弘大酒吧｜酒神堂
超特別12生肖風格Cocktail Bar！酒神堂開到弘大啦！
Hello，大家好，我哋係由韓國人每日提供最新韓國旅行資訊嘅Creatrip。
講起弘大，相信大家一定會聯想起熱鬧嘅氣氛，有唔少朋友亦都會專程去弘大酒吧玩。早前小編就發現新堂一間好出名嘅酒吧「酒神堂」開到去弘大，所以即刻同朋友一齊去咗，大家都跟住去睇吓啦！
撳我下載優惠券👇🏻
「酒神堂（弘大店）」基本資訊
- 地址：서울 마포구 와우산로21길 19-11 2F
- 營業時間：
- 星期一至五 18:00 - 02:00
- 星期六及日 17:00 - 02:00
「酒神堂（弘大店）」實地探訪
小編同朋友一齊去咗位於「酒神堂」位於弘大嘅分店，顧名思義，呢間酒吧以供奉酒神為concept，整體燈光都比較昏暗，裝修更加好似韓國傳統占卜鋪咁勁神秘！
小編好好彩可以坐到Bar枱位，坐低之後職員就會俾個桶你抽籤，打開支旗之後發現原來係下酒菜Menu，上面更加有英文，大家唔洗擔心睇唔明。
既然話得係酒吧，呢度嘅招牌就當然係佢哋嘅Cocktail啦！「酒神堂」嘅Cocktail以十二生肖為靈感，每個生肖都會有一款調酒。Menu上面亦都會寫每款Cocktail所用嘅食材同酒精濃度、酸味、甜度同口感，大家可以根據自己喜好去揀，或者叫調酒師推薦都得！
叫完酒之後職員就會先幫大家上基本下酒菜，大家可以一邊食住蔬菜脆片一邊等。
如果大家係好似小編咁坐Bar枱，仲可以睇住bartender幫大家調酒，相當特別同精彩！
小編今次叫咗牛、羊同龍Cocktail，三款酒都各有風格，而且顏值夠高，啱曬影相打卡！
首先呢款牛Cocktail混合香豆冧酒、伯爵茶、忌廉同肉桂，雖然酒味比較濃，不過因為有伯爵茶同甜甜地嘅忌廉，所以飲落非常順口，係小編個人最鍾意嘅一款酒！
羊Cocktail就以白冧酒、蜜瓜、西蘭花、檸檬同棉花糖組合而成，酒本身呈淺綠色，香草上面更加放有土耳其式棉花糖，望落就好似一隻喺草原上奔跑嘅綿羊！
最後呢杯龍Cocktail就包括洋甘菊Gin酒、迷迭香、檸檬等等嘅食材，用會冒出白煙嘅茶壺倒出嚟嘅時候係紫色嘅，但係加埋檸檬之後就會變成深粉紅色，超特別！
除咗Cocktail之外，「酒神堂」嘅下酒菜都非常高質！首先呢款薯仔煎餅係「酒神堂」嘅招牌Menu，脆口薯仔加上蜂蜜牛油、香濃生雞蛋同火箭菜，味道非常夾！
呢款白切肉冷麵混合韓式白切肉同西式天使麵，口感同味道都非常豐富！
最後一款想推薦嘅係香辣海鮮湯，比起普通嘅海鮮湯更加高級，除咗海鮮之外，仲有嫩豆腐同各種蔬菜，好惹味！
食完鹹嘢就梗係要食埋甜嘢啦！呢款桑葉雪糕係喺「酒神堂」手工製作嘅甜品，唔會太甜仲可以食到淡淡茶香味，配埋脆片餅乾食都好正！
如果大家嚟到弘大唔想去普通酒吧，非常推薦大家去呢間concept超特別嘅「酒神堂」弘大店！去之前記住要download定coupon，出示俾店員睇即刻可以獲得一份招牌貓貓蛋糕！
「酒神堂（弘大店）」前往方法
弘大入口站（홍대입구역）9號出口出。
直行。
過馬路，然後轉左。
直行。
繼續直行。
行到弘益大學正門之後，沿住行人路轉右。
轉右行入前面路口。
上斜路。
直行。
轉入左邊路口。
上斜路。
你會見到弘大「酒神堂」喺你左手邊！
撳我下載優惠券👇🏻
以上係弘大「酒神堂」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com