韓國1月天氣&穿搭小貼士
又到新一年啦！2025年1月韓國旅行注意事項/天氣/穿搭小貼士
- 韓國1月天氣🔆
- 首爾1月最高/最低溫度🌡️
- 首爾1月會唔會落雪？❄️
- 釜山1月最高/最低溫度🌡️
- 韓國1月穿搭/著衫小貼士🧥
- 韓國1月特別活動✨
- 韓國1月農曆新年🧧
- 飛韓國之前你仲需要...💡
Hello，大家好，我哋係由韓國人每日提供最新韓國旅行資訊嘅Creatrip。
新一年新開始，1月亦都係韓國最凍嘅月份XD 計劃緊1月嚟韓國旅行嘅朋友們記住save低呢篇blog，睇吓有咩需要注意啦！
1月推薦體驗/活動
韓國各月份天氣&穿搭小貼士💡
2月 | ||
韓國1月天氣&穿搭小貼士
韓國1月天氣🔆
동아일보
1月可以話係韓國最凍嘅時候，氣溫通常都會係零下，如果風吹得大少少就真係會凍到入骨XD 冬天嚟韓國玩嘅朋友們應該都會期待見到落雪，不過凍係凍，落雪呢一層就真係好難講。
1月嚟韓國玩最最最重要嘅係要保暖禦寒，根據2025年1月氣溫預測顯示，低溫可能再創新低，部分地區仲有機會落到零下20度，所以記住一定要準備足夠嘅保暖衣物，防止凍傷或吹風。
首爾1月最高/最低溫度🌡️
- 最高溫度：3°C~9°C
- 最低溫度：-14°C~0°C
2024年01月首爾溫度（weatherspark）
首爾1月溫度同12月差唔多，一個字就係「凍」！首爾1月平均氣溫維持喺零度以下，不過有時都幾極端，間中有幾日比較暖，氣溫會回升到0度以上，然後就突然又跌到負十幾度...
首爾1月會唔會落雪？❄️
雖然首爾1月好凍，不過落雪嘅日子通常5-7日，唔會太多。如果真係想睇到四周圍白雪雪嘅雪景，建議要去比較偏遠嘅郊野或者高山地區，通常如果首爾落大雪真係會出現好多意外+勁唔方便...（不過都係嗰句啦，落唔落雪都係睇個天LOL）
釜山1月最高/最低溫度🌡️
- 最高溫度：-1°C~13°C
- 最低溫度：-8°C~7°C
2024年01月釜山溫度（weatherspark）
釜山1月氣溫會比首爾高，而如果大家問釜山1月會唔會落雪嘅話，其實機會非常細。如果大家比較怕凍，而又打算1月嚟韓國，比起首爾會比較推薦釜山！
韓國1月穿搭/著衫小貼士🧥
무신사
韓國1月穿搭比起fashion，最緊要注重保暖！Heattech+長袖一定係必需，再著返件方便著同除嘅羽絨就差唔多啦！提提大家，韓國室內同地鐵冬天都會開暖氣，所以反而著太多衫會好焗，推薦洋葱式穿搭，怕凍嘅朋友們可以再加頸巾、帽、手套同帶定暖包。
韓國1月特別活動✨
韓國四柱八字新年運勢
告別舊嘅一年，2025年1月起去到農曆新年前，好多韓國人都會睇吓自己嘅新年運勢，如果你都好奇韓國嘅四柱八字命理，記住趁2025年來臨嘅時候睇吓新年運勢啦！
SBS《人氣歌謠》錄影
通常想參加韓國音樂節目都唔容易，而家每個禮拜日嘅SBS《人氣歌謠》錄影而家開放購買門票，大家記住唔好錯過可以睇到偶像歌手勁歌熱舞嘅機會啦！
韓國冬季活動體驗
- 滑雪、雪橇、溜冰
冬天仲有咩限定體驗？大家除咗可以去比較遠嘅滑雪場，喺首爾市區仲可以去溜冰同滑雪橇，就算天氣突然回暖都會照常開放，有興趣嘅朋友們記住睇下面呢兩篇blog瞭解詳情啦！
華川山川魚慶典
韓國一月仲有盛大嘅冰魚慶典，大家可以參加一日遊，輕鬆往返首爾同江原道，可以更加方便咁去到之餘仲可以體驗韓國特色冬日活動！（自己釣完仲可以燒嚟食
韓國冬季醫美
相信好多人都會喺農曆新年前做定醫美療程同保養，用最佳狀態去見親朋戚友同拜年！如果大家仲未諗好做咩treatment同點預約好，推薦大家考慮韓國美容終極套餐入面嘅醫美療程，CP值夠高之餘質素夠好！
韓國1月農曆新年🧧
同香港一樣，韓國都會過農曆新年，而且農曆新年更加係韓國第二大節日！今年韓國新年假由1月28號放到31號，如果大家呢段時間會嚟韓國玩，記住要注意你想去嘅鋪頭會唔會休息，或者準備定plan B啦！
飛韓國之前你仲需要...💡
如果有更多想知嘅內容，都可以隨時留言或者dm話俾我哋知：）
Mail：help@creatrip.com