韓國雞肉料理總整理

Hello，大家好，我哋係由韓國人每日提供最新韓國旅行資訊嘅Creatrip。

其中一樣大家嚟韓國必食嘅美食，一定唔少得炸雞！但其實除咗炸雞之外，韓國仲有好多用雞整嘅料理，無論係食韓燒食到厭，定本身唔食豬肉同牛肉，都可以參考今日呢篇文，安排下次韓國之旅食咩好西！

韓國雞肉料理總整理

炸雞_(치킨)

通常炸雞都會被歸類為垃圾食物，但係韓國炸雞唔知點解唔會好似平時香港食嘅炸雞咁油，而且零舍金黃酥脆同惹味，仲有甜辣調味炸雞、醬油炸雞、芝士炸雞、香蒜炸雞等等超多款，每次嚟都可以試唔同口味！想健康啲仲可以去食烤雞，肉質夠嫩滑之餘焗嘅時候仲會逼曬油脂出嚟，冇咁有罪惡感XD

[블로그] 2025韓國必食炸雞推薦

烤全雞_{(전기통닭)}

韓國另外仲有呢種烤全雞，細細隻全雞入面好似人參雞咁放滿糯米、紅棗同人參，然後放入爐一邊轉一邊慢烤，雞皮夠薄又燒到金黃色，大家可以點鹽同黃芥辣食，有埋飯夠飽肚，係小編最愛嘅韓國雞肉料理！呢種烤雞通常會喺街邊擺檔，俾客人外賣攞走，重點係通常都係₩10,000左右，比起炸雞平一截！

[블로그] 漢南洞「漢方烤雞」介紹

辣燉雞湯_{(닭볶음탕)}

辣燉雞湯係韓國人好鍾意嘅家常菜，用雞肉、薯仔、紅蘿蔔、洋蔥，加埋韓國辣椒醬、蒜蓉同醬油一齊燉煮，湯底辣辣地，雞肉吸晒湯汁精華，食落啖啖肉超滿足，記住一定要配白飯或者即食麵一齊食！

燉雞_(찜닭)

燉雞同頭先介紹嘅辣燉雞湯有異曲同工之妙，大部分都係豉油底，鹹鹹甜甜夠惹味。燉雞一定要食入面嘅冬粉/粉絲，索曬醬汁又煙韌，諗起都流曬口水XD 而家唔少連鎖燉雞餐廳仲推出埋Rose味燉雞，辣椒醬+忌廉嘅配搭比想像中襯，會好似食緊西式fusion菜咁！

[스팟] 翁多來燉雞 (弘大)

[스팟] 代叫外賣｜燉雞

[스팟] 代叫外賣｜Twozzim燉雞

人蔘雞_(삼계탕)

人蔘雞係韓國人夏天補身必食嘅美食之一，一隻全雞入面塞滿糯米、人蔘、紅棗、栗子之後慢燉，雞肉夠滑、湯底濃郁，而且暖胃又滋補！

[스팟] 代叫外賣｜蔘雞湯

[스팟] 土俗村蔘雞湯代客預約服務

[스팟] 百濟蔘雞湯（明洞）

你可能有興趣👇🏻

[블로그] 2025首爾韓燒/燒肉餐廳總整理

[블로그] 唔辣韓國料理總整理

一隻雞_{(닭한마리)}

聽落個名好怪，而且望落勁似清水揼幾嚿雞落去煮，但係湯底飲落清淡，而且雞肉夠嫩滑，最後用充滿雞肉精華嘅湯煮粥或者麵都好正！好多韓國人會加蒜頭/泡菜落去煮，味道更濃郁！

[스팟] 明洞一隻雞（巨成店）

辣炒雞_(닭갈비)

辣炒雞係其中一種最受歡迎嘅韓國料理，用辣椒醬醃好雞肉之後用炭火燒或者同蔬菜、蕃薯、年糕一齊喺鐵板炒，想再邪惡啲可以再加芝士XD 配埋蕎麥冷麵（막국수）一齊食，真係超夾！

炭火烤雞扒_{(숯불닭갈비)}

炭火烤雞扒其實就係雞肉版燒肉，除咗有基本鹽味之外，仲會有用韓國辣椒醬醃製嘅雞扒，用炭火燒到外層微焦，非常香口！

[스팟] Vanga 炭烤雞排（弘大）

雞肉串燒_(닭꼬치)

韓國好多路邊攤都會賣雞肉串燒，通常都會有幾款口味可以揀，最common嘅有鹽味、照燒醬、辣醬等等，大家可以按照喜好揀，或者同朋友一齊share都唔錯！

你可能會想睇埋..

[블로그] 2025最新明洞街頭小食實測/推薦

雞腳_(닭발)

對香港人嚟講，相信雞腳唔係一個陌生嘅嘢食，不過香港雞腳通常都係用嚟煲湯或者整鳳爪，而韓國嘅雞腳大部份都係辣㗎！而呢種辣雞腳仲會分有骨同無骨，配埋紫菜飯糰仔一齊食可以解辣同更飽肚，推薦大家同朋友一邊小酌一杯，一邊食韓式辣雞腳。

[스팟] 青年雞爪1987（弘大）

如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！