全新「Olive Young N 聖水」旗艦店登陸首爾聖水洞 | 各樓層商品、分區介紹、購物攻略

Hello，大家好，我哋係由韓國人每日提供最新韓國旅行資訊嘅Creatrip。

Olive Young早排喺首爾聖水開咗間超大型旗艦店「Olive Young N聖水」，小編之前親自去行咗次，發現聖水旗艦店同其他門市非常唔同，今日就跟小編一齊去睇吓啦！

聖水仲有咩好玩？

😋聖水美食總整理

Olive Young N 聖水_{(올리브영N성수)}

「Olive Young N聖水」營業資訊

地址：서울 성동구 연무장7길 13
營業時間：10:00-22:00
前往方法：聖水站（성수역）4號出口行1分鐘

簡介

olive young 聖水olive young olive young n 聖水 olive young旗艦店韓國化妝品韓國護膚品韓國美容韓國購物首爾購物聖水購物購物攻略樓層簡介美妝體驗皮膚檢測

「Olive Young N聖水」喺2024年11月21號開幕，佔地超過4,600平方米，總共有成5層樓咁高！而且距離聖水站4號出口只需要1分鐘，地理位置非常方便，係最近後生仔女去聖水洞都一定會去行嘅地方。

「Olive Young N聖水」各層簡介

1樓 | 展示區、Cafe

olive young 聖水olive young olive young n 聖水 olive young旗艦店韓國化妝品韓國護膚品韓國美容韓國購物首爾購物聖水購物購物攻略樓層簡介美妝體驗皮膚檢測 1樓

olive young 聖水olive young olive young n 聖水 olive young旗艦店韓國化妝品韓國護膚品韓國美容韓國購物首爾購物聖水購物購物攻略樓層簡介美妝體驗皮膚檢測 olive young 聖水olive young olive young n 聖水 olive young旗艦店韓國化妝品韓國護膚品韓國美容韓國購物首爾購物聖水購物購物攻略樓層簡介美妝體驗皮膚檢測 1樓

一行入門口右邊就有一間Cafe，大家行到攰都可以去坐低抖抖（或者將男朋友/老公放喺度自己去行街都得XD)

而Cafe前面就有個展示區，小編去嘅時候咁啱係Olive Young25週年，所以有唔少相關展品同體驗！另外1樓都有個樓層指南，大家可以睇吓自己想買/體驗嘅嘢喺邊層再出發去掃貨！

2樓 | 美妝/香水/男士護膚/KPOP

olive young 聖水olive young olive young n 聖水 olive young旗艦店韓國化妝品韓國護膚品韓國美容韓國購物首爾購物聖水購物購物攻略樓層簡介美妝體驗皮膚2樓

olive young 聖水olive young olive young n 聖水 olive young旗艦店韓國化妝品韓國護膚品韓國美容韓國購物首爾購物聖水購物購物攻略樓層簡介美妝體驗皮膚檢測 2樓

olive young 聖水olive young olive young n 聖水 olive young旗艦店韓國化妝品韓國護膚品韓國美容韓國購物首爾購物聖水購物購物攻略樓層簡介美妝體驗皮膚檢測

一到2樓就會見到賣香水同各式各樣化妝品嘅地方，而男士護膚品同化妝品都可以喺呢層搵到！

「Olive Young N聖水」同其他分店/旗艦店唔同嘅地方在於，呢度有好多平時只可以喺Olive Young官網或者APP入面先買到嘅人氣化妝品牌產品，就好似最近韓妹們都鍾意用嘅Ameli同Nobev都有，而且款式都會齊全好多！

小編平時睇韓國美妝YouTuber嘅片都會見到佢哋用唔同粉撲，所以一直都好好奇有咩唔同，不過原來話會影響到妝感同妝效！喺「Olive Young N聖水」大家可以試摸各種粉撲，睇吓自己最鍾意邊款，可以直接試就冇咁容易伏啦~

另外2樓亦都有其他專櫃品牌同KPOP專區，連專輯都有得買XD

講起「Olive Young N聖水」嘅另一個特色，相信就係有超多免費體驗服務，而2樓就有化妝、男士修眉、化妝教學等等！目前多數體驗都只會開放walk-in，唔洗擔心因為冇韓國電話號碼而預約唔到嘅呢個問題，只要現場排隊就得！

3樓 | 護膚/美髮產品/食物/保健食品/生活用品

olive young 聖水olive young olive young n 聖水 olive young旗艦店韓國化妝品韓國護膚品韓國美容韓國購物首爾購物聖水購物購物攻略樓層簡介美妝體驗皮膚檢測 3樓

3樓有各種護膚護髮同身體護理商品，比較特別嘅係「Olive Young N聖水」將護膚品分成日常保養同特別保養兩種，喺Active Skincare Zone入面大家可以做皮膚檢測，亦都將護膚品根據成分同功能分類，大家可以按照檢測結果，或者自己本身有嘅肌膚困擾去揀啱你嘅護膚品。

Daily Skincare Zone入面就有地方俾大家體驗而家韓國熱賣嘅潔面產品同泥膜等等，非常貼心！

另外，為響應Clean Beauty嘅概念，「Olive Young N聖水」亦都有賣多款韓國人氣護膚品嘅補充裝，大家除咗可以一齊響應環保，仲可以趁機會觀察韓國人都鍾意用咩護膚品（通常都係最多人用緊嘅先會出補充裝）。

而3樓嘅保健食品區更加可以check壓力指數，藥師最後也都會推薦你買邊種營養食品，直接針對你嘅症狀對症下藥。如果大家都好似小編咁打算今年開始好好從內保養，又唔知食咩營養保健品好，就一定要體驗呢個服務啦！

而美髮產品區就有平時都會見到嘅洗頭水、護髮素、髮膜、染髮劑等等，仲有多款捲髮器等大家可以試。大家記住唔好錯過呢度提供嘅頭皮檢測服務，瞭解自己頭髮健康狀況！

4樓 | VIP區

開放時間：12:00-21:00

olive young 聖水olive young olive young n 聖水 olive young旗艦店韓國化妝品韓國護膚品韓國美容韓國購物首爾購物聖水購物購物攻略樓層簡介美妝體驗皮膚檢測 4樓

而4樓就係VIP區，需要持有GOLD OLIVE等級同OLIVE YOUNG現代聯名卡先可以入到去！VIP們可以喺度免費享用甜品同體驗成為貴賓嘅感覺。而5樓就係Office，所以變相大部份遊客都只可以行到3樓，不過其實行完3層都腳軟XD

小編個人行完「Olive Young N聖水」之後覺得呢度商品種類真係多好多！不過比起shopping，推薦大家可以想用呢度各種K-Beauty服務，透過各種診斷搵出最啱自己嘅護膚同化妝品。如果大家已經有個shopping list，咁就建議大家可以直接去弘大或者明洞嘅旗艦店，嗰度應該會有更加多優惠套裝！