清潭妝髮體驗 | OLLY
由韓星御用造型師專人為你服務！化返個偶像/演員style妝，變身韓國明星啦！
Hello，大家好，我哋係由韓國人每日提供最新韓國旅行資訊嘅Creatrip。
韓國明星無論係化妝定髮型都勁精緻，相信唔少朋友都會想親身體驗吓！今日小編嚟到位於首爾清潭洞嘅韓星御用化妝Studio「OLLY」體驗韓式妝髮，一齊睇小編大變身啦！
撳我睇預約詳情👇🏻
清潭妝髮體驗「OLLY」基本資訊
- 地址：서울 강남구 선릉로152길21 5F
- 營業時間：
- 星期二至六 10:00-18:00
- 星期日 10:00-17:00
清潭妝髮體驗「OLLY」化妝師履歷
※更多韓星範例圖可以參考@zzolly_ing
韓劇&電影
雜誌&廣告
婚紗相/婚禮
SAKURA
少女時代
ZICO
Block B
B1A4
GOT7
HENRY
DAY6
ELIS
SF9
清潭妝髮體驗「OLLY」實地探訪
小編早前嚟到位於首爾清潭嘅「OLLY」，呢度所有髮型師同化妝師都有同韓國明星合作過，全部都經驗豐富！每個客人都各自會有一個化妝師同一個髮型師，專門幫你化妝Set頭，而且地方夠闊落，令客人可以喺更加舒服嘅環境進行體驗！
喺前台確認好預約之後，職員就會幫你放低隨身物品，仲會提供飲品！小編當日係同朋友一齊去，小編決定化日常妝，而朋友就會化偶像妝。
化妝師會先問大家平時鍾意化咩style嘅妝，然後按照客人需求去化妝。正式開始之前，化妝師仲會幫大家搽好護膚品同妝前底霜，令之後上嘅底妝可以更加貼服！上粉底嘅時候會用到粉底掃同粉撲，咁做可以令底妝更加均匀透薄，睇落妝感更加乾淨！
跟住就會化眼妝，化妝師會用唔同深淺度嘅眼影令雙眼睇落更加深邃，再依照客人喜好幫你畫眼線。因為小編今次揀嘅係日常妝，所以妝感比較自然，唔會化到好誇張。
之後化妝師幫小編痴咗加眼睫毛同上睫毛膏，仲會用燒熱嘅木棍幫睫毛定型。呢個方法小編成日都喺韓國YouTube同節目上面見到，今次終於有機會體驗，不過真心覺得冇返啲技術嘅話好難做到！
下一步係畫眉毛，化妝師幫小編按照臉型修咗條眉之後，真係睇落更加乾淨俐落！
小編個人覺得日常妝嘅重點係自然透薄嘅底妝，呢個都好考化妝師嘅功力！不過因為「OLLY」嘅化妝師個個都經驗豐富，就算上多幾層遮瑕，底妝一樣都好乾淨！最後會上埋highlight同打陰影，令五官更加立體！
搽埋唇膏同噴定妝噴霧之後就大功告成啦！
化完妝之後職員會帶大家去整頭髮，如果大家有特別想整嘅髮型都可以同髮型師講！當日髮型師按照小編嘅臉型，幫小編set咗個睇落有層次又豐盈嘅波浪頭，而且真係會一撮撮咁夾，勁細心！
呢個就係小編嘅最終成果啦！妝容唔會誇張夠自然，而髮型亦都可以修飾到臉型，小編整完好滿意！
之後就輪到小編朋友化偶像妝，開始之前小編朋友有show幾張參考圖俾化妝師，化妝師會再根據返客人本身五官去做調整，夠曬客製化！同頭先一樣，化妝師會先幫大家搽護膚品同妝前底霜，然後再用遮瑕力比較高嘅粉底幫大家上底妝。
之後就會化眼妝，執一執眉毛同痴假眼睫毛。因為係偶像妝，所以成個妝感會比起頭先小編化嘅日常妝更加濃，五官亦都會更加突出。
然後就會上highlight、陰影，同埋偶像妝絕對唔少得嘅胭脂，一搽完胭脂就好似打咗燈咁，成個妝睇落更加有活力同sharp！
再加埋閃粉同搽唇膏，化妝呢部分就大功告成啦！
化完妝之後就可以去整頭髮，價錢入面包嘅髮型服務係整波浪頭，不過小編建議大家如果想100%還原韓國偶像造型，可以好似小編朋友咁喺現場加錢紥頭髮！
呢個就係小編朋友嘅最終成果，係唔係好cute呢！平時真係好少有機會化咁精緻嘅妝+set個咁cute嘅頭，小編朋友都話覺得好滿意，整完即刻影咗勁多張相XD
難得一場嚟到韓國玩，如果大家都想體驗韓式妝髮服務，推薦大家嚟清潭「OLLY」！
清潭妝髮體驗「OLLY」前往方法
狎鷗亭羅德奧站（압구정로데오역）4號出口出。
直行。
轉左。
上斜路。
見到Starbucks之後轉右。
直行。
轉左。
行入WOLFGANG'S STEAKHOUSE棟大廈，上5樓就會去到「OLLY」啦！
撳我預約👇🏻
以上係清潭妝髮體驗「OLLY」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com