東大門綜合市場棉被｜塔洞商會（33、34號店）
屋企少咁張一年四季都啱用嘅棉被？嚟東大門綜合市場「塔洞商會」買返張啦！
Hello，大家好，我哋係由韓國人每日提供最新韓國旅行資訊嘅Creatrip。
好多人嚟韓國都會去廣藏市場買棉被，不過其實東大門綜合市場都有質地舒服而且價錢唔貴嘅棉被買！小編早前去到東大門綜合市場規模最大嘅棉被專門店「塔洞商會」買棉被，而家download Creatrip優惠券仲可以享有₩2,000優惠，大家記住唔好錯過啦！
撳我下載優惠券👇🏻
東大門綜合市場「塔洞商會」基本資訊
- 地點：서울 종로구 종로 272 33,34號店鋪
- 營業時間：08:30-18:00
東大門綜合市場「塔洞商會」實地探訪
最近天氣凍，小編嚟到位於東大門站9號出口徒步5分鐘距離嘅東大門綜合市場最大棉被專門店「塔洞商會」買棉被！
「塔洞商會」位於東大門綜合市場地下一樓，除咗棉被之外仲有枕頭、咕𠱸、公仔等等，選擇比想像中多好多！
小編睇啱咗呢款超cute嘅熊啤啤棉被+枕頭套set！小編覺得呢度最大優點係可以親手摸吓係咩質地，而呢款棉被亦都非常軟熟舒服！
老闆見到小編鍾意熊仔pattern，都好熱情咁再俾多咗幾款相似嘅款式小編睇，同小編頭先睇嗰款style又唔同！
「塔洞商會」比想像中大，鋪頭入面仲有一張床，好似showroom咁俾大家睇吓大概係咩感覺，仲可以比較吓size！
好似頭先所講，呢度仲有賣枕頭，上面呢兩款貓貓同熊仔枕頭都好cute，而且唔會太軟，支撐力夠。
小編最後決定要買呢兩張被！左邊白色熊仔棉被一年四季都啱冚，而灰色嗰張就比較薄，夏天冚就啱曬啦！最正嘅係兩款都有同一個pattern嘅枕頭套~
呢兩張棉被都係以100%莫代爾纖維製作而成，摸上去非常軟熟，而且入面嘅棉花係HUVIS環保玉米棉，保溫效果夠好之外，就算經常洗都唔容易變形。最重要嘅係防蟎蟲同防塵，無論係男女老少都會鍾意同啱用。
揀好之後老闆就會即刻幫大家真空包裝，大細瞬間就變成原本嘅10分之1，放落行李箱或者帶返住宿都更加方便！
呢個膠袋入面有2張棉被，都係只係呢個size，而且單手都攞得起！
大家去之前記住下載Creatrip優惠券，俾錢嘅時候出示俾老闆睇就可以享有₩2,000優惠（₩2,000會用紙幣回贈返俾你）！如果大家屋企少咁張冬天棉被，又想買返張CP值高嘅棉被，非常推薦大家嚟東大門綜合市場「塔洞商會」！
東大門綜合市場「塔洞商會」前往方法
東大門站（동대문역）9號出口出。
直行。
見到上圖Hana Bank（하나은행）大廈之後轉左。
行入東大門綜合市場。
左邊有𨋢。
搭𨋢落B1/F。
直行。
經過兩個路口。
「塔洞商會」會喺你嘅右邊！
撳我下載優惠券👇🏻
以上係東大門綜合市場棉被「塔洞商會」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com