想喺首爾整個啱自己嘅韓式髮型？ONYAD HAIR髮型體驗及預約攻略
而家韓國年輕人唔再只係跟潮流整頭髮！帶你了解個人化諮詢專家ONYAD HAIR成為首爾人氣韓式髮型屋之一嘅箇中原因
- 而家揀韓式髮型，唔再只係睇流唔流行？
- ONYAD HAIR個人化髮型諮詢
- ONYAD HAIR小編實地探訪體驗
- ONYAD HAIR分店資訊整理
- ONYAD HAIR點解適合香港人去體驗？
- 去ONYAD HAIR前小貼士
- ONYAD HAIR預約常見問題FAQ
去韓國旅行嘅時候，不少人都會順便安排去髮型屋整頭髮。而近年越嚟越多人唔再只係想「試下韓國流行髮型」，而係想搵到更適合自己、日常都容易整理嘅造型。
小編自己本身以前去開嘅髮型屋都係簡單睇參考圖片就直接開始整頭髮，所以一直都搵唔到一個最襯自己嘅髮型。不過早排發現到「ONYAD HAIR」呢間出名做個人化諮詢嘅髮廊，親自去過一次之後發現呢度由髮色建議、剪裁方向，到頭皮同髮質狀態都會幫你分析！
到底上次去「ONYAD HAIR」實際過程係點，點解最近咁多韓仔韓妹都會專程去呢間髮型屋整頭髮？今日就等小編一次過話你知啦！
而家揀韓式髮型，唔再只係睇流唔流行？
近呢一兩年，韓國髮型潮流其中一個明顯變化，就係大家關心嘅已經唔止係「今年流行咩髮型」，而係呢個髮型放喺自己身上會唔會好睇。即使同樣係韓式層次剪裁、啡色系染髮或者自然捲度，因為臉型、五官比例、膚色同髮質唔同，做出嚟嘅效果都可以差好遠。
所以而家越嚟越多人揀髮型都唔再只係睇明星相或者網上流行款，而係更重視髮型師可唔可以按自己條件去調整。比起直接照搬一個款，更多人想要嘅其實係保留韓式感覺之餘，再做出一個更自然、更容易打理、亦更適合自己嘅髮型。
對香港人嚟講尤其係咁。既然特登去到韓國整頭髮，好多人都會希望唔止係試一個流行款，而係搵到真正襯自己、之後返到香港都可以繼續維持嘅造型方向。亦因為咁，而家受歡迎嘅韓國髮型屋，通常都唔止係做得潮，而係會更重視諮詢同個人分析。
而今日要介紹嘅「ONYAD HAIR」受韓國年輕人歡迎嘅其中一個原因，正正就係佢哋會結合韓國髮型潮流，同客人本身嘅輪廓、氣質同生活習慣去調整造型！
ONYAD HAIR個人化髮型諮詢
「ONYAD HAIR」同一般韓國髮型屋唔同嘅地方在於佢哋非常注重療程前嘅諮詢環節。透過獨家「ONSULTING」個人化諮詢方式先了解你本身需求同條件，再將你想要嘅韓系感覺調整成更適合你嘅版本。
諮詢時唔會只睇你想剪咩款、染咩色，而係會連臉型、五官比例、頭髮狀態，同平時打理頭髮嘅習慣都會一齊考慮。重點唔止係做出一個流行造型，而係搵出一個既啱你、之後又容易維持嘅方向。
「ONYAD HAIR」另一個核心理念係唔會將剪髮、電髮、染髮分開獨立咁睇，而係更著重整體感覺同印象設計。亦因為咁，「ONYAD HAIR」俾人嘅感覺唔止係一間夠潮嘅韓國髮型屋，而係一間可以同時提供潮流感同個人化諮詢嘅salon。
ONYAD HAIR小編實地探訪體驗
最近開始轉季想去換個新髮型，上網見到好多韓妹髮型都好靚，但係唔知到底係唔係真係襯自己，所以一直都冇去整。
比起單純剪電染，小編自己更加想搵一間可以幫我貼身設計髮型，兼顧造型同頭髮健康嘅髮型屋，最後就揀咗去位於首爾林站2號出口附近嘅ONYAD HAIR總店！
髮型屋位於2樓同3樓，入到去之後第一印象係呢度整體空間好開揚，反而更似一間cafe或者showroom。最令人印象深刻嘅係有一塊大落地窗，自然光加上文青簡約風嘅裝修，整體環境令人覺得好舒服。
等咗一陣之後，職員就先帶咗小編去儲物櫃放低隨身物品，然後就可以坐低準備做諮詢。正式開始前仲會提供咖啡/茶同零食，等大家可以一邊整頭髮一邊食，就算過程時間比較長，體驗都會更加舒服，亦更有被照顧到嘅感覺。
平時去髮型屋整頭髮，通常都係坐低之後話比髮型師知想整咩髮型，或者直接俾參考圖片佢睇，簡單傾好方向就會直接開始整頭髮。
