首爾美食 | 鐵路釜山家（弘大直營店、京義線林道店、西江大店）
超特別高級日式關東煮居酒屋！氣氛超好之餘仲有多款高質關東煮、下酒菜！
Hello，大家好，我哋係由韓國人每日提供最新韓國旅行資訊嘅Creatrip。
嚟韓國餐餐都係韓國菜食到厭，最近韓國後生仔女們都勁鍾意去居酒屋飲酒食嘢聚會，小編最近都有同朋友一齊去過一間弘大高級日式關東煮居酒屋，環境同氣氛都勁好，而且關東煮味道超正宗！一齊睇吓小編當日嘅體驗啦！
首爾「鐵路釜山家」基本資訊
弘大直營店
- 地址：서울 마포구 양화로16길 34
- 營業時間：
- 星期一至四 16:00-04:00
- 星期五及六 16:00-05:00
- 星期日 16:00-03:00
京義線林道店
- 地址：서울 마포구 와우산로38길 4 B1F
- 營業時間：
- 星期日至四 16:00-01:00
- 星期五及六 16:00-03:00
西江大店
- 地址： 서울 마포구 광성로6길 34
- 營業時間：
- 星期日至四 17:00-01:00
- 星期五及六 17:00-02:00
首爾「鐵路釜山家」實地探訪
「鐵路釜山家」係一間首爾有好多間分店嘅日式關東煮居酒屋，出名裝修夠特別、氣氛夠正！而今日小編同朋友就嚟咗位於弘大附近嘅京義線林道店飲返杯！
通常居酒屋都係得室內位，但係「鐵路釜山家」京義線林道店就有埋戶外位，天氣好嘅時候坐呢度食應該會好正！而餐廳內部裝修以日本居酒屋為主題，夠曬復古又特別。而且牆上仲有好多酒同酒杯，老闆話呢啲酒杯全部都係熟客們嘅私家杯，每次嚟都有得用返自己個杯，呢個system真係第一次見！
而「鐵路釜山家」同其他居酒屋最唔同嘅地方係每枱中間會有個關東煮爐，入面有魚糕湯底，大家可以將魚糕同其他食材放入去，等大家每一啖都係暖笠笠嘅！
小編同朋友叫咗一份特別魚糕2人套餐、日式生牛肉Tataki、日式炸雞同熟成三文魚刺身，而特別魚糕2人套餐入面就有各種魚糕、水年糕、油豆腐年糕福袋、蒟蒻、日本麻糬、牛筋等等10種食材，相當豐富！
每個人都會有一個杯可以裝魚糕湯飲，味道濃郁又暖笠笠~
小編建議大家一開始要先將年糕放落湯度，咁先可以食到煙韌軟熟嘅口感。
另外蒟蒻都需要最少煮3分鐘以上先會變腍，一齊放落湯入面煮會更加好食同入味。
之後大家可以自由將想食嘅食材放入熱湯，小編手上呢嚿芝士魚糕睇落非常吸引，芝士味道都好濃，推薦大家點豉油同Wasabi食！
呢個係辣椒粉絲魚糕，係小編今日覺得最好食嘅一款魚糕！辣辣地加上韓式炒粉絲嘅調味，如果平時都鍾意食辣嘅話一定會鍾意。
當然亦都唔少得韓國街邊都會見到嘅呢款魚糕啦（冇得輸XD）
呢兩嚿白色嘅嘢到底係咩？下面大嚿少少嘅叫做半片（鱈魚豆腐），口感同普通魚糕非常唔同，會好似棉花糖咁非常有空氣感！而上面就係日本麻糬，超滿足到小編呢個煙韌控！
油豆腐年糕福袋亦都係小編今次最鍾意嘅食材之一，鍾意食油豆腐同年糕嘅朋友們一定會encore XD
講起日本魚糕，點少得獅子狗！不過因為呢度嘅獅子狗會先炸過一次，如果直接放落湯度就會令啲湯變油，所以推薦大家剪成一口大細，然後放落自己個杯入面浸湯食。
牛筋都滷得非常入味，有咬口但係唔會韌。
除咗魚糕之外，「鐵路釜山家」其他Menu都好高質！呢度嘅三文魚刺身分別經過醬油、柚子同咖啡豆熟成，而且更加係老闆自己坐船出海捉返嚟嘅魚！推薦大家一開頭唔好點任何調味料，先試咗原味先！
日式生牛肉表面經過炙燒，配埋洋葱、Wasabi同柚子醋，無論係口感、香味定味道都相當正！
因為太多嘢食，小編幾乎將日式炸雞放到最後先食，但係外皮仍然非常脆，雞肉都非常juicy，推薦大家點沙律醬+Wasabi食！
去居酒屋點可以唔飲酒呢！老闆推薦咗呢款叫竹心嘅傳統酒俾小編，清清涼涼同關東煮相當夾，加上酒樽同酒杯都好cute，啱曬打卡！
如果大家今次會同朋友或者另一半一齊嚟韓國玩，推薦大家嚟「鐵路釜山家」一邊食高質日式關東煮，一邊小酌一杯！去之前記住download埋Creatrip優惠券，享用獨家優惠啦！
首爾「鐵路釜山家」前往方法
弘大直營店
京義線林道店
西江大店
撳我下載優惠券👇🏻
以上係首爾「鐵路釜山家」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com