龍山美食總整理
超受韓國年輕人歡迎嘅龍理團路有咩好食？7間人氣餐廳推薦！
- SAM SAM SAM(쌤쌤쌤)
- 赤土發酵烤肉(적토발효구이)
- 夢炭(몽탄)
- 熱情島烤肉(열정도고깃집)
- 熱情島小章魚(열정도쭈꾸미)
- SZIMPATIKUS 龍山店(심퍼티쿠시 용산점)
- 石板鰻(돌판장)
Hello，大家好，我哋係由韓國人每日提供最新韓國旅行資訊嘅Creatrip。
唔知道大家有冇去過「龍山」呢個地方呢？龍山係最近韓國後生仔女們經常會去嘅地方之一，呢度有條叫「龍理團路」嘅，由龍山站一路延伸到新龍山站，有齊各種充滿異國風情嘅餐廳同Cafe，今日就等小編介紹幾間龍山人氣餐廳俾大家啦！
龍山美食總整理
SAM SAM SAM(쌤쌤쌤)
- 地址：서울 용산구 한강대로50길 25
- 營業時間：11:30-22:00（星期一至五 Break Time 15:00-17:30）
「SAM SAM SAM」喺Instagram勁hit，可以話係龍理團路最受歡迎嘅餐廳，聽講每日平均排隊人數超過500人次！裝修充滿美國舊金山感覺，復古得嚟顏色鮮艷，影相非常上鏡。而且無論係意粉、牛排定千層麵都超水準，亦都非常有特色！
赤土發酵烤肉(적토발효구이)
- 地址：서울 용산구 한강대로 14길 12 B1-2F
- 營業時間：
- 星期一至五 17:00-22:00
- 星期六、日及公眾假期 11:30-22:00（Break Time 15:00-17:00）
- 前往方法：龍山站（용산역）1號出口行11分鐘
「赤土發酵烤肉」賣嘅係超特別嘅赤土甕熟成豬肉，因為赤土入面蘊含大量鐵質，可以促進發酵過程之餘仲會吸收多餘水分。如果將豬肉放入用赤土整成嘅甕入面熟成，唔單止可以鎖住肉汁，仲可以令豬肉風味更加濃郁！呢度亦有提供各種韓式主食，可以一次過體驗韓國傳統飲食文化！
夢炭(몽탄)
- 地址：서울 용산구 백범로99길 50
- 營業時間：12:00-22:00（Break Time 21:00）
- 前往方法：三角地站（삼각지역）8號出口行1分鐘
법율신문
네이트뉴스
「夢炭」、「金豬食堂」同「囕盈豚」被譽為首爾三大烤肉，每日開門之前就會排曬長龍！「夢炭」最出名食原條牛仔骨，廚師會先用稻草進行第一輪燒製，唔單止會令燒烤味更濃，而且仲可以鎖住肉汁，加上秘製調味真係好正！
熱情島烤肉(열정도고깃집)
- 地址：서울 용산구 백범로87길 55
- 營業時間：
- 星期一至五 12:00-22:00
- 星期六及日 12:00-22:00（Break Time 14:30 - 15:30、Last Order 21:15)
- 前往方法：南營站（남영역）1號出口行6分鐘
「熱情島烤肉」上過唔少韓國電視節目，好多時都要排隊等位！餐廳氣氛夠復古，仲會播九十年代嘅歌，好似搭咗時光機返舊時咁。所有豬肉都係1+等級韓國本地豬，更加經過獨家方式進行熟成，肉質鮮嫩夠juicy！
熱情島小章魚(열정도쭈꾸미)
- 地址：서울 용산구 백범로87길 40
- 營業時間：11:30 - 23:00
- 前往方法：南營站（남영역）1號出口行7分鐘
「熱情島小章魚」位於頭先介紹嘅「熱情島烤肉」附近，賣嘅係韓式辣炒小章魚！呢度嘅小章魚會先經過碳烤，炭火味配埋特製醬汁超惹味！仲提供多款配菜，而且可以調節辣度，就算唔係好食得辣都唔洗擔心。
SZIMPATIKUS 龍山店(심퍼티쿠시 용산점)
- 地址：서울 용산구 한강대로52길 17-3
- 營業時間：11:00-22:00
- Break Time：15:00-17:00
- Last Order：14:00、21:00
- 前往方法：三角地站（삼각지역）3號出口行2分鐘
「SZIMPATIKUS」 係最受韓國人歡迎嘅高級餐廳之一，可以用合理價錢食到超特別Fusion菜，配上高級紅酒一流~ 而且餐廳環境勁有氣氛，龍山店仲有有超大窗邊位，可以睇到超開揚景色，推薦大家同家人、朋友或者另一半一齊嚟度過特別時光！
石板鰻(돌판장)
- 地址：서울 용산구 한강대로53길 24
- 營業時間：11:30 - 22:00
- 前往方法：三角地站（삼각지역）4號出口行2分鐘
如果大家食燒肉食到厭，不妨可以考慮試食韓國燒鰻魚！「石板鰻」選用新鮮野生統營鰻魚，配上有超過40年歷史嘅獨家烹調手法，味道有保證！叫完嘢食之後即刻會有專人幫你燒好，一上枱就可以開餐（BTW 韓國人覺得鰻魚係可以補充體力嘅食材，對男人特別好XD）
以上係最新龍山必食餐廳攻略，如果大家唔想去親都係個幾個景點，推薦大家嚟龍山/龍理團路呢邊體驗特色異國風情，順便食返幾餐好西！
如果有更多想知嘅內容，都可以隨時留言或者dm話俾我哋知：）
Mail：help@creatrip.com