THE FORET SPA_{(더포레스파)}

• 地址：서울 성동구 서울숲2길 32-14 B1 B11호
• 前往方法：首爾林站（서울숲역）5號出口

「THE FORET SPA」係一間有超多韓星熟客嘅高級SPA專門店，可以享受到星級護膚按摩體驗。每個客人都有獨立房，更加提供多款獨家All-in-one療程，可以根據自己預算同需求揀，由頭到腳都勁relax！

💭THE FORET SPA顧客真實評價

更多預約資訊&真實評價👇🏻

[스팟] THE FORET SPA（首爾林店）

弘大 | Shin Jiyoon皮膚管理中心_{(홍대신지윤피부관리)}

• 地址：서울 마포구 양화로 156 11F
• 前往方法：弘大入口站（홍대입구역）9號出口

呢間位於弘大入口站附近嘅皮膚管理中心連OH MY GIRL都有去過，提供臉部輪廓管理、皮膚管理等美容療程，透過按摩消水腫同瘦臉，比起微整型手術更加安全，亦都唔會有副作用！

[이미지 슬라이더]      

最近小編睡眠質素唔太好，所以皮膚比較暗沉，而且成日都會水腫，所以就去咗「Shin Jiyoon皮膚管理中心」做透明質酸注氧保濕同輪廓管理療程。

呢度比較似係按摩店+醫美診所嘅感覺，除咗會幫你敷面膜、做護膚療程，仲會用手按壓全臉，改善臉部唔對稱問題，整理臉部線條。因為每個人嘅需求唔同，老闆會根據每位客人嘅臉部狀態幫大家進行療程，呢點小編覺得好唔錯！

💭Shin Jiyoon皮膚管理中心顧客真實評價

更多預約資訊&真實評價👇🏻

[스팟] Shin Jiyoon皮膚管理中心（弘大）

弘大、江南、蠶室、九老 | FLOWSEOUL按摩水療_{(플로우서울마사지앤스파)}

弘大延南店

• 地址：서울 서대문구 동교로 294
• 前往方法：弘大入口站（홍대입구역）3號出口

江南驛三店

• 地址：서울 강남구 테헤란로20길 34 3F
• 前往方法：驛三站（역삼역）3號出口

蠶室松坡店

• 地址：서울 송파구 송파대로 345
• 前往方法：松坡站（송파역）8號出口

九老新林店

• 地址：서울 관악구 남부순환로 1458 3F
• 前往方法：新大方站（신대방역）2號出口

「FLOWSEOUL」係一間超多韓國本地熟客幫襯嘅按摩店，喺首爾主要地區都有分店，專門進行身體代謝循環護理，有大量五星好評驗證。最特別係會根據顧客數據分析身體狀態，以韓國傳統手法進行護理，幫你放鬆身體肌肉、舒緩疲勞。

小編最推薦大家去做嘅係招牌全身護理療程，由頭到腳進行全身護理，幫助身心充電同改善睡眠，並結合熱石療法舒緩旅行或日常積累嘅疲勞。推薦旅行當中需要恢復體力，或者想喺寧靜環境下體驗韓式身體代謝循環護理嘅你嚟體驗！

更多預約資訊&真實評價👇🏻

[스팟] 本地人最愛療癒體驗 | FLOWSEOUL按摩水療（弘大延南店）

[스팟] 本地人最愛療癒體驗 | FLOWSEOUL按摩水療（江南驛三店）

[스팟] 本地人最愛療癒體驗 | FLOWSEOUL按摩水療（蠶室松坡店）

[스팟] 本地人最愛療癒體驗 | FLOWSEOUL按摩水療（九老新林店）

明洞 | Ohui & Whoo Spa_{(오휘&후 스파)}

• 地址：서울 중구 명동10길 41
• 前往方法：明洞站（명동역）8號出口

由高級保養品品牌「Ohui & Whoo」提供嘅高級美容&SPA服務係多位韓國名人嘅首選！療程前會進行一對一諮詢服務，幫你搵到完全適合你皮膚類型同需求嘅美容護理，而且仲會用返旗下美容產品，效果有保證。重點係好近明洞同鐘路區，交通夠方便。

💭Ohui & Whoo顧客真實評價

更多預約資訊&真實評價👇🏻

[스팟] Ohui & Whoo Spa（明洞）

明洞 | Hana Mud汗蒸幕_{(명동 하나 머드 마사지 사우나)}

• 地址：서울 중구 을지로14길 7
• 前往方法：乙支路三街站（을지로3가역）10號出口

喺明洞「Hana Mud汗蒸幕」可以一次過享受按摩、桑拿同搓身服務，更加會用到平時好少見嘅泥漿面膜、純金面膜等特製護膚產品，可以體驗韓國傳統美容文化！

[이미지 슬라이더]   

