搭1個鐘車就到！首爾去忠清北道「堤川」交通攻略

Hello，大家好，我哋係由韓國人每日提供最新韓國旅行資訊嘅Creatrip。

大家去韓國玩仲淨係會去首爾玩？之前小編去咗距離首爾大約一個鐘頭車程嘅忠清北道「堤川」，離開石屎森林呼吸新鮮空氣，真係成個人都會更加精神爽利！今日就等小編教大家搭咩車可以去到呢個療癒都市玩啦！

想輕鬆玩轉堤川？👇🏻

忠清北道「堤川」介紹

忠清北道堤川的山景和湖景，周圍環繞著壯麗的山脈和廣闊的湖泊，畫面展示堤川的自然景觀之美。

「堤川」四面環山，更加有一望無際嘅湖景同豐富文化遺產，每年國際音樂電影節更加選址於「堤川」，係一個非常適合旅行但仲未有好多人發掘到嘅寶藏城市！

首爾前往「堤川」交通攻略

#KTX

堤川站_(제천역)

地址：충북 제천시 의림대로1

堤川KTX車站，現代化的車站建築顯示堤川站的標誌，方便旅客識別及搭乘火車。

去「堤川」最快嘅方法係搭火車，而堤川站KTX、ITX同一般火車都會停靠。

首爾前往堤川KTX路線及價錢

首爾站→堤川站 (約1小時30分鐘)	₩17,000
清涼里站→堤川站 (約1小時10分鐘)	₩15,400

如果大家係喺首爾出發，可以去首爾站或者清涼里站搭KTX，首爾站出發列車每日有4班，而清涼里站出發列車每日就有9班。

堤川火車站內的上車閘口，標有指示牌引導前往不同方向的KTX火車和無窮花號列車。

大家可以根據自己住宿位置同時間揀去邊度搭車，不過小編建議如果大家住宿唔近首爾站，去清涼里站搭會更加慳錢慳時間。另外去堤川嘅KTX比起其他列車更加容易賣曬，如果打算weekend去就記住要提早一個禮拜預約啦！

#一般列車

首爾前往堤川一般直通車路線及價錢

首爾站→堤川站 (約3小時)	₩15,900
清涼里站→堤川站 (約1小時40分鐘)	ITX \| ₩12,700 無窮花號 \| ₩9,200
永登浦站→堤川站 (約3小時)	₩15,900

大家亦可以揀去首爾站、清涼里站或者永登浦站搭一般列車，價錢相對上會平啲，不過首爾站同永登浦站出發列車每日得1班，而清涼里站出發列車每日就大約有8班。

火車站月台上的火車，等待著乘客上車，適合前往堤川的旅客使用的交通設施。

清涼里站去堤川站嘅一般列車所需時間同KTX差唔多，但係價錢就平成30%，如果大家唔趕時間又想慳返啲車錢，咁就建議大家搭一般列車。

堤川KTX站內標示牌，詳細指示不同方向列車的搭乘月台，包括前往原州、堤川等地的路線。

KTX火車內部座位區，乘客可在舒適的座椅上享受旅程。

如果大家會喺清涼里站搭車去，大家要去7號、8號月台上車，上車之後記住去返車票上顯示嘅指定座位坐好，列車會準時出發。

堤川火車站月台標示，顯示連接丹陽、永越和鳳陽的列車方向，是前往堤川的交通樞紐。

堤川站內的出入口指示牌，指引乘客前往巴士和計程車的搭乘點及出口。

搭1-1.5小時就會去到堤川站，行出去就會係堤川市中心，站附近更加有旅遊資訊中心，如果大家想知道更多同堤川相關嘅資訊就記住喺2號出口出啦！

#高速巴士

堤川高速巴士站

地址：충북 제천시 칠성로10길 12

堤川高速巴士站的入口，提供從首爾到堤川的巴士交通選擇，是遊客前往堤川的便利交通設施。

如果火車班次同時間同本身計劃唔太啱，或者住宿同火車站距離比較遠，推薦大家搭高速巴士！如果喺首爾出發嘅話就要去首爾高速巴士客運站搭。

首爾高速巴士客運站 ⇆ 堤川

所需時間：2小時
班次：每小時1班

一般	₩11,700
優等	₩17,100
Premium	₩20,600

堤川高速巴士站的月台，準備發車的巴士等待乘客登車，是前往堤川的交通之一。

去堤川嘅高速巴士要喺24號月台上車，因為巴士會準時出發，大家記住要提早10分鐘左右到啦。

高速巴士內的豪華座位，提供乘客額外的舒適和娛樂設備，適合長途旅行的服務。

如果係搭Premium高速巴士，座位會好似飛機商務艙咁有嘢隔住，亦都有個screen可以睇戲。

堤川高速巴士售票點，提供巴士時刻表及票務服務，是計劃交通行程的必經之地。

搭2個鐘左右就會去到堤川高速巴士站，呢度有便利店可以買嘢食/飲，亦都可以買回程飛。搭高速巴士前往堤川嘅乘客，去搭清風湖畔纜車仲可以享有₩1,000折扣，記住買纜車飛嘅時候要出示埋高速巴士車飛啦！

「堤川」有咩地方一定去？

堤川必去景點TOP 8

如果有更多想知嘅內容，都可以隨時留言或者dm話俾我哋知：）

✨Instagram：creatrip.hk

🔎Facebook：Creatrip 帶你認識韓國每一面

Mail：help@creatrip.com