Hello，大家好，我哋係由韓國人每日提供最新韓國旅行資訊嘅Creatrip。
自從KPOP同韓劇風靡全球之後，好多人都開始關注韓國文化！唔少朋友嚟韓國旅行都會去Cafe，今日小編諗住帶大家去由國際咖啡師比賽得獎者主理嘅江南Cafe「AYA COFFEE」嘆返杯咖啡！
撳我下載優惠券👇🏻
江南「AYA COFFEE」基本資訊
- 地址：서울 강남구 언주로94길 11
- 營業時間：
- 星期一至五 07:00-18:00
- 星期六及日 11:00-18:00
- 語言：韓文、英文、日文
江南「AYA COFFEE」實地探訪
今日小編嚟到位於江南宣陵站同驛三站交界嘅Cafe 「AYA COFFEE」，老闆話呢度所有咖啡豆都係自家烘焙，有好多咖啡發燒友都會專程嚟飲咖啡，仲可以親眼睇到烘焙咖啡豆嘅過程，超特別！
Cafe裝修以白色為主調，大家仲會發現到牆上有一個Silver Button，原來老闆係一個有超過19萬訂閲嘅YouTuber！除此之外，呢度嘅咖啡師曾經喺國際咖啡師大會獲得唔少獎項，實力有目共睹！
「AYA COFFEE」Menu相當之多樣化，就算唔飲咖啡都有好多選擇，而且仲有英文餐牌，唔識韓文都唔需要擔心！
而家出示Creatrip優惠券仲可以享用全單9折優惠，大家記住唔好錯過啦！而家等小編一一介紹呢度嘅招牌Menu啦！
AYA COFFEE
呢度其中一款招牌飲品係同Cafe一樣名嘅AYA COFFEE，用親手熬製嘅焦糖，加上鮮奶、忌廉同咖啡，連平時唔點飲咖啡嘅小編朋友都覺得好味！大家可以先𢳂一啖忌廉食，然後再飲咖啡，甜甜地又可以飲到香濃咖啡味。
SUMMER HUNTER
小編同朋友叫嘅第二杯飲品叫做SUMMER HUNTER，下面係蜂蜜加牛奶，而上面啡色嘅係咖啡冰，飲落好涼爽夠消暑！
水蜜桃冰茶
如果對咖啡或者奶類飲品冇咩興趣，不妨可以叫水蜜桃冰茶，唔止影得，味道都同普通連鎖Cafe賣嘅唔太一樣夠特別！
牛角包窩夫
幾年前開始牛角包窩夫喺韓國好流行，幾乎每間Cafe都有賣。而「AYA COFFEE」嘅牛角包窩夫上面仲有Häagen-Dazs雪糕同焦糖醬，冰火交融勁正！
抹茶鮮奶
小編平時去Cafe都鍾意叫抹茶鮮奶飲，「AYA COFFEE」嘅最大優點係唔會齋得甜味，抹茶味夠濃之餘飲落會回甘！
Dalgona糖餅鮮奶
韓國糖餅Dalgona因為《魷魚遊戲》而喺全球爆紅，大家喺「AYA COFFEE」都可以試到啦！呢款飲品上面放滿脆口糖餅，大家可以分開食，或者同鮮奶溝勻~
原味 Crookie / 抹茶 Crookie
最近韓國好流行一種叫Crookie（크루키）嘅甜品，由Croissant（牛角包）同Cookie（曲奇餅）組成，小編一直都好想試，今次終於有機會啦！
小編本身以為得牛角包面頭有曲奇，原來入面都有曲奇麵糰，酥脆嘅牛角包配上煙韌嘅曲奇，口感多樣化又特別！如果大家plan住嚟「AYA COFFEE」，記住一定唔可以錯過！
拉花鮮奶咖啡
頭先都有講到「AYA COFFEE」嘅咖啡師曾經喺國際咖啡比賽攞過獎，所以當然唔少得要叫幾杯咖啡嚟飲啦！首先拉花鮮奶咖啡上面嘅花紋真係好靚，令人唔捨得飲... 不過呢杯咖啡當然唔係得個睇字啦，味道夠香濃，咖啡同鮮奶比例都啱啱好！
美式咖啡
講起韓國咖啡當然唔少得凍美式咖啡啦！因為「AYA COFFEE」用嘅係自家烘焙咖啡豆，所以味道更加香，而且唔會好苦澀，唔怪得會有咁多客人專程嚟嘆咖啡！
黑芝麻忌廉鮮奶咖啡
另外小編都想推薦呢款黑芝麻忌廉鮮奶咖啡俾大家，鮮奶咖啡上面有一層黑芝麻味勁香嘅Cream，香甜忌廉同咖啡苦味好夾！
青提子梳打
熱情果梳打
另外呢度嘅水果梳打全部都係用新鮮水果整成，唔係普通現成糖漿！所以上面呢兩款梳打都可以食到果肉，有啲嘢咬吓之餘味道夠鮮甜清涼，夏天飲超舒服！
天氣好嘅時候，大家仲可以坐喺室外一邊曬太陽，一邊同朋友嘆咖啡同吹水！無論係鍾意飲咖啡，定係想體驗韓國Cafe文化，都非常推薦大家嚟江南「AYA COFFEE」！
江南「AYA COFFEE」前往方法
撳我下載優惠券👇🏻
如果有更多想知嘅內容，都可以隨時留言或者dm話俾我哋知：）
Mail：help@creatrip.com
