最受香港人歡迎嘅7間首爾醫美診所

Hello，大家好，我哋係由韓國人每日提供最新韓國旅行資訊嘅Creatrip。

想去韓國做醫美療程，但網上太多廣告，而且大部份都係台灣網友嘅分享...... 

作為香港小編，深知大家嘅難處，而且一直都好想幫香港朋友們整理出一個專屬韓國醫美診所推薦list！到底香港朋友們通常會去邊幾間韓國醫美診所？居然仲有提供廣東話翻譯嘅診所？今日就由居韓香港小編為大家推薦7間醫美診所同呢幾間診所嘅真實體驗記啦！

港人最愛醫美診所推薦懶人包🇭🇰

最受港人歡迎嘅韓國醫美診所

弘大 | nBOM Clinic_{(앤봄의원)}

• 地址：서울 마포구 양화로 162 7F
• 營業時間：
  • 星期一、二、四、五 10:30-20:30（Break Time 14:00-15:00）
  • 星期六及日 10:00-16:00

[이미지 슬라이더]   

弘大「nBOM Clinic」係其中一間小編自己親身去過嘅醫美診所，透過進行免費Moire 3D面部分析服務幫你診斷肌膚問題，諮詢都非常仔細。重點係呢度有提供廣東話翻譯服務，就算唔識韓文或者普通話都可以溝通自如！

[이미지 슬라이더]       

小編當時係去打Rejuran麗珠蘭黑盒水光針，因為聽講過麗珠蘭係醫美療程當中最痛嘅一種，所以做之前都幾驚吓。不過好彩「nBOM Clinic」醫療人員全部都好親切，無論係搽麻醉膏、做療程，定最後做護理都好細心溫柔。

打針係由醫生親自負責打，打之前有直接喺我面前打開，確保係全新產品，見到都更加安心。雖然打嘅過程唔可以話唔痛，但因為之後會做返好多舒緩鎮靜嘅療程，走嘅時候都唔會好熱好紅。過咗2日左右凸起嘅一粒粒就消咗腫，5~7日後就開始見到有效果，滿足！

如果想做護膚療程，想解決毛孔粗大、暗瘡印等問題嘅話，喺度一定可以搵到需要嘅療程！

✅ 弘大 nBOM Clinic 小總結

醫美療程價錢/真實評論👇🏻

[스팟] 提供廣東話翻譯 | nBOM Clinic（弘大）

弘大 | Project U_{(프로젝트유)}

• 地址：서울 마포구 양화로 162 6F
• 營業時間：
  • 星期一至五 10:30-20:30
  • 星期六及日 10:00-17:00

弘大「Project U」係一間非流水線醫美診所，代表院長醫生更加係備受認可嘅玻尿酸填充專家，好多韓國女仔想去豐唇隆鼻都會嚟搵佢！另外呢度亦都有提供唔少ONE DAY療程同各種美容套餐，幫大家plan好最有效果嘅treatment組合，價錢都會比逐個逐個體驗預約抵！

[이미지 슬라이더]     

院長更加研發出零漏藥Rejuran麗珠蘭，運用專用針頭同止痛技術，將有效成分全部注射到皮膚入面，令效果更好。小編同事上次去做InMode，順便都有去打Rejuran，佢話覺得院長手勢好又夠快，加上自家止痛技術，整體感覺冇喺其他韓國醫美診所打嘅時候咁痛！

※感覺同效果因人而異

✅ 弘大 Project U 小總結

醫美療程價錢/真實評論👇🏻

[스팟] 填充專家/免費皮膚診斷 | Project U（弘大）

弘大 | S Reborn_{(에스리본의원)}

• 地址：서울 마포구 양화로 162 8F
• 營業時間：
  • 星期一至三、五 10:30-19:30
  • 星期四 13:00-21:00
  • 星期六 10:00-16:00

