江南美食 | MORAK
就好似喺溫室花園咁舒服療癒！Fusion韓國料理&Shabu-shabu暖胃又滿足！
Hello，大家好，我哋係由韓國人每日提供最新韓國旅行資訊嘅Creatrip。
通常環境靚氣氛又浪漫嘅餐廳都係西餐廳，不過最近小編去咗一間賣特色韓國菜嘅餐廳，裝修就好似花園咁勁舒服又療癒，今日就跟住小編一齊去睇吓啦！
江南「MORAK」基本資訊
- 地址：서울 강남구 언주로94길 5
- 營業時間：星期一至五 11:00-15:00、17:00-22:00
江南「MORAK」實地探訪
最近天氣凍，同朋友出街食飯都會專登搵暖笠笠嘅嘢食~今日小編同朋友就去到位於江南嘅「MORAK」食Shabu-shabu同Fusion韓國料理！「MORAK」裝修以花園為主題，所以一行入餐廳就會見到好多綠色植物，就好似入咗溫室咁，環境非常舒服。
最搶眼嘅相信係呢個玻璃櫃，入面種緊迷你高麗人參，而且真係會用喺唔同餐點度！
呢度好方便嘅係所有調味料都整理得非常企理，而且夠齊全！另外「MORAK」點餐方法都好特別，大家只要攞手機出嚟Scan QR CODE，就可以直接叫嘢食！
小編今日同朋友一齊叫咗招牌「MORAK五花肉Shabu-shabu」、生牛肉拌麵、韓式煎牛扒同凍豬肉片。
凍豬肉片
小編都係第一次食凍豬肉片，肉質夠嫩滑，配埋酸泡菜同醬汁一齊食會更加惹味開胃。而家出示Creatrip優惠券仲可以免費得到一份，大家記住唔好錯過啦！
韓式煎牛扒
呢款韓式煎牛扒切得比較厚身，不過完全唔會韌，同醬汁都非常夾。
上面仲有一條頭先喺玻璃櫃見到嘅人參仔，食落苦苦地，但係會令人反感（係健康嘅味道XD）食牛扒嘅時候大家可以配埋人參、野菜同沙參一齊食，口感味道都會更上一層樓。
生牛肉拌麵
通常講起韓式拌麵，都會聯想起用公仔麵、麵線或者好似冷麵咁有咬口嘅麵，不過呢度用嘅係天使麵，配埋入口即融嘅生牛肉同各種蔬菜，非常清新而且唔會覺得好有負擔！
MORAK五花肉Shabu-shabu
終於到重頭戲啦！首先呢款MORAK五花肉Shabu-shabu嘅擺盤夠高級又靚，影相一流！而味道方面都唔馬虎，老闆話佢哋喺湯底落咗好多功夫，而且亦都有提供好多款蔬菜同菇類！湯底方面可以揀清湯或者牛骨湯，小編今日就揀咗清湯！
大家可以按照個人喜好放豆腐、雪耳、南瓜、菇同蔬菜入去煮，然後點韓式醬油或者芝麻醬食。
大家仲可以將上圖嘅大醬放落湯殼，慢慢整融佢，咁湯底就會變身成大醬湯，味道更加濃郁，叫一個Menu可以食到兩款口味！
梅花酒&人參Highball
如果大家鍾意小酌一杯，推薦大家叫呢度嘅人參Highball套裝（包Tonic Water+人參+冰），然後再叫返支燒酒或者梅花酒，兌返杯Highball飲！
南瓜甜米露
小編就叫咗杯南瓜甜米露做甜品，為今餐畫上一個完美句號~！如果大家都鍾意食Shabu-shabu，同時又想食到Fusion韓式料理，推薦大家嚟江南「MORAK」！
江南「MORAK」前往方法
撳我下載優惠券👇🏻
以上係江南美食「MORAK」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com