汝矣島美食 | 花蟹堂
用來自忠清南道泰安嘅當造花蟹醃製而成，夠曬鮮甜啖啖肉！
Hello，大家好，我哋係由韓國人每日提供最新韓國旅行資訊嘅Creatrip。
相信好多朋友都會想試食醬油蟹，但係始終係生嘢（+都幾貴），如果求其去一間餐廳隨時會中伏！而香港人嚟韓國最經常去嘅其中一間醬油蟹餐廳係位於汝矣島嘅「花蟹堂」！今次我哋爭取到獨家合作，想去食記住透過我哋預約啦！
汝矣島醬油蟹「花蟹堂」基本資訊
- 地址：서울 영등포구 국회대로62길 15
- 營業時間：
- 星期二至六 11:00-15:00、17:30-21:00
- Last Order 14:00、20:00
汝矣島醬油蟹「花蟹堂」實地探訪
今日小編同韓國同事一齊嚟到汝矣島「花蟹堂」，呢度係2024首爾米芝蓮推薦醬油蟹餐廳當中其中一間（韓國total得兩間咋！），真係令人非常期待！
汝矣島「花蟹堂」有普通座位同獨立房，無論係三五知己，定係一家大細去都好啱！
醬油蟹&釜飯套餐
「花蟹堂」Menu唔多，一場嚟到就當然要食最招牌嘅醬油蟹啦！醬油蟹喺韓國被稱為白飯小偷，配埋熱辣辣嘅釜飯真係好正！
小菜方面有甘苔、紫菜、泡菜、炒鯷魚、炒薯仔絲同茄子，全部都好送飯！
食醬油蟹之前有樣嘢大家一定要做！就係要將煲入面嘅飯𢳂落碗度，留低少少飯焦，然後倒熱茶落去個煲度，冚好煲蓋，食完飯就會變成一碗暖笠笠嘅飯焦湯~
汝矣島「花蟹堂」嘅醬油蟹全部都已經處理得非常乾淨，職員亦都已經幫大家剪成容易入口嘅size！呢度所有醬油蟹斗係直接由特產海鮮嘅泰安運嚟，蟹肉非常飽滿，加上特製醬油非常惹味！大家如果怕食完對手有味，可以戴餐廳幫大家準備好嘅手套~
小編自己就鍾意將蟹肉jit曬落白飯，然後一次過撈嚟食！汝矣島「花蟹堂」嘅醬油蟹蟹膏同蟹肉都好多，就算jit曬蟹身嘅肉，蟹腳都仲有肉，大家記住唔好放棄每一滴精華啦！
老闆就教小編將用紫菜同甘苔包住撈好嘅醬油蟹飯，然後再點醬油食！紫菜唔單止可以增加口感，仲會加多一鹹香味，令人一啖接一啖，停唔到口！
食醬油蟹就當然唔少得要食蟹蓋撈飯啦！比起用匙羹，小編建議大家先用筷子將角落所有蟹膏撩曬出嚟先，然後再將白飯放入去撈。小編韓國同事話佢去過好多餐廳食醬油蟹，但係係第一次見到蟹蓋有咁多膏！
而家透過Creatrip預約，每枱仲可以免費得到一支飲品，記住唔好錯過呢個優惠啦！
跟餐上嘅韓式蒸蛋調味適中，唔會太鹹，同醬油蟹都好夾。
最後大家可以打開煲蓋，食返碗飯焦湯收尾，暖胃得嚟夠飽肚。
同小編一起去嘅韓國同事話，「花蟹堂」嘅醬油蟹係佢食過最好食嘅醬油蟹，唔單止肉同膏都夠飽滿，而且調味唔會太濃或者太鹹，仲冇腥味，更加話下次會帶屋企人去食多次添啊！如果大家都有興趣，或者唔知去邊度食醬油蟹好，極力推薦大家揀汝矣島「花蟹堂」！
汝矣島醬油蟹「花蟹堂」前往方法
國會議事堂站（국회의사당역）5號出口出。
過左邊斑馬線。
然後望向右邊，向國會議事堂方向直行。
轉左。
直行。
行到盡頭之後轉左。
直行。
去到上圖位置後向左邊望。
咁就去到汝矣島「花蟹堂」啦！
撳我預約👇🏻
以上係汝矣島醬油蟹「花蟹堂」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com