Hello，大家好，我哋係由韓國人每日提供最新韓國旅行資訊嘅Creatrip。
最近韓國人除咗Personal Colour，仲會去做個人體型同臉型分析，搵出最襯自己嘅穿搭！今日小編就去到弘大「COLORGA SANDA」做體型分析，一齊睇下過程係點啦！
撳我睇價錢&預約詳情👇🏻
弘大「COLORGA SANDA」資訊
- 地址：서울 마포구 양화로19길 22-8 B1F
- 營業時間：11:00 - 21:30
- 語言：韓文、中文、英文、日文
弘大「COLORGA SANDA」體型分析體驗
「COLORGA SANDA」位於弘大入口站2號出口附近，好多人都會嚟做Personal Colour，但其實呢度嘅體型分析更加出名！
想做Personal Colour?👇🏻
正式開始之前會填一份問卷，大家可以寫低平時自己喺穿搭方面嘅煩惱，等專家可以更加仔細咁幫你分析！
之後專家就會幫你量度肩寬、胸圍、腰圍、臀圍、大脾、腳長等等，建議大家唔好著咁厚嘅衫，以免影響結果準確度。
之後就會運用「COLORGA SANDA」獨家體型分析系統，話你知你屬於邊種體型，仲會有詳細圖片同介紹，話你知你嘅體型有咩特徵。
而專家就話小編屬於腰比較短嘅沙漏型體型，分析完之後就會直接帶你去showroom試衫。
Showroom入面有適合各種體型嘅衫（甚至仲齊全過普通衫鋪XD），大家最多可以試3套！
專家會推薦幾款造型俾大家，之後就可以入更衣室換衫著上身，親自感受吓到底會有咩變化。
小編平時真係好少著呢種喇叭褲同緊身衫，一開始真係唔太慣，但係發現呢種版型可以放大自己身材優點同時彌補缺點，比想像中襯！
左邊係小編平時會著嘅style，而右邊就係專家推薦嘅款，只係換咗衫，但係就有睇落比較瘦嘅效果，小編自己一邊比較，一邊都覺得好神奇！
試完衫之後就會幫你填最終報告，專家會仔細幫你圈出最啱你嘅衫褲版型同布料，下次買衫可以直接跟住買。
如果大家都想知道自己啱著咩衫同咩style，推薦大家去「COLORGA SANDA」做個人體型診斷！
弘大「COLORGA SANDA」前往方法
弘大入口站（홍대입구역）2號出口出。
直行。
轉左。
直行。
轉右。
直行。
你會見到呢個招牌。
落樓梯之後就到「COLORGA SANDA」啦！
撳我預約👇🏻
如果有更多想知嘅內容，都可以隨時留言或者dm話俾我哋知：）
Mail：help@creatrip.com
