Hello，大家好，我哋係由韓國人每日提供最新韓國旅行資訊嘅Creatrip。
韓國有好多氣氛好嘅Wine Bar同Dining Bar，今日小編同朋友就去咗位於江南嘅「Kemistri」，聽講呢度嘢食CP值夠高，而且酒種類夠多！而家出示Creatrip優惠券仲可以免費得到一份甜品，大家記住唔好錯過啦！
江南「Kemistri」基本資訊
- 地址：서울 강남구 언주로94길 5 2F
- 營業時間：星期一至六 17:30 - 01:00（Last Order 00:00）
江南「Kemistri」實地探訪
今日小編同朋友一齊嚟到位於江南宣陵站附近嘅Wine Bar「Kemistri」，呢度出名氣氛好，而且價錢夠親民！
「Kemistri」有一面係落地玻璃，令整體感覺更加開揚，而且有唔同座位可以揀，如果係一大班人去仲可以去坐梳化位，夠曬舒服！
呢度仲好似Pub咁有飛鏢可以玩，一次₩1,000，小編同朋友真係玩到唔知時間過XD
另外廁所隔離仲有化妝枱，如果需要補妝都唔洗擔心！
今次老闆推薦咗上面呢款白酒俾小編，老闆話呢款白酒最出名而且易入口，就算平時唔太飲酒嘅朋友們都會鍾意，而且好啱配嘢食！
小編同朋友叫咗甜蝦Ceviche、羅勒冷意粉、香煎帶子&大蝦同咖喱香腸，大家記住要相機食先啦！
甜蝦Ceviche
Ceviche係一款酸酸甜甜嘅海鮮刺身料理，通常都係用白身魚，而「Kemistri」嘅Ceviche就用咗新鮮甜蝦入菜，加上羅勒、番茄同意大利香醋，非常開胃。
羅勒冷意粉
平時意粉都係熱食，凍食嘅意粉比較少見XD 呢款羅勒冷意粉除咗有清新香濃嘅羅勒醬，仲有芝士同番茄仔，同白酒非常夾。
香煎帶子&大蝦
呢款香煎帶子&大蝦係小編覺得最好食嘅菜式，辣辣地嘅大蝦加上juicy帶子同番茄，口感好之餘夠鹹香！
咖喱香腸
最後呢款咖喱香腸係由脆皮香腸+惹味咖喱醬組成，一開頭小編都會擔心會唔會太鹹，不過食落完全唔會，而且仲好適合做下酒菜！
Brownie雪糕
甜品方面小編就食咗Brownie雪糕，為呢餐畫上完美句號。出示Creatrip優惠券仲可以免費食，大家記住唔好錯過啦！
小編個人好滿意今次體驗，打算下次有機會會帶公司同事或者另一半一齊嚟江南「Kemistri」！通常呢種Wine Bar俾人感覺好貴又食唔飽，不過呢度CP值夠高，氣氛都好好，大家如果有興趣就記住Save低地址下次去啦！
江南「Kemistri」前往方法
撳我下載優惠券👇🏻
以上係江南美食「Kemistri」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