「S Reborn」提供非常多種醫美療程，當中最推薦大家去做拉提，價錢都相當抵。呢度相對於普通流水線醫美診所，最多客人都有稱讚嘅位係唔會hard sell，所以就算大家係第一次做美容療程都唔洗怕好似俾人呃咁，預算比較低都可以做到想做嘅療程。

因為呢度出名做10THERMA十倍電波拉皮，所以小編都有陪朋友去體驗過！做之前首先會做一個詳細皮膚分析，搵出皮膚嘅問題，再對症下藥。而因為小編朋友臉部皮膚有慢慢變鬆嘅跡象，而且都有少少表情紋，所以美容顧問就推薦佢做10THERMA。

[이미지 슬라이더]   

做嘅當下因為會用到電波加熱深層皮膚，激發膠原蛋白增生，所以皮膚會變紅變熱，醫生都好貼心咁有一邊攞住個冰敷儀器，舒緩臉部痛楚同紅腫。做完拉提療程之後亦都會搭配LDM水滴提升做再一步舒緩鎮靜，儘量減少不適感。而效果會維持大半年，CP值都高。

本身弘大「S Reborn」只提供美容顧問諮詢服務，但而家透過Creatrip就可以免費預約同院長醫生進行諮詢，每星期有限人數，有興趣就記住快啲預約啦！

✅ 弘大 S Reborn 小總結

醫美療程價錢/真實評論👇🏻

[스팟] 10THERMA/拉提專業醫生主理 | S Reborn（弘大）

明洞 | LIJIN Clinic_{(리진의원)}

• 地址：서울 중구 남대문로 55 3F
• 營業時間：
  • 星期一至五 09:30-20:30
  • 星期六及日 09:30-19:30

明洞「LIJIN Clinic」係2025年新開嘅明洞非流水線醫美診所，院長有超過15年醫美經驗，之前仲係韓國知名連鎖醫美診所嘅代表院長。而且診所更加得到多個拉提同抗衰老療程儀器製造商嘅官方認證，效果有保證！

[이미지 슬라이더]  

而且之前小編朋友去過，佢話整體環境好舒服，唔單止有一對一諮詢，所有療程都係喺專屬單人房進行。診所更加位於明洞中心地帶，交通夠方便！

✅ 明洞 LIJIN Clinic 小總結

醫美療程價錢/真實評論👇🏻

[스팟] 拉提療程專家 | LIJIN Clinic 皮膚科（明洞）

明洞/弘大/江南 | Abijou Clinic_{(아비쥬의원)}

「Abijou Clinic」係韓國嘅老牌醫美診所，分店遍佈各地、療程選擇好多，而佢哋最擅長係護膚療程同拉提療程。雖然係連鎖式醫美診所，但呢度嘅醫生經驗豐富、態度親切，亦有中文翻譯同諮詢服務。

唔少人親身體驗後都話呢度唔會hard sell，而且好friendly，外國人都有醫美體驗價，好啱想做日常保養或者預算唔多嘅朋友。

[이미지 슬라이더]       

小編自己本身有色斑問題，一直都好想解決。之前聽韓國朋友話「Abijou Clinic」CP值高，所以就去咗有廣東話翻譯嘅弘大店！因為可以用返自己語言去溝通，所以整體感覺更加舒服，亦都可以準確傳達到意見。

最後小編做嘅套餐包括Aqua Peel、EXCEL V激光、Pico Toning同Cyrocell冰極導入，進行皮膚深層清潔後面，再用激光療程針對特定部位色素問題進行改善，然後再用Cyrocell做返舒緩效果。上面大家碌到最後張相可以睇到做完之後色斑變淡，相信再持續做多幾次會有更明顯改善！

✅ 明洞/弘大/江南 Abijou Clinic 小總結

醫美療程價錢/真實評論👇🏻

[스팟] Abijou Clinic（國際明洞店）

[스팟] Abijou Clinic（國際弘大店）

[스팟] Abijou Clinic（國際江南店）

江南 | MEDICUBE CLINIC_{(메디큐브의원)}

• 地址：서울 서초구 강남대로 463 6F
• 營業時間：
  • 星期一、四、五 10:30-20:00
  • 星期二及三 10:30-19:00
  • 星期六 10:30-16:00

