弘大美食 | 一片里脊（弘大總店）
弘大必食網紅韓牛燒肉！到底有咩咁特別？
Hello，大家好，我哋係由韓國人每日提供最新韓國旅行資訊嘅Creatrip。
想喺韓國食韓牛，但係因為價錢貴，怕去錯餐廳會伏？小編今次同朋友一齊去咗最近網上討論度超高嘅弘大「一片里脊」，去食A++等級韓牛！一齊睇吓有幾好食啦！
撳我睇Menu&預約詳情👇🏻
「一片里脊（弘大總店）」基本資訊
- 地址：서울 마포구 홍익로6길 52 2F & 3F
- 營業時間：12:00 - 23:00
- Break Time：15:00 - 17:00
- Last Order：22:00
「一片里脊（弘大總店）」實地探訪
今日小編嚟到位於弘大嘅韓牛專門店「一片里脊」嘅總店，喺弘大入口站8號出口行1分鐘就到，好容易搵！本身就知道呢度好出名，一入門口仲見到超多韓國明星嘅簽名，令小編同朋友真係好期待啊！
餐廳座位全部都係卡位，而且仲係梳化，可以慢慢享受同家人朋友們一齊食烤肉嘅私人時光。大家更加可以將個人物品同外套放落櫈下面，咁就唔怕會阻埞，而且外套都唔會索味！
弘大「一片里脊」餐廳入面仲有一個低溫熟成庫，入面有超多韓牛牛肉！「一片里脊」提供嘅韓牛全部都經過21日低溫熟成，味道肉質更上一層樓！
餐廳更加有提供埋中文同英文餐牌，就算唔識韓文都完全冇問題。
弘大「一片里脊」提供多款牛肉部位，包括有里脊(西冷)、牛柳、大蝦肉[里脊下方部位]、雪花板腱肉、牛頸肉、排骨肉、牛肩肉、牛腹肉同牛舌，每款味道同口感都唔同！
一片里脊(일편등심)
呢個部位同餐廳名一模一樣，采用頂級牛里脊當中最好食嘅部位，係呢度嘅招牌Menu。
牛柳(안심)
一隻牛只可以切出6kg嘅牛柳，雖然脂肪含量唔高，但係肉質依然嫩滑，而且肉味香濃。
牛腹肉(업진살)
牛嘅腹部，脂肪多而且肉汁豐富，比起其他部位更加嫩滑，油脂味香！
牛頸肉(제비추리)
由牛頸一直到排骨前嘅肉，一隻牛得500g，係牛肉當中最稀有嘅部位，肉質彈牙。
大蝦肉(새우살)
介紹緊牛肉但係突然點解會出現蝦？係因為呢個部位嘅肉係蝦嘅形狀，口感嫩滑帶油脂香，係好多鍾意食牛肉嘅人最鍾意嘅部位。
雪花板腱肉(눈꽃살치)
板腱肉油花勁靚，因為入口即溶，所以亦被稱為雪花板腱，一隻牛只有4kg。
牛肩肉(부채살)
牛肩肉肉汁豐富，而且因為中間會有一條筋，所以口感會比起其他部位更加豐富。
牛排骨肉(갈비살)
排骨肉相信大家都唔陌生，呢個部位口感彈牙，肉香夠濃，好多韓式料理都會運用到呢個部位。
牛舌(특상우설)
弘大「一片里脊」嘅牛舌只會采用最靚嘅上面嗰部分，口感同普通牛肉好唔同。
小編同朋友叫咗個名牌Set、牛舌、韓牛生牛肉同生牛肉水冷麵，名牌Set入面包頂級部位、一片里脊、里脊、2款特殊部位同一份韓牛大醬湯飯。
弘大「一片里脊」最正嘅係會用炭火燒，可以食到香濃肉味之餘仲有淡淡碳香！如果有需要嘅話大家可以攞埋圍裙用，咁就唔怕整污糟啦！
幫手燒肉嘅職員全部都經過6個禮拜嘅特訓，而且大家可以自行決定生熟程度，包保每個客人都可以食到燒得最完美嘅牛肉！
大家食嘅時候可以根據喜好配埋海鹽、Wasabi同芥末籽醬一齊食，小編個人推薦大家食里脊(西冷)同牛柳嘅時候點少少鹽就得，享受肉汁鮮味！
牛頸肉一粒粒方便入口，推薦大家可以配Wasabi食！
牛肩肉同大蝦肉同樣肉質嫩滑夠juicy，而且肉香夠濃，食肉獸們一定唔可以錯過！
食牛舌嘅時候推薦大家一定要點呢度嘅特製牛舌醬汁，蜂蜜、檸檬、薑同蒜頭嘅配搭比想像仲match，而且甜甜地夠清新，唔會咁膩。
如果大家覺得齋食肉大家唔飽，記住要食埋生牛肉拌飯，新鮮生牛肉絲加上蔬菜、麻油同辣椒醬，撈埋飯真係好惹味！
想暖胃啲嘅話就推薦叫埋呢款韓牛大醬湯飯，大醬味夠香濃，用料都非常多！
好似小編咁鍾意食麵嘅配朋友們就可以揀呢款生牛肉水冷麵，味道相當清爽，用嚟解膩一流！
「一片里脊」開張冇耐就已經有超多人去過朝聖，如果大家都想食頂級韓牛，非常推薦大家去弘大「一片里脊」！而家透過Creatrip預約仲可以免費得到一份生牛肉水冷麵或者生牛肉拌飯，記住唔好錯過呢個優惠啦！
PS. 「一片里脊」明洞店都可以透過我哋預約！👉🏻撳我
「一片里脊（弘大總店）」前往方法
弘大入口站（홍대입구역）8號出口出。
轉右。
直行。
行到Olive Young之後轉右。
直行。
你會見到有一間7-11。
上樓梯就到「一片里脊（弘大總店）」啦！
撳我預約👇🏻
以上係弘大「一片里脊（弘大總店）」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com