Hello，大家好，我哋係由韓國人每日提供最新韓國旅行資訊嘅Creatrip。
平時食韓式雞扒應該都食辣炒雞，唔知大家又有冇食過韓式炭烤雞呢？早幾日小編同朋友去咗弘大「Vanga 炭烤雞排」食飯，一齊睇吓同普通烤雞有咩唔同啦！
撳我睇Menu&預約詳情👇🏻
弘大「Vanga 炭烤雞排」基本資訊
- 地址：서울 마포구 어울마당로 147-1
- 營業時間：11:00 - 02:00（Last Order 01:00）
- 可預約時間：11:00 - 00:00
- 語言：韓文、英文
弘大「Vanga 炭烤雞排」實地探訪
今日小編嚟到位於弘大入口站附近嘅「Vanga 炭烤雞排」，喺7號出口行1分鐘就到！呢間餐廳其中一個優點係有中/英文Menu，仲有廁所、免費WiFi同手機充電器，對遊客嚟講夠曬方便！
餐廳環境夠闊落又乾淨，而且仲有落地玻璃，自然光曬入嚟好舒服。
坐低之後大家可以直接用平板電腦叫嘢食，呢度有齊中/英文等多國語言嘅Menu，亦都有相可以參考，就算唔識韓文都唔需要擔心。
叫完嘢食之後職員就會幫大家上小菜同醬料，小菜方面有醃蘇子葉、醃蘿蔔片同沙律。小編個人覺得最特別嘅係呢度嘅碟！呢度嘅碟就好似一個餐盤咁，夠大之餘仲可以唔洗share醬汁，夠衛生又方便！
餐廳亦都有個自助吧，如果醬料或者小菜唔夠都可以自己嚟攞，不過大家記住唔好眼闊肚窄攞太多啊！
餐廳名叫得做「Vanga 炭烤雞排」，就當然唔少得要用真嘅炭嚟燒啦（大家要小心熱啊！）。
透過Creatrip預約之後寫評論，仲可以得到一份熱辣辣嘅炸薯條！
小豬炸茄子
呢度除咗有雞扒，仲有其他菜式，好似呢款小豬炸茄子就係炸豬肉同茄子加鹹鹹辣辣嘅醬，相當惹味！
Vanga套餐 (450g)
小編同朋友叫咗個Vanga套餐，入面有鹽味雞扒、醬油雞扒、辣味雞扒同雞柳，口味夠多！另外小編仲叫咗幾杯Highball，呢度最特別嘅係有傳統米酒Highball，喺其他地方真係冇見過！
燒雞肉嘅時候建議大家先燒雞柳，然後再燒鹽味、醬油味，最後再燒辣味雞扒，不過通常職員都會直接幫大家燒，所以唔洗太擔心。另外雖然雞肉已經燒過一次，不過始終都係雞肉，燒熟啲先好食啊！
鹽味雞扒食落比較清淡，不過就可以食到雞肉原味，重點係唔會騷！推薦大家點呢度嘅特製柚子香蒜醬汁，酸酸甜甜夠開胃！
醬油雞扒味道鹹鹹甜甜，加埋炭香味一流，大人細路都會鍾意！
最後辣味雞扒味道比較濃，雖然睇落好紅，不過其實唔算好辣，連唔係好食得辣嘅小編都覺得OK！
如果大家鍾意食蘇子葉，小編推薦大家可以用醃蘇子葉包住雞扒，然後再點柚子香蒜醬汁食！
如果想再飽肚啲，可以叫埋水冷麵，熱辣辣嘅雞扒配涼浸浸嘅冷麵食真係好夾！
如果大家咁啱會去弘大，又唔想食嚟食去都係嗰幾間餐廳，推薦大家可以嚟「Vanga 炭烤雞排」試吓新口味！
弘大「Vanga 炭烤雞排」前往方法
弘大入口站（홍대입구역）7號出口出。
落樓梯。
跟住紅色路轉右。
直行。
繼續直行。
咁就去到弘大「Vanga 炭烤雞排」啦！
撳我預約👇🏻
以上係弘大「Vanga 炭烤雞排」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