Medicube除咗係韓國人氣護膚品、美容儀品牌之外，喺江南新論峴站都有開設醫美診所，專門解決色斑、暗瘡凹凸洞等抗痘療程，如果有暗瘡問題，非常推薦去「MEDICUBE CLINIC」。

而且最正嘅係呢度可以當日預約，可以用英文同專業醫生溝通，或者用翻譯機都可以準確表達需求，好多香港朋友最近都有預約「MEDICUBE CLINIC」！

[이미지 슬라이더]    

如果大家有化妝咁去，首先要去化妝室卸妝，非常特別嘅係呢度提供嘅卸妝產品係MEDICUBE自家嘅product！跟住就會入一間房度做VISIA精密皮膚檢測，機器會影低你正面、左邊面同右邊面，然後就會根據頭先嘅檢測結果幫你分析到底而家皮膚年齡大約係幾歲、皮膚有咩優點/問題等等，再幫你制定客製化療程。

小編當時做嘅係Premium拉提療程套餐，雖然大家見到好似瘀曬好恐怖咁，但其實做嘅當下唔會好痛，實際上瘀青痕跡3日之內就幾乎消失曬。拉提效果2-3個禮拜後就變得比較明顯，以小編記憶效果都維持咗幾個月，非常推薦會定期做醫美療程保養嘅朋友們嚟江南「MEDICUBE CLINIC」！

✅ 江南 MEDICUBE CLINIC 小總結

醫美療程價錢/真實評論👇🏻

[스팟] MEDICUBE CLINIC（江南）

江南/明洞 | PLAN;S CLINIC_{(플랜에스의원)}

「PLAN;S CLINIC」最出名做Titanium鈦提升同打溶脂針，唔單止得到鈦提升機器製造商官方認證，溶脂針同減肥藥更加係由院長同韓國大學研究所共同研發，所有療程亦都會按照每位客人情況安排同進行處方，務求達到最好效果。

江南店最近搬咗新地址，整體裝修變得更現代化，環境都更加闊落！小編朋友之前去「PLAN;S CLINIC」嘅時候做咗溶脂針同攞減肥藥處方，正式進行療程之前美容顧問同專業醫生會輪流進行諮詢，根據實際情況同體脂肪數值分析邊個部位需要進行相關療程，更加會教你點可以更有效瘦身，大家可以睇到前後真係有分別！

另外而家明洞分店都可以透過Creatrip免費預約，有減肥煩惱嘅朋友們可以考慮嚟呢間醫美診所！

✅ 江南/明洞 PLAN;S CLINIC 小總結

醫美療程價錢/真實評論👇🏻

[스팟] 瘦身溶脂/拉提/護膚專家 | PLAN;S CLINIC（江南）

[스팟] 瘦身溶脂/拉提/護膚專家 | PLAN;S CLINIC（明洞）

香港人韓國醫美常見問題FAQ

Q1. 韓國醫美診所可唔可以即日預約或者Walk-in？

A：如果係人氣醫美診所，通常都唔接受即日預約或者walk-in，就算得都要等一段長時間。所以強烈建議你最好提早3-5日事先預約定想去嘅醫美診所，透過Creatrip就可以直接用繁體中文同港幣預約，仲可以賺10%醫美積分回贈！

Q2. 會唔會有廣東話或者英文翻譯？

A：而家大部分首爾醫美診所都會提供普通話同英文專業翻譯，甚至係美容顧問/醫生本人識講呢兩個語言。而廣東話翻譯就比較少見，但上面介紹嘅nBOM Clinic同Abijou Clinic弘大店就有提供廣東話服務，如果覺得普通話或者英文溝通都唔方便嘅話推薦大家預約！