但令小編幾驚訝嘅係ONYAD HAIR會提供一份問卷（有英文版），除咗會問日常打扮風格、想整咩髮型等等之外，仲會問埋平時會點打理頭髮、生活習慣等等。之後就會有職員幫手量度臉部長度同五官比例，甚至會用一部皮膚測色儀幫你搵出Personal Colour。
填完之後就會同髮型師進行詳細諮詢。小編今次係想修剪同染頭髮，比較印象深刻嘅係髮型師唔係直接問想染咩色、剪咩髮型，而係會一齊分析邊款髮型同顏色最能夠突出五官優點，同時維持個人風格。
最後髮型師建議小編染Matte Brown霧感啡色。比起直接推薦流行色，髮型師會先解釋點解呢類啡調會令膚色睇落更乾淨，同時令五官輪廓更突出。而且髮型師唔係直接照用同一款染膏，而係按小編本身嘅風格同個人色調再作細微調整，務求令最後出嚟嘅色調更加襯返我。
另外因為髮型師見到我頭皮比較乾燥，所以另外幫我安排咗頭皮SPA。做頭皮SPA之前會先做頭皮檢測，髮型師話小編本身頭皮比較紅同敏感，所以最後建議做返個智慧頭皮SPA療程，當中包括深層清潔、補水同營養護理等9個步驟，做完之後頭皮感覺更加清爽同冇咁痕！
最後髮型師會根據五官比例修剪頭髮，小編亦都有另外同髮型師講話想修飾返臉型，遮住包包臉，所以最後就剪咗一個比較有層次，同時可以令臉型顯瘦嘅髮型。
BEFORE / AFTER
再set埋個頭就大功告成！成個流程比想像中更仔細，而且感覺上唔單止係整咗個襯自己，同時保留到自然韓系風格嘅新髮型，更加似係有位專家幫自己一步一步整理出更加適合自己嘅造型方向。
ONYAD HAIR分店資訊整理
小編上次去嘅係ONYAD HAIR首爾林總店，但其實佢哋喺聖水、狎鷗亭同江南都另外有4間分店。因為每間分店都會沿用同一套獨家諮詢流程，而且服務質素都有保障，所以大家根據行程路線等因素決定去任何一間，都可以享受到高質美髮服務！
ONYAD HAIR 聖水1號店（首爾林總店）
- 地址： 서울 성동구 왕십리로 66-10 2F
- 營業時間：星期一、三至日 11:00-20:00
- 前往方法： 首爾林站（서울숲역）2號出口行1分鐘
- 服務語言：韓文、英文
更多參考圖片&真實顧客評論👇🏻
ONYAD HAIR 聖水2號店（聖水店）
- 地址： 서울 성동구 성수일로8길 39-1 2F
- 營業時間：星期一、三至日 11:00-20:00
- 前往方法： 聖水站(성수역)1號出口行1分鐘
- 服務語言：韓文、英文
更多參考圖片&真實顧客評論👇🏻
ONYAD HAIR 聖水3號店（聖水延武場店）
- 地址： 서울 성동구 연무장13길 4 4F
- 營業時間： 星期一、三至日 11:00-20:00
- 前往方法： 聖水站（성수역）3號出口行5分鐘
- 服務語言：韓文、英文
更多參考圖片&真實顧客評論👇🏻
ONYAD HAIR 狎鷗亭羅德奧店
- 地址： 서울 강남구 도산대로53길 19 2F
- 營業時間：星期一、三至日 11:00-20:00
- 前往方法： 狎鷗亭羅德奧站（압구정로데오역）5號出口行5分鐘
- 服務語言：韓文
更多參考圖片&真實顧客評論👇🏻
ONYAD HAIR 江南店
- 地址： 서울 강남구 강남대로98길 28 2F
- 營業時間：星期一、三至日 11:00-20:00
- 前往方法： 江南站(강남역)11號出口行6分鐘
- 服務語言：韓文
ONYAD HAIR點解適合香港人去體驗？
對好多香港人嚟講，韓式髮型吸引人嘅地方，唔止係夠潮，仲因為佢通常更重視輪廓感、空氣感同整體氣質。不過真正重要嘅唔係跟唔跟到流行，而係可唔可以調整成一個真係襯自己嘅版本。
再加上香港天氣偏濕熱，髮型嘅持久度同整理難度都會直接影響實際體驗，所以比起單純追求做完當下好唔好睇，之後日常易唔易打理其實同樣重要。
ONYAD HAIR吸引人嘅地方，正正係佢哋唔會單純照住流行款去做，而係會先了解客人嘅條件，再調整出更適合個人輪廓同氣質嘅髮型。而且唔止重視當下效果，仲會連之後嘅整理同維持一齊考慮。如果你想要嘅唔止係一個流行款，而係一個更適合自己、返到香港都可以輕鬆打理嘅韓式造型，小編會推薦大家考慮去ONYAD HAIR！
