Hello，大家好，我哋係由韓國人每日提供最新韓國旅行資訊嘅Creatrip。
唔知大家有冇帶過長輩或者細路去韓國玩呢？最近韓國仁川機場出入境成日都要排長龍，怕啲老人家或者小朋友要等太耐會頂唔順？
其實仁川機場有為老人同嬰幼兒開設Fast Track（패스트트랙）快速通道，不過網上資料唔多，今日小編幫大家簡單整理咗相關資訊，有需要記住善用呢個服務啦！
飛韓國之前必睇！
仁川機場嬰幼兒/老人快速通關
仁川機場「Fast Track」簡介
연합뉴스
喺仁川機場，如果你有特別需要（例如你係空中服務員、政府官員、老人家、行動不便人士、部分航空公司商務艙/頭等艙VIP等等），都可以行Fast Track快速通關。
本來仁川機場推出呢個服務係要另外收費，不過政府最後否決咗。另外韓國一直都有討論明星出入境應唔應該用快速通關（廢事影響到行一般通道嘅旅客），不過到而家都未有定論。
경기일보
根據調查，全世界頭20大國際機場入面，淨係得仁川機場到而家都仲未有收費嘅快速通關服務。不過基本上如果你有帶老人家、細路或者身體有障礙，又符合規定，去航空公司櫃檯check-in嘅時候可以問下職員，睇下可唔可以用到快速通關。
仁川機場「Fast Track」資格
- 老年人：年滿70歲
- 嬰幼兒：未滿7歲
- 殘疾人：行走障礙（須符合判斷）
- 其他：孕婦（須有妊娠證明）、航空醫療者、韓國社會貢獻者
뉴시스
基本上年滿70歲嘅老人家、未滿7歲嘅小朋友、殘疾人士等等，如果有需要可以喺check-in嘅時候同航空公司職員講，問下可唔可以用快速通關，確認你符合資格之後，職員會喺你張機票上貼張貼紙，或者直接帶你去快速通關出口。
另外，有啲航空公司可能會提供優先登機或者優先攞行李嘅服務，不過需要自己主動問一問職員地勤，始終呢啲服務唔係一定免費㗎。
至於入境（到埗韓國）嘅時候，就未必有得用快速通關，不過通常接機會提供輪椅，但實際情況都要睇現場職員點安排。
仁川機場「Fast Track」限制
연합뉴스
仁川機場快速通關服務唔係話成班人入面有一個未滿7歲嘅小朋友，就可以全部人一齊用Fast Track快速通關。包括合資格嘅人，每組最多得「3個人」可以一齊過。
所以如果是4個一般大人同2個小朋友嘅話，原則上2大加1細咁分兩team行就得；但如果係4大加1細嘅話，就有兩個大人要行一般通道。
仁川機場「Fast Track」位置
仁川機場T1
仁川機場T2
每個快速通關出口嘅開放時間唔一樣，所以一定要喺check-in嘅時候先向職員確認可以去邊個閘口入，亦都要確認機票上有冇貼快速通關貼紙！
帶長輩/小朋友嚟旅行嘅你可能需要...
如果有更多想知嘅內容，都可以隨時留言或者dm話俾我哋知：）
Mail：help@creatrip.com
