北村美食 | JINJAK KAKII
安國站行5分鐘就到！用每日產地直送食材炮製而成嘅Fusion韓國料理！
Hello，大家好，我哋係由韓國人每日提供最新韓國旅行資訊嘅Creatrip。
唔少朋友嚟首爾玩都會去仁寺洞同北村韓屋村，最近小編喺附近搵到一間食Fusion韓式料理嘅餐廳，而且所有食材都係由產地直接送到餐廳夠新鮮，今日就跟住小編一齊去睇吓啦！
撳我睇Menu&預約詳情👇🏻
北村「JINJAK KAKII」基本資訊
- 地址：서울 종로구 창덕궁1길 38
- 營業時間：11:30-24:00（星期一至五 Break Time 15:00-17:00）
北村「JINJAK KAKII」實地探訪
今日小編同朋友嚟到位於安國站附近嘅「JINJAK KAKII」，呢度唔係一間普通韓國菜餐廳咁簡單，所有食材都係由產地直送，再運用fusion手法炮製餐點！
「JINJAK KAKII」裝修現代化，而且除咗一般枱，仲有地板位，環境都非常開揚，同隔離枱唔會話太近，夠曬舒服。
另外呢度仲有提供各種酒精飲品，鍾意飲酒嘅大家記住唔好錯過！
一碟蠔
小編第一樣食嘅係生蠔，「JINJAK KAKII」嘅蠔由韓國最大蠔產地統營運到，一隻蠔有成成年男人一隻手咁大！最重要嘅係完全唔會腥，海水鮮味同蠔本身嘅甜味都好出，小編覺得齋食都已經好正，大家亦都可以配埋醬汁、檸檬同蒔蘿一齊食~
三倍體蠔配白切豬臉頰肉
大家亦可以叫呢款生蠔+白切豬臉頰肉，豬肉+生蠔+辣拌白蘿蔔絲+韭菜，無論係口感定係味道都非常多層次！
自家製韓式肉餅
「JINJAK KAKII」嘅另一個招牌Menu係自家製韓式肉餅，比起普通餐廳嘅厚好多亦都更加juicy！
不過因為比較大嚿，所以職員會俾把鉸剪大家，可以剪開方便食！飯本身都有調味，加上香濃蛋黃、清新嘅野菜、白泡菜等等一齊食，夠曬惹味！
海膽蘇子油蕎麥麵
呢款海膽蘇子油蕎麥麵就比較特別，蘇子油夠香，加上海水味濃+甘甜嘅海膽，係小編從來冇諗過嘅配搭！
南瓜Gnocchi
最後呢款南瓜Gnocchi係由香甜南瓜蓉、南瓜脆片同煙韌嘅Gnocchi馬鈴薯糰組成，韓式+西式烹調手法令呢道菜更加特別！
如果大家都想去氣氛好嘢食又特別嘅餐廳，推薦大家嚟北村「JINJAK KAKII」！
北村「JINJAK KAKII」前往方法
安國站（안국역）3號出口出。
直行。
行到盡頭轉左。
直行。
直行到十字路口。
轉右，過馬路。
直行。
左邊就係「JINJAK KAKII」啦！
撳我預約👇🏻
以上係北村美食「JINJAK KAKII」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com