[KDCA] 2024 Q-CODE指南&最新重點檢疫管理地區清單

Hello，大家好，我哋係由韓國人每日提供最新韓國旅行資訊嘅Creatrip。

最近plan緊嚟韓國旅行？之前疫情嚴重嘅時候嚟玩嘅話都要整呢樣個樣先可以入境，搞到而家都好多人問小編：到底而家去韓國洗唔洗整Q-CODE？到底咩係Q-CODE、又有邊個要整？就等小編今日一次過解答大家嘅疑問啦！

Q-CODE係咩 ?

Q-CODE係一個電子檢疫系統，俾旅客入境韓國之前可以事先填寫個人詳細資料同健康狀況。填完之後會收到一個QR CODE，過關嘅時候向職員出示就得。

為防止傳染病擴散，如果你之前曾經去過重點檢疫管理地區（例如曾經/正在爆發瘟疫、動物流感、MERS等地區），或者曾經喺上述地區轉機，必須提交Q-CODE先可以入境韓國！

Q-CODE電子檢疫登記方法

※因為現場人流較多，可能需要等候一段長時間先可以成功進行登記，建議入境前事先登記好
※如果你曾經到訪重點檢疫管理地區，必須登記Q-CODE，否則根據檢疫法第12-1條及第41條，你將被罰款高達1,000萬韓幣

整Q-CODE嘅時候可以選擇進行事先登記或者當日去現場登記，不過當然係事先整好會更加方便快捷啦！只要去Q-CODE官網，填寫個人資料同健康狀態，Save低埋最後生成嘅QR CODE就得！提前整定就唔洗喺現場排隊等，可以即刻開始你嘅韓國之旅！

撳我去整Q-CODE

Q-CODE 註冊方法

1. 入境及滯留資訊

• 入境韓國時所使用之交通工具
• 最終出發國家
• 預計抵達韓國日期

2. 檢疫資訊

• 個人資訊（輸入護照上姓名、出生日期、護照號碼，確認是否年滿14歲）
• 在韓國滯留期間住址、聯絡資訊

3. 健康狀況

• 最近21天到訪國家
• 具體健康狀況

2024年下半年
重點檢疫管理地區清單

*截至2024年9月1日（共21個國家）

咩係“重點檢疫管理地區”？

重點檢疫管理地區係被指定為檢疫管理地區當中，擴散緊嘅傳染病具有高度致命性同傳染性，所以需要更加嚴謹嘅檢疫嘅地區。由於呢幾個地區受韓國政府嚴格管理，所以如果你曾經到訪下列重點檢疫管理地區，或者係喺呢幾個地方轉機，入境韓國時必須填寫同提交Q-CODE！

重點檢疫管理地區傳染病&預防指南

※你可以撳以下傳染病名瞭解更多相關資訊
※旅程2個星期內如出現任何傳染病症狀，請致電1339進行諮詢

MERS（中東呼吸綜合症）

• 特點
  • 透過感染者嘅飛沫或呼吸道分泌物傳播
  • 主要症狀包括發燒、咳嗽、呼吸困難、腸胃症狀如腹瀉、噁心和嘔吐
• 預防措施
  • 避免接觸中東野生動物（如雙峯駱駝）
  • 於人流密集地方佩戴口罩
  • 避免食用未煮熟嘅駱駝肉及生駱駝奶
  • 用番梘洗手超過30秒

動物流感

• 特點
  • 因接觸感染流感病毒嘅家禽（雞、鴨等）同豬，以及接觸到受病毒感染嘅物品
  • 主要症狀包括結膜炎、發燒、咳嗽、喉嚨痛、肌肉痛等
  • 如出現呼吸道症狀必須佩戴口罩！
• 預防措施
  • 雞肉、鴨肉同豬肉必須於煮熟後食用
  • 旅行期間參觀農場時避免接觸動物
  • 用番梘洗手超過30秒

瘟疫

• 特點
  • 透過接觸感染瘟疫細菌嘅跳蚤、野生動物（例如老鼠、兔子）進行傳播
  • 主要症狀包括伴隨痛楚嘅淋巴腺腫脹、高燒、倦怠、頭痛、肌肉疼痛、噁心、嘔吐等
  • 前往瘟疫流行地區後，請喺潛伏期（1-7日）內檢查健康狀況
• 預防措施
  • 避免接觸野生動物（老鼠、鼴鼠、兔子）同食生肉
  • 保持生活環境清潔，預防跳蚤
  • 避免與疑似患有瘟疫人士接觸
  • 用番梘洗手超過30秒
  • 保持個人衛生

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購