呢度其中一個優點係會開到夜晚10點，大家可以喺完成一日行程之後再去嘆傳統桑拿，不過小編提提大家，要注意呢度係女性專用店鋪，如果同行有男士可能就要稍作等候或者揀去另一間鋪頭啦！

💭Hana Mud汗蒸幕顧客真實評價

更多預約資訊&真實評價👇🏻

[스팟] Hana Mud汗蒸幕（明洞）

明洞 | 明洞Mud汗蒸幕_{(명동머드)}

• 地點：서울 중구 명동8나길 22
• 前往方法：明洞站（명동역）6號出口

「明洞Mud汗蒸幕」提供嘅唔係單純皮膚護理，而係會幫你分解脂肪後促進淋巴循環，幫你排走老廢物質，從根本改善面部輪廓！而且唔會用化學藥品，亦唔會對面部施加壓力，減少對皮膚刺激，效果顯著！

[이미지 슬라이더]        

一開始見到個名係汗蒸幕，以為會好似普通汗蒸幕咁入去焗桑拿、搓老泥，但「明洞Mud汗蒸幕」有提供各種淋巴按摩、輪廓管理同高級搓澡療程，小編同事上次去體驗嘅時候話成個過程非常舒服，唔單止可以瘦臉，仲會幫你按到非常到位，做完成個人鬆曬！

💭明洞Mud汗蒸幕顧客真實評價

更多預約資訊&真實評價👇🏻

[스팟] 明洞Mud汗蒸幕（明洞）

明洞 | Art De La Peau_{(아드레포)}

• 地址：서울 중구 명동7가길 20 3F
• 前往方法：乙支路入口站（을지로입구역）6號出口

位於乙支路入口站附近嘅「Art De La Peau」提供超舒服淋巴按摩療程，仲有護膚甚至係臉部拉提療程，種類非常多，大家可以一次過做曬facial同按摩，一石二鳥！

[이미지 슬라이더]        

小編之前去過做「K-Beauty水光護理療程」，療程師會先幫你清潔臉部同去角質，然後就會進行Aqua Peel、色素美白護理、HIFU拉提同按摩，最後敷埋石膏面膜，促進新陳代謝同血液循環，做完療程之後皮膚的確變得白滑咗！呢度仲有提供瘦身療程，有興趣記住透過Creatrip預約啦！

💭Art De La Peau顧客真實評價

更多預約資訊&真實評價👇🏻

[스팟] Art De La Peau（明洞）

明洞 | 長今Spa美容中心_{(장금 스파 에스테틱)}

• 地址：서울 중구 명동7길 25 4F
• 前往方法：乙支路入口站（을지로입구역）6號出口

「長今Spa美容中心」院長有超過30年經驗，按摩實力無容置疑，而且有獨立療程室，安心又放心。鋪頭位於乙支路入口站附近，做完療程充滿電之後可以即刻去shopping。

老闆話有好多韓國人，特別係打工仔喺度做完一次treatment之後就直接做埋會員，定期嚟按摩，證明效果夠曬好。推薦大家可以旅行最後一日嚟舒緩疲勞，為韓國旅程畫下一個完美句號！

💭長今Spa美容中心顧客真實評價

更多預約資訊&真實評價👇🏻

[스팟] 長今Spa美容中心（明洞）

明洞 | Blue Arirang_{(블루아리랑)}

• 地址：서울 중구 명동길 55 10F
• 前往方法：乙支路入口站（을지로입구역）6號出口

明洞「Blue Arirang」提供臉部同全身按摩服務，所有按摩器材都夠新淨，而且環境闊落乾淨，獲得顧客一致好評！旅行期間如果想去放鬆，推薦去按摩relax吓，男女都可以預約！

[이미지 슬라이더]    

之前小編朋友去「Blue Arirang」做咗個黃金瘦臉按摩療程，做完面部按摩之後再敷黃金面膜。雖然做面部按摩嘅時候可能會覺得有啲痛，但按摩師手勢夠熟練，按完之後大家會睇得出面部有明顯嘅變化，睇落塊面會變V咗。加埋多重功效嘅黃金面膜，做完之後皮膚會變得更光滑！

更多預約資訊&真實評價👇🏻

[스팟] Blue Arirang（明洞）

明洞 | Korea Spa_{(코리아스파)}

• 地址：서울 중구 명동7길 8
• 前往方法：明洞站（명동역）7號出口

明洞按摩老字號「Korea Spa」提供高級按摩服務，有唔同類型嘅獨立房，無論係自己一個去定同家人、朋友、另一半去都冇問題。由臉部按摩到腿部按摩都有，多種療程任君選擇！

