汝矣島美食 | 與賱館
汝矣島THE HYUNDAI SEOUL附近嘅正宗韓定食餐廳！
Hello，大家好，我哋係由韓國人每日提供最新韓國旅行資訊嘅Creatrip。
難得一場嚟到韓國，梗係要食返餐正宗韓國料理！今日小編想介紹一間位於汝矣島The Hyundai附近嘅韓定食專門店「與賱館」，呢度環境夠靚之餘餐點夠高質，最啱帶屋企人一齊去！
撳我睇Menu&預約詳情👇🏻
汝矣島「與賱館」基本資訊
- 地址：서울 영등포구 국제금융로8길 2 B1F
- 營業時間：
- 星期一至六 11:00-22:00
- Break Time 15:00-17:00
- Last Order 20:30
汝矣島「與賱館」實地探訪
今日小編同朋友嚟到位於首爾中心地帶汝矣島嘅「與賱館」食韓定食！「與賱館」位於汝矣島The Hyundai Seoul附近，餐廳裝修行高級優雅風格，以木頭為主調，更加提供多人枱同獨立房等等嘅位，就算係一家大細嚟都冇問題！
呢度仲會提供衣架同充電線，相當貼心！
1++韓牛Taco
BTW而家透過Creatrip預約「與賱館」，仲可以免費得到2件1++韓牛Taco，墨西哥餅皮入面有韓牛牛肉，各種蔬菜同醬汁，非常足料！
燒牛尾
首先呢款燒牛尾以秘製醬汁調味，鹹鹹甜甜夠曬惹味！牛尾本身充滿膠原蛋白，所以食落口感軟糯得嚟有咬口。
今日小編仲試咗「調味排骨定食」、「韓牛里脊定食」、「韓牛三合定食」同「招牌與賱定食」，所有定食入面都包明太子、時令粥品等5款基本小菜 + 2款沙律 + 辣醬蟹同煎餅等4款前菜，勁豐富，而且每款都好高質！
調味排骨定食
「調味排骨定食」嘅主菜當然就係調味排骨啦！排骨調味偏甜，係韓式排骨嘅味道，而且非常入味，配埋大葱同菇一齊食非常夾。
韓牛里脊定食
而「韓牛里脊定食」入面就包括頭先提及嘅小菜、前菜、沙律、檸檬漬海鮮同1++韓牛西冷。
首先檸檬漬海鮮方面，八爪魚口感軟熟，加上蔬菜夠清新爽口！
而西冷就選用韓國1++韓牛，油脂分佈夠平均，完全唔會韌，而且牛肉味香濃，無論係口感定味道都一流！
韓牛三合定食
「韓牛三合定食」除咗有檸檬漬海鮮，仲有韓牛生牛肉同韓牛三合（韓牛西冷、帶子、黑花菇），餐點非常豐富！
1++韓牛西冷配上味道香濃嘅花菇，仲有煎到啱啱好嘅帶子，口感豐富又juicy，大家更加可以按照喜好自己再煎熟啲食都得！
食生牛肉之前記住同蛋黃撈勻，然後可以配埋甘苔、蘿蔔苗、梨絲食。
招牌與賱定食
最後呢款「招牌與賱定食」主菜就包括頭先介紹過嘅檸檬漬海鮮同韓牛三合，仲另外有雪花韓牛刺身同大麥黃花魚乾。
雪花韓牛刺身肉質鮮嫩，而且因為夠新鮮，完全唔會有奇怪腥味，每塊刺身上面仲有金箔，非常高級。
而大麥黃花魚乾雖然叫做“魚乾”，不過完全唔會乾柴，反而魚肉夠濕潤鹹香，記住一定要配飯食（超送飯！）
另外所有定食都會包一個白蘿蔔釜飯或者大醬粥，小編就揀咗白蘿蔔釜飯。大家可以將小菜放埋落去，然後淋少少醬汁撈勻，再𢳂落碗度食。淨返嘅飯焦就可以叫職員幫大家倒少少熱水落去，最後當飯焦湯咁食，夠曬暖胃。
小編非常推薦大家配埋辣醬蟹一齊食，蟹肉鮮甜得嚟醬汁夠惹味，一碗飯幾啖就食完！
如果大家都想食返餐豐富嘅韓國料理，或者會同長輩一齊嚟韓國玩，非常推薦大家嚟汝矣島「與賱館」食正宗韓定食！
汝矣島「與賱館」前往方法
汝矣島站（여의도역）5號出口出。
向出口反方向行。
轉左。
直行。
過馬路。
轉左。
直行。
轉右。
過馬路。
直行。
轉右。
見到呢個綠色招牌就差唔多到啦！
行入隔離 Food Square，落一層。
咁就去到「與賱館」啦！
撳我預約👇🏻
以上係汝矣島「與賱館」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com