去ONYAD HAIR前小貼士
➀ Creatrip獨家9折優惠
如果透過Creatrip預約上述ONYAD HAIR分店，體驗後喺Creatrip網站同Google填寫評論，即可獲得10%折扣優惠，可以用更優惠價錢體驗高質韓式美髮服務！
※上述優惠不適用於剪髮
※優惠可能會隨時變更或結束，請於預約頁面確認最新資訊
➁ 諗清楚自己想要咩風格，再準備2至3張參考圖片
去到現場之後，如果只係用文字形容「想自然啲」、「想短啲」等等，其實有時未必容易講得夠清楚。如果你有一個明確想要嘅風格方向，建議預先準備2至3張參考圖片，最好可以包括正面、側面，同時突顯出你希望整嘅風格，方便髮型師更準確理解你鍾意嘅感覺，再按你本身條件去調整。當然如果你冇任何頭緒，想專業髮型師幫你從頭設計都可以！
➂ 瞭解自己平時日常打理頭髮方式
髮型好唔好睇，唔止取決於髮廊做出嚟嘅效果，亦同你日常會點整理有關。而且因為去ONYAD HAIR諮詢嘅時候需要填一份問卷，上面會問你有關日常打理頭髮嘅習慣。所以建議大家去之前可以先諗下自己平時會唔會吹整、會唔會用捲髮棒等等，令髮型師可以幫你設計一個更加貼合你日常、方便打理嘅髮型。
➃ 提前講清楚最近嘅電髮或者漂染經歷
如果你最近電過或者漂染過頭髮，建議一開始諮詢時就要主動同髮型師講！因為之前做過嘅療程會直接影響今次可唔可以再做某啲項目、適合做咩程度，同最後效果穩唔穩定。尤其如果之前有漂染，髮質狀態對顏色出唔出、術後受損程度都會有明顯影響。
ONYAD HAIR預約常見問題FAQ
| Q1. ONYAD HAIR同一般韓國髮型屋有咩分別？
A：ONYAD HAIR同一般韓國髮型屋最大分別係佢哋唔係只做流行款式，而係會按客人嘅臉型、五官、膚色、髮質、頭皮狀態同平時整理習慣，調整出更適合客人嘅版本。
| Q2. 唔識韓文嘅話，去ONYAD HAIR做唔做到髮型諮詢？
A：可以，特別係首爾林總店、聖水店、聖水延武場店都會提供基本英文服務，有需要都可以用翻譯器幫手。另外建議帶定2-3張參考圖片，方便髮型師瞭解你想整嘅風格。
| Q3. 有髮質受損或者頭皮敏感問題，都可以去ONYAD HAIR體驗？
A：可以，亦建議一開始就同髮型師講定。因為ONYAD HAIR唔止睇造型效果，為你設計髮型同推薦項目嘅時候亦會一併考慮埋頭皮同頭髮狀態。好似小編咁上次去染髮後亦有做頭皮診斷同護理！
| Q4. 喺ONYAD HAIR剪髮、染髮、漂髮同電髮通常需要幾耐？
A：會因應項目同頭髮狀況而有所不同。以長髮為標準，剪髮需時約40分鐘，染髮同漂髮就需要120分鐘，電髮就需要180分鐘或以上。建議預留更多時間，唔好將行程排得太緊。
| Q5. 邊度有ONYAD HAIR分店？
A：ONYAD HAIR目前有5間分店，分別係首爾林總店、聖水店、聖水延武場店、狎鷗亭羅德奧店同江南店。全部營業時間都係 11:00-20:00，逢星期二休息，大家安排行程前可以參考。
| Q6. ONYAD HAIR應該要提早幾多預約？
A：如果你有指定日期或者時間，建議早啲預約。尤其係週末或者旅遊旺季，熱門時段通常都會比較快滿。
| Q7. ONYAD HAIR幾時去會比較舒服？
A：如果想有比較充裕嘅時間做諮詢同整理，平日同週末都可以優先考慮上午11點至1點，或者下午4點至5點呢兩段時間。尤其係染髮、電髮呢類比較花時間嘅項目，預留充足時間會舒服好多。
今日介紹嘅ONYAD HAIR唔係單純幫你做一個流行髮型嘅韓國髮廊，而係會透過詳細諮詢，同你一齊搵到更適合自己嘅造型方向。對鍾意韓國髮型、但又想配合自己輪廓同氣質去調整嘅香港人嚟講，會係一個幾值得考慮嘅選擇。
預約之前記住唔好錯過Creatrip獨家優惠活動，亦可以去ONYAD HAIR各大分店預約頁面睇更多參考圖片，搵出最適合你嘅髮型啦！
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
