Hello，大家好，我哋係由韓國人每日提供最新韓國旅行資訊嘅Creatrip。
Personal Colour診斷會幫你搵到最啱自己膚色嘅顏色，等你可以應用喺化妝、時裝、髮色上，令整體造型更協調同時尚。今日介紹嘅弘大「Be U Personal Color」唔單止可以做Personal Colour診斷，仲會提供實際生活都用得著嘅體型傳達諮詢！
撳我睇價錢&預約詳情👇🏻
[Spot] 弘大 個人色彩 | Be U Personal Color
「Be U Personal Color」推薦原因
- 用12季色調分類法，亦會減少主觀判斷，無論係邊個顧問幫你做診斷結果都會一致，準繩度高！
- 診斷後唔單止會為你推薦顏色，仲會細心教你化妝品、髮色、香水、時裝配色等實用技巧！
- 資料唔係一式一樣，而係會根據你嘅喜好同形象度身訂造，非常貼心！
「Be U Personal Color」實地探訪
今次係小編第一次做Personal Colour同體型診斷，經過一番research之後決定咗去位於弘大入口站嘅「Be U Personal Color」！由弘大入口站行過去大約五分鐘，交通夠方便，而且呢度以滿意度高而聞名，真係令人好期待！
去到大廈三樓就會見到「Be U Personal Color」。
一入鋪頭，首先會見到一大塊落地玻璃，外面景色靚，連心情都靚啲 :)
BTW一入門口左手邊就有洗手間，有需要可以去咗先。
今日小編就會喺呢度做Personal Colour診斷，裝修簡約，感覺好舒服同整齊。
呢度有好多唔同嘅顏色布，務求令診斷結果夠準確。
正式開始前，職員會提供飲品同零食，氣氛令人好放鬆。首先要填份簡單問卷先， 除咗英文，仲有中文同日文版本，就算唔識韓文都唔緊要。
問卷內容包括平時追求嘅形象、個人色彩診斷經驗、常著色系等等。填完問卷之後，就會根據內容開始詳細進行諮詢，專家會由基本理論開始慢慢解釋，就算第一次聽都好易明。
可能因為會先簡單瞭解完皮膚色調同個人色調類型等基本知識之後再做診斷，所以診斷過程中可以理解得更清楚。
然後就會坐喺鏡前面，正式開始進行診斷！提提大家最好素顏嚟做診斷，而且唔好戴有色隱形眼鏡，結果先會係最準。
為咗令結果更準確，會著住白色袍同戴住頭巾咁做診斷。 首先會測量皮膚色調同眼珠顏色，小編被診斷為22號，專家解釋緊嘅時候可以直接親眼確認到頭先解釋嗰套理論，真係好神奇。
鏡隔離有個色調分類表，會詳細解釋診斷方向。 其實顔色唔止分暖調同冷調，仲會分析明度、彩度、清濁同對比感！
之後就會用色布測明度，小編平時唔太鍾意純白色或純黑色，經過診斷之後發現原來真係唔襯，專家話小編比較趁帶灰調嘅顔色，令膚色更均勻。
[圖像滑行器]
再用唔同色布分暖調同冷調，會逐一解釋點比較膚色均勻、臉型立體感、法令紋、黑眼圈等，簡單易明又實用。診斷結果顯示原來小編屬於「Dull Autumn Mute」色調！
小編本身都估到自己會屬於秋季色調，但呢度就會細分到Dull Tone，好新奇！專家會由大範圍慢慢收窄，過程好仔細。
診斷完會直接用色布示範Best同Worst Colour。小編嘅Best Colour係「Dull Autumn」色調，Worst Colour係「Strong Winter」， 啱啱好同平時鍾意/唔鍾意嘅色吻合，真係好神奇！
而且仲會幫你用手機影低方便之後參考，非常細心。
診斷完會再詳細解釋結果同提供參考資料。
之後會檢查平時用開嘅化妝品啱唔啱診斷結果。 一直都好想知，覺得好有用！
會逐一試色，幫你分啱同唔啱用嘅產品，好彩小編平時用嘅化妝品大部分都啱自己色調，專家仲會建議更加好嘅色號，之後可以買嚟試:)
最正係專家仲會細心推薦化妝品！ 平時買新產品成日中伏，今次終於知啲邊啱自己~ 小編做完診斷之後有真係跟住買嚟用，全部都好滿意 :)
因為每個人搽同一支唇膏出嘅色都唔同，所以真係要親身試過先知！枱上有好多款唇膏，專家會幫你搽落即棄棒俾你試，狗曬衛生。
可以即場試用真係好方便。而且專家亦會指出平時用開嘅色有咩問題，仲會主動推薦最啱你嘅色，勁sweet！
推薦完之後專家會俾時間你影低產品之後參考。
最後會將診斷結果報告放入紅色信封，相關參考file仲可以用AirDrop收到。，資訊非常齊全。
之後小編仲有做埋體型診斷，同Personal Colour診斷一樣，專家會先解釋基本理論，令之後診斷嘅時候大家可以更加容易聽得明。
解釋完理論之後就會量度身體尺寸同檢查骨架結構。
結果顯示小編屬於「Natural」體型，骨架比較結實，比起誇張嘅造型，更適合自然、舒適風格。專家亦會根據結果會提供穿搭建議，資料都好詳細。小編成日都覺得揀衫好煩，今次做完診斷之後覺得以後會容易好多 :)
喺「Be U Personal Color」做完Personal Colour同體型診斷之後，唔止可以解答咗小編平時嘅疑問，專家仲俾咗好多實用資訊，勁滿足！而且做完診斷之後有咩問題都可以上網問，想搵到自己風格、自然變靚嘅人，真心推介去「Be U Personal Color」！
「Be U Personal Color」前往方法
弘大入口站（홍대입구역）7號出口出。
行落右邊樓梯之後轉左。
直行。
繼續直行。
你會見到「Be U Personal Color」招牌喺你嘅右邊。
上3樓就會去到「Be U Personal Color」！
撳我預約👇🏻
[스팟] Be U Personal Color（弘大）
如果有更多想知嘅內容，都可以隨時留言或者dm話俾我哋知：）
Mail：help@creatrip.com