💭Korea Spa顧客真實評價

更多預約資訊&真實評價👇🏻

[스팟] Korea Spa（明洞）

明洞 | Happy Skin_{(해피스킨)}

• 地址：서울 중구 명동8가길 33 7F
• 前往方法：明洞站（명동역）9號出口

位於明洞附近嘅「Happy Skin」院長有超過25年經驗，旗下所有療程師全部都有經過專業訓練，提供超舒服按摩服務。透過我哋預約更加可以享有優惠價，以最抵價錢享受優質服務。

💭Happy Skin顧客真實評價

更多預約資訊&真實評價👇🏻

[스팟] Happy Skin（明洞）

明洞 | SHILLA Esthetic_{(신라에스테)}

• 地址：서울 중구 명동8가길 33 7F
• 前往方法：明洞站（명동역）9號出口

明洞「SHILLA Esthetic」有齊臉部護理療程同全身按摩療程，無論係想收毛孔、美白、拉提，定想做淋巴按摩或者熱石按摩都得，幫你由頭到腳放鬆同消除疲勞！

[이미지 슬라이더]         

「SHILLA Esthetic」係好多日本明星都會去嘅按摩店，小編上次去做咗個毛孔&美白療程，包含足浴、肩頸按摩、拉筋、臉部清潔、深層去角質、美白護膚、LED光療、氣壓腿部按摩等等，全個過程大約用咗1個半鐘，做完出嚟淨係用普通相機影都會覺得皮膚好好。

而且雖然當時小編係第一次去俾人按摩，一開頭覺得唔太習慣，但按按下會覺得原本緊綳嘅肌肉變得更放鬆，推薦想體驗韓式按摩同護膚療程嘅朋友們去！

💭SHILLA Esthetic顧客真實評價

更多預約資訊&真實評價👇🏻

[스팟] SHILLA Esthetic（明洞）

二村 | GOYO WELLNESS_{(고요웰니스)}

• 地址：서울 용산구 이촌로64길 24 2F
• 前往方法：二村站（이촌역）4號出口

「GOYO WELLNESS」嘅療程以科學原理為基礎，透過按摩、運動同溫熱排毒，令每一位客人都可以放鬆身心，舒緩肌肉緊張！提供1人室同2人室，私隱度夠高！

更多預約資訊&真實評價👇🏻

[스팟] GOYO WELLNESS（東部二村店）

鐘閣 | W THERAPY_(W테라피)

• 地址：서울 종로구 종로 62-1 5F
• 前往方法：鐘閣站（종각역）4號出口

「W THERAPY」招牌療程結合法國海水浴療同正宗日本微電流技術，幫你放鬆身心靈。更加提供私人療程室，私隱度夠高之餘仲可以更加放鬆咁享受療癒時光！鐘閣站一出就到，做完treatment可以即可去光化門、仁寺洞同明洞玩。

💭W THERAPY顧客真實評價

更多預約資訊&真實評價👇🏻

[스팟] W THERAPY（鐘閣）

東大門 | Quick Body Healing Center_{(퀵바디힐링센터)}

• 地址：서울 중구 장충단로 263 14F
• 前往方法：東大門歷史文化公園站（동대문역사문화공원역）14號出口

學生同打工仔成日都要長時間坐喺度，而遊客嚟旅行就日日都要行超多路，東大門「Quick Body Healing Center」專門做專業精油按摩同運動按摩，呢個時候嚟按摩就可以舒緩肌肉疲勞同痛楚！職員經驗豐富，而且識講中文，唔需要擔心溝通唔到！

[이미지 슬라이더]      

小編上次做咗上半身運動按摩同 精油腳部按摩，按摩師一邊按嘅時候都會問你平時有冇邊度痛或者想加強按摩力度，非常貼心。對成日用電腦同坐喺度嘅Office打工仔小編嚟講，呢個療程正正可以解決我肩頸緊綳同小腿容易水腫嘅問題，按完之後真係會覺得成個人鬆咗好多！

💭Quick Body Healing Center顧客真實評價

更多預約資訊&真實評價👇🏻

[스팟] Quick Body Healing Center（東大門）

東大門 | 情彙藥手_{(손의향기)}

• 地址：서울 중구 장충단로 253 10F
• 前往方法：東大門歷史文化公園站（동대문역사문화공원역）14號出口

「情彙藥手」喺日本超出名，由臉部按摩到全身按摩都有，特別嘅鍺石按摩更加按摩效果更好更舒服！呢度職員經驗豐富，亦都有獨立房間，可以安心放鬆享受按摩。重點係鋪頭位於東大門歷史文化公園站附近，按完摩可以直接落東大門行街！

