Hello，大家好，我哋係由韓國人每日提供最新韓國旅行資訊嘅Creatrip。
有冇朋友plan住2月嚟韓國玩呢？2月可以話係冬天嘅最後一個月，過埋呢個月之後天氣就會逐漸回暖，雖然間唔中會突然降溫，不過整體嚟講最凍嘅時候已經過咗啦！一齊睇吓2月嚟韓國玩有咩要注意啦！
2026年冇咗醫美退稅好蝕錢？
透過Creatrip預約指定醫美診所
做完醫美療程上傳收據寫評論即賺10% Creatrip積分！
2月推薦活動/行前必知
[블로그] 仁川機場出境人臉辨識「Smart Pass」教學
[블로그] 2025韓國換錢教學/看韓元匯率攻略
[스팟] REVE牙科（新沙）
[스팟] 提供廣東話翻譯 | nBOM Clinic（弘大）
[스팟] MEDICUBE CLINIC（江南）
[스팟] SPAREX汗蒸幕（東廟店）
[스팟] SEA LIFE COEX水族館門票
韓國各月份天氣&穿搭小貼士💡
韓國2月天氣&穿搭小貼士
韓國2月天氣🔆
연합뉴스
2月嘅韓國開始由嚴冬轉暖，準備進入換季嘅階段。呢個時候北部同山區都仍然偏凍。不過唔會好似1月咁恐怖，但係日夜溫差會比較大，天氣都會普遍比較乾燥，大家記住要注意保濕。
연합뉴스
而去到2月尾，天氣會越嚟越暖，風都唔會好似12月同1月咁大，日頭天氣會更加舒服。如果大家考慮2月嚟韓國玩，建議大家可以去好似釜山等等嘅南部城市，氣溫通常都會維持喺零上！
首爾2月最高/最低溫度🌡️
- 最高溫度：-3°C~17°C
- 最低溫度：-10°C~8°C
weatherspark
首爾2月平均氣溫都仍然偏低，雖然零度以上天氣佔大多數，不過日夜溫差好大，而且有時候會氣溫突然急降，所以建議大家唔好鬆懈，帶多幾件衫嚟。
另外因為韓國2月冇公眾假期或者大假可以放，可以話係韓國人嘅旅遊淡季，除咗滑雪場，其他地方人流相對上應該會少啲！
釜山2月最高/最低溫度🌡️
- 最高溫度：3°C~20°C
- 最低溫度：-5°C~12°C
weatherspark
釜山氣溫會比較暖，不過溫度變化亦都比較大，由2月中開始氣溫上上落落會更加明顯，不過日頭都偏暖，最緊要注意去海邊景點嘅時候海風會比較大，會相對上凍。
韓國2月會唔會落雪？❄️
韓國2月氣溫雖然有時候會去到負數，但係因為整體偏乾燥同冇咩雨水，所以只會偶爾喺北部同內陸山區會零零星星落雪，市區落大雪或者有大面積積雪嘅可能性比較低。
所以2月亦都係韓國滑雪季嘅尾聲，而好似釜山同濟州島等等嘅韓國南部城市就真係唔會見到雪啦。
韓國2月穿搭/著衫小貼士🧥
무신사
對遊客嚟講，韓國2月天氣都仲係幾凍吓，尤其月頭嘅時候建議都係要著保暖打底衫，再加一件大外套或者羽絨。
무신사
去到2月尾天氣慢慢回暖之後，就可以揀著比較輕薄同方便著/除嘅衫，加上室內同公共交通工具暖氣都會開得好夠，所以喺室內著薄少少都冇問題，大家可以參考埋春季嘅穿搭！
不過都係嗰句啦，每個人對凍嘅定義都唔太一樣，帶多幾件衫實冇死XD
韓國2月情人節特別活動✨
2月14號係情人節，咁啱係星期五，所以呢段時候韓國酒店住宿價錢偏貴。不過推薦大家如果會同另一半嚟韓國旅行，不妨可以揀返間比較高級嘅餐廳撐枱腳！
[블로그] 首爾8間景觀餐廳/約會高檔餐廳推薦
韓國2月冬季特別體驗推薦✨
漢江雪橇場今年會開放到2月16號，首爾市廳溜冰場會開放到2月9號，而好多朋友都會專程去參加嘅冰魚慶典都會喺2月上旬結束，大家要把握機會啦！
如果錯過咗上述呢幾個體驗都唔緊要，大部份韓國滑雪場都會開放到2月下旬（不過每個滑雪場都唔同），去滑雪同玩雪橇都係韓國冬季旅行重點活動之一！
另外晨靜樹木園嘅五色星光庭園展會舉辦到3月中，如果大家怕交通唔方便，推薦參加一日遊！
[블로그] 2025韓國滑雪場開放時間整理
韓國2月新年連假🧧
今年韓國農曆新年會休息3日，由2月16號（年三十）開始放到2月18號（年初二），大部份觀光地區嘅鋪頭淨係會喺初一休息，其餘時候都會開鋪。各大店鋪同景點營業時間可以參考小編整理嘅呢篇文章，記住睇清楚休息日期唔好摸門釘啦！
[블로그] 2026韓國農曆新年連假各大店鋪/景點營業時間
飛韓國之前你仲需要...💡
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
