Hello，大家好，我哋係由韓國人每日提供最新韓國旅行資訊嘅Creatrip。
首爾站係首爾市中心其中一個非常重要嘅地方，相信大家無論係搭地鐵定機場鐵路都有經過過呢度！而最近小編喺呢度搵到一間大型Cafe「FOCAL POINT」，呢間酥皮批專門店嘅餐點全部都係當日新鮮製造，賣唔曬亦都唔會放過夜，而且咖啡都好好飲，今日就跟住小編一齊去睇吓啦！
而家出示Creatrip優惠券仲可以免費得到一杯美式咖啡，去之前記住download定啦！
撳我下載優惠券👇🏻
首爾站「FOCAL POINT」基本資訊
- 地址：서울 용산구 청파로 387
- 營業時間：07:30-22:00（Last Order 21:20）
首爾站「FOCAL POINT」實地探訪
今日小編同朋友一齊嚟到首爾站附近嘅「FOCAL POINT」，呢間酥皮批專門店Cafe榮獲韓國版米芝蓮「Blue Ribbon」認證，聽講所有批都係用最高級法國牛油每日新鮮烘焙而成，真係令人好期待啊！
入到去就有超多酥皮批等緊大家！無論係鹹批定甜批都有，而最吸引人嘅就當然係「FOCAL POINT」嘅招牌Menu—— 忠州蘋果批同首爾韓式炒牛肉批，最近佢哋仲非常貼近潮流咁推出咗低糖版蘋果批！
除此之外，「FOCAL POINT」仲有賣其他口味嘅酥皮批、牛角包、三文治、曲奇餅等等，餐點種類超過40款，真係令人選擇困難症發作XD 而且全部都係當日新鮮製造，仲唔會放過夜，品質有保證！
雖然係Cafe，不過呢度除咗咖啡同其他飲品之外，仲有多款啤酒任君選擇，推薦大家食完dinner嚟呢度食甜品+飲返兩杯！
大家可以喺1樓counter直接點餐，每層亦都有提供韓文、英文同日文服務嘅自助點餐機可以用，唔洗擔心溝通唔到！
小編同朋友叫咗7款酥皮批，包括有頭先介紹過嘅招牌「首爾韓式炒牛肉批」、「忠州蘋果批」、新推出嘅「低糖版忠州蘋果批」，仲有「拿波里番茄茄子批」、「瓦倫西亞牛油果大蝦批」、「香印青提乳酪批」同「抹茶士多啤梨批」！
忠州蘋果批
小編平時最鍾意食蘋果批，呢度嘅蘋果批批皮勁鬆脆，而入面蘋果醬非常足料，仲有淡淡肉桂味！
低糖版忠州蘋果批
如果大家想冇咁有罪惡感，推薦大家食今次新推出嘅低糖版，小編反而覺得呢款更加可以食得出忠州蘋果本身嘅甜味，更加有魅力！
首爾韓式炒牛肉批
通常將其酥皮批都係西式調味，但係「FOCAL POINT」主打嘅呢款批居然係經典韓國料理之一嘅韓式炒牛肉，批皮一樣咁鬆脆，同鹹鹹甜甜嘅炒牛肉味道都非常夾，入面仲有芝士，推薦大家可以當正餐咁食！
拿波里番茄茄子批、瓦倫西亞牛油果大蝦批
拿波里番茄茄子批入面有超濃芝士餡，醬汁方面有意大利香醋同羅勒青醬做調味，批上面仲有燒茄子同番茄，所有元素都非常夾，鍾意食pizza嘅朋友們一定會鍾意！
而瓦倫西亞牛油果大蝦批嘅餡料主要食材係墨西哥煙椒，而批上面就有彈牙又大隻嘅卡宴辣椒調味鮮蝦，非常惹味！
抹茶士多啤梨批
抹茶士多啤梨批係季節限定Menu，大大粒當造士多啤梨、忌廉同抹茶Cream真係勁夾，而且非常清新完全唔會膩。
香印青提乳酪批
而呢款香印青提配嘅係酸酸甜甜嘅乳酪味Cream，小編朋友話佢覺得呢款甜品批最好食，大家記住唔好錯過啦！
加州忌廉鮮奶咖啡
「FOCAL POINT」除咗酥皮批好食，咖啡都非常高質！上面呢款加州忌廉鮮奶咖啡係人氣Menu之一，煉奶+咖啡再加埋上面一層加州開心果味嘅Cream，味道非常多層次！
美式咖啡
講起韓國就當然唔少得美式咖啡啦！小編揀嘅咖啡豆blend味道香濃帶朱古力同黑糖香，同酥皮批好夾！而家喺「FOCAL POINT」叫一款批，再出示埋Creatrip優惠券，即刻可以免費得到一杯美式咖啡！
環境方面，「FOCAL POINT」總共有三層，1樓係食品陳列區同收銀處，而2樓同3樓就非常闊落，位置夠多！順帶一提，大家只要喺度消費，仲可以免費擺低一件行李，等大家可以安心休息！
講起「FOCAL POINT」，絕對唔可以錯過呢個露台！天氣好嘅時候，無論係日頭定夜晚坐出面都會好舒服，而且仲可以欣賞附近景色！
另外呢度仲有賣各種周邊商品，仲可以影人生四格！因為呢度好早就開門，推薦大家如果想食早餐，或者臨飛之前想去多間Cafe嘅時候嚟位於首爾站附近嘅Blue Ribbon認證酥皮批專門店「FOCAL POINT」！
首爾站「FOCAL POINT」前往方法
首爾站（서울역）15號出口出。
向前面斑馬線方向行。
過馬路，然後向右邊直行。
咁就去到「FOCAL POINT」啦！
撳我下載優惠券👇🏻
[스팟] FOCAL POINT（首爾站）
以上係首爾站Cafe「FOCAL POINT」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