[이미지 슬라이더]      

小編之前去做臉部拉提同經絡按摩，療程前會鋪一層石膏膜上臉，等大家可以比較療程前同後嘅臉部輪廓同大細！期間按摩師會先做全身按摩，確認力度啱唔啱之後就會開始按腳、背脊、肩頸同各種穴位，最後仲會敷面膜同搽cream，非常仔細。

小編一開頭都半信半疑，真係做一次按摩塊臉就會變細？用一開頭塊石膏比較返，又真係細咗一隻手指左右嘅size！雖然只係短暫嘅效果，不過如果定期嚟做treatment嘅話唔單止可以令血液循環變好，仲可以促進新陳代謝，咁就冇咁易水腫啦！

更多預約資訊&真實評價👇🏻

[스팟] 情彙藥手（東大門）

明洞 | OASIA泰式按摩_{(오아시아 타이마사지)}

• 地址：서울 중구 명동길 36-1 8F
• 前往方法：明洞站（명동역）6號出口

「OASIA泰式按摩」主打用天然香薰油嘅泰式傳統全身按摩，按摩師經驗豐富，會根據客人狀態調整力度，可以一次過舒緩疲勞！而且明洞站同乙支路入口站行5分鐘就到，繁忙旅程當中大家可以去鬆一鬆。

💭OASIA泰式按摩顧客真實評價

[스팟] OASIA泰式按摩（明洞）

清潭 | Marzia Healing Spa_{(마르지아힐링스파)}

• 地址：서울 강남구 봉은사로 174 B108호
• 前往方法：彦州站（언주역）8號出口

「Marzia Healing Spa」所有療程師都受過專業訓練，而院長更加係全世界0.1%嘅VVIP專屬療程師，有曬信心保證。療程前你可以先諮詢專家意見，經過診斷後就可以享受專為你而設嘅私人療程。

[스팟] Marzia Healing Spa（清潭）

首爾按摩&SPA推薦一覽表

睇完之後都係唔知道去邊度好？等小編揀出5間最受歡迎，亦都好方便遊客去體驗嘅按摩店俾大家再比較啦：

1人SPA&搓澡？

最近韓國而家多咗好多可以獨享私人時光嘅1人SPA/搓澡專門店，搓澡可以幫大家去除老廢物質、促進血液循環、令皮膚更白滑！如果大家唔想去汗蒸幕呢啲咁大庭廣眾嘅地方，推薦大家可以參考下面呢篇blog，去做返個靚SPA~

[블로그] 首爾女士專用1人SPA/搓澡專門店總整理

韓國按摩/SPA常見問題FAQ

Q1. 就算間鋪頭職員唔識中文都可以預約體驗？

A：當然可以！今次介紹嘅鋪頭雖然得幾間有提供中文服務，但因為大部分都位於遊客區，所以全部都會用翻譯機仔細同你溝通。另外如果你係透過Creatrip預約，到時候只需要向職員出示預約記錄就得，基本上唔太需要擔心語言問題。

Q2.男仔一個人都可以去按摩？

A：除咗寫明「女性專用」嘅鋪頭之外，大部分店都接受男士，或者情侶、一家人一齊去。

Q3. 經期期間可唔可以去按摩/做SPA？

A：Facial或者上半身按摩通常冇問題。不過全身按摩、搓澡、或者重點做下半身嘅療程，基於衛生同身體狀況考量，一般都建議避免去做。如果你介意或者唔放心，可以事前同療程師講你嘅情況再商量下。

Q4. 需唔需要自己帶做療程嘅時候著嘅衫或者化妝品？

A：做療程用嘅衫同毛巾通常店舖都會提供；另外大部分店都有梳妝區，亦會有風筒，但係好似粉底、眼唇等彩妝化妝品就建議自己帶去會比較好。

Q5. 如果可能會遲到點算？  

A：韓國SPA預約好多時都排得好密，遲到超過 10 分鐘有機會要縮短療程時間，甚至當取消處理。建議預鬆啲交通時間；萬一真係趕唔切，記得一定要即刻聯絡店舖或者客戶服務中心。

Q6. 韓國按摩店需唔需要俾Tips？  

A：韓國基本上冇俾Tips嘅文化，所以一般唔需要，照付標示價錢就可以。

想體驗更多韓國美容療程？

撳我瞭解詳情

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！