Hello，大家好，我哋係由韓國人每日提供最新韓國旅行資訊嘅Creatrip。
弘大真係有好多間餐廳，食極都仲有好多好嘢食！之前小編去咗一間叫「胖胖豬烤肉」嘅韓燒餐廳食燒肉，呢間餐廳位於弘大主街，喺地鐵站行幾步路就到。一齊睇吓到底環境同食物質素如何啦！
撳我睇Menu&預約詳情👇🏻
弘大「胖胖豬烤肉」基本資訊
- 地址：서울 마포구 어울마당로 126-1 1F, B1F
- 營業時間：11:00 - 02:00（Last Order 01:00）
弘大「胖胖豬烤肉」實地探訪
弘大燒肉餐廳「胖胖豬烤肉」位於弘大主街，喺弘大入口站行2分鐘就到！最近佢哋翻新過裝修，餐廳環境非常闊落同乾淨，而且有好多位，就算係一大班人嚟都可以坐得舒服！
每一張枱都有部平板電腦可以直接叫嘢食，仲有相可以參考，就算唔識韓文都唔洗擔心！
大腸頭+胖胖烤肉拼盤
小編同朋友叫咗一份大腸頭+胖胖烤肉拼盤，烤肉拼盤入面有五花肉、豬頸肉同豬臉頰肉，可以同時食到幾款肉唔洗十五十六XD 另外基本小菜有醃洋葱、芽菜、粟米沙律、辣蘿蔔絲同各種可以用嚟包肉嘅蔬菜，大家可以自由mix and match！
正式開始燒肉啦！因為大腸頭要燒耐啲先食得，所以大家可以一次過放上烤盤，然後先食豬肉，最後先食大腸頭。
另外「胖胖豬烤肉」都有另外設有一個自助吧，如果小菜唔夠可以自己嚟攞（唔洗加錢㗎！）小編推薦大家可以攞個鐵碗裝啲蒜頭，然後加麻油落去，再放上烤盤加熱，熟咗嘅蒜頭同燒肉真係好夾！
肉燒到金黃色之後就可以開餐啦！大家可以齋點鹽或者包飯醬食，或者用菜包住肉同各種小菜，一啖食落肚真係好滿足！
大家記住唔好掛住食肉，當大腸頭燒到差唔多嘅時候就要剪成一口size，再燒多陣就食得！香港嘅大腸都係軟淋淋嘅，但係燒大腸外皮香脆，亦都有咬口，推薦大家點包飯醬食。
豬臉頰肉係「胖胖豬烤肉」嘅招牌Menu，豬肉本身有調味，所以燒嘅時候要小心唔好燒燶！呢款肉嘅口感好特別，配埋洋葱食更加可以解膩！
食燒肉就當然唔少得要飲大醬湯啦！「胖胖豬烤肉」嘅大醬湯用料非常多，而且味道夠濃郁。
另外小編每次食燒肉都會叫多份韓式蒸蛋，而家透過Creatrip預約嘅客人仲可以免費得到一份，記住唔好錯過呢個優惠啦！
大家嚟韓國旅行都一定會去弘大，如果想食燒肉又怕其他餐廳質素冇保證，推薦大家嚟弘大「胖胖豬烤肉」！
弘大「胖胖豬烤肉」前往方法
弘大入口站（홍대입구역）9號出口出。
轉左。
直行。
繼續直行。
轉左。
直行。
咁就去到「胖胖豬烤肉」啦！
撳我預約👇🏻
以上係弘大「胖胖豬烤肉」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