Q3. 最受香港人歡迎嘅醫美療程係咩？

A：最受香港朋友歡迎嘅韓國醫美療程分別係可以改善整體膚況嘅Rejuran麗珠蘭水光針、拉提效果明顯又長效嘅Ultherapy美版超聲刀、InMode同美白祛斑嘅Pico Toning，呢幾款療程喺韓國做都會平過香港！

[블로그] 韓國Rejuran麗珠蘭水光針攻略

Q4. 可唔可以一日之內做幾款療程？

A：可以。好多醫美診所甚至會一啲效果相輔相成嘅療程組合成套餐，等你可以喺一日之內做完之後，達到最滿意嘅效果，效率更高！

Q5. 做療程之前，點樣確認係用正貨機同埋正廠探頭？

A：通常醫生或者療程師都會喺開始療程前將未開封過嘅探頭或者針劑show俾你睇，再直接喺你面前拆開，最後發出正貨認證卡或者認證碼，確保你做得安心。透過Creatrip預約嘅醫美診所全部都經過嚴格審核，所以唔需要擔心佢哋會用假貨或者重用探頭。

Q6. 韓國醫美療程修復期要幾耐？

A：視乎療程而定，但大部分喺1~5日內就會退紅腫。如果做完醫美之後有重要行程，建議揀修復期比較短，甚至無修復期嘅醫美療程，詳情可以參考以下呢篇文章：

[블로그] 10個無修復期韓國醫美療程推薦

Q7. 韓國醫美診所會唔會收遊客價？

A：部分韓國醫美診所韓國人同外國人價錢唔同，通常係因為要計埋翻譯等其他附加服務，不過大部分出名嘅醫美診所都係行明碼實價。如果想知道每間診所收費大概係幾多，可以參考我哋預約頁面入面嘅價錢表！

Q8. 現場可唔可以用信用卡或者Alipay俾錢？

A：大部分醫美診所都可以，不過如果係比較細嘅診所就有機會唔提供Alipay付款服務。

Q9. 去韓國醫美診所做療程有冇得退稅？

A：由2026年1月1號起，韓國醫美退稅制度已經結束，所以而家去韓國做醫美療程冇辦法再進行退稅。不過而家只要參加Creatrip醫美積分回贈活動，就可以獲得10%積分回贈，分分鐘抵過退稅！

Q10. 返到香港之後如果有副作用或者任何疑問，可以點算？

A：返到香港之後如果有任何問題，或者想同醫美診所聯絡，你隨時可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。

以上就係最多香港人嚟韓國玩嘅時候最經常預約嘅7間診所啦！根據小編觀察，香港朋友們揀韓國醫美診所嘅時候通常最重視有冇廣東話翻譯、診所評價同醫生經驗，大家不妨撳入有興趣嘅診所預約頁面，睇其他客戶嘅真實評價，再揀想預約邊間醫美診所啦！

點可以用更抵價錢體驗高質韓國醫美？

🎉Creatrip醫美積分回贈活動🎉

而家透過Creatrip預約上述醫美診所之後參加韓國醫美積分回贈活動，上傳收據同填寫評論，即刻可以輕鬆領取10%回贈，冇咗醫美退稅都唔會蝕錢！

而且拎到積分之後，除咗可以用嚟再預約醫美診所，不斷賺10%醫美積分回贈之餘，你亦都可以喺Creatrip網站用呢筆積分預約韓國一日遊、韓服體驗、照相館、機場接送、餐廳訂位、DIY工作坊等等。

即刻撳下面張圖睇吓邊間醫美診所適用啦👇🏻

你可能會對呢幾篇文章有興趣⭐️

[블로그] 香港人必睇韓國醫美療程攻略 | 醫美診所預約流程、人氣醫美療程及診所推薦

[블로그] 2025首爾清潭洞/新沙洞/狎鷗亭醫美診所推薦

[블로그] 2025弘大14間醫美診所/皮膚科推介

[블로그] 2025明洞9間醫美診所/皮膚科推介

[블로그] 首爾非流水線/提供專業醫生諮詢醫美診所

[블로그] 韓國大型連鎖醫美診所/CP值高診所推薦

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！