龍山美食 | 赤土發酵烤肉
超特別赤土陶瓷甕熟成豬肉！BTS RM都係呢度嘅熟客！
Hello，大家好，我哋係由韓國人每日提供最新韓國旅行資訊嘅Creatrip。
覺得燒肉食嚟食去都一樣？今日就等小編介紹一間特色燒肉餐廳 —— 「赤土發酵烤肉」俾大家啦！「赤土發酵烤肉」主打韓國傳統發酵熟成美食，無論係小菜、魚醬，定豬肉全部都會先用特製醬料喺陶瓷甕入面進行熟成，令味道更加濃郁，烹調方法夠曬特別！如果想體驗正宗韓國美食，咁就唔可以錯過今日嘅介紹啦！
撳我睇Menu&預約詳情👇🏻
龍山「赤土發酵烤肉」基本資訊
- 地址：서울 용산구 한강대로 14길 12 B1-2F
- 營業時間：
- 星期一至五 17:00-22:00
- 星期六、日及公眾假期 11:30-22:00（Break Time 15:00-17:00）
- 語言：韓文、英文
龍山「赤土發酵烤肉」實地探訪
今日小編嚟到位於龍山嘅「赤土發酵烤肉」！赤土顧名思義即係紅色嘅土，呢種土入面蘊含大量鐵質，可以促進發酵過程之餘仲會吸收多餘水分。如果將豬肉放入用赤土整成嘅甕入面熟成，唔單止可以鎖住肉汁，仲可以令豬肉風味更加濃郁！
行到入餐廳第一眼會見到嘅係放滿韓國傳統酒嘅陳列架，加上裝修亦都有融合韓國傳統元素，高級得嚟又特別！
靜靜雞話俾大家知，BTS公司HYBE嘅大樓就喺「赤土發酵烤肉」附近，所以唔少明星都會喺呢度食飯，大家仲可以見到有BTS成員RM嘅簽名！
「赤土發酵烤肉」有3層，1樓有個超大燒烤架，亦都有bar枱位可以坐。職員會全程幫大家燒肉，大家只要等食就得！
而2樓就係普通座位，環境開揚，而且自然光夠曬靚！
地下B1/F嘅感覺又同上面兩層唔同，呢度都有唔少枱，仲有展出各種傳統瓷器同陶瓷甕，就好似去咗博物館咁XD 因為陶瓷甕可以調節微生物活動，所以韓國人由好耐之前開始就已經會用陶瓷甕發酵泡菜、酒、醬料同魚醬。
食燒肉最怕連外套都會索曬燒肉味，大家可以將隨身行李同外套都放入櫈入面，唔洗怕冇位放袋！
「赤土發酵烤肉」另一個特點係佢哋嘅烤盤係用陶瓷整成，同普通同鐵盤燒出嚟嘅感覺好唔同！
叫完嘢食之後職員首先會即場將喺陶瓷甕入面熟成好嘅豬肉攞出嚟，然後先用大火燒一次肉，咁做可以鎖住肉汁！
將燒過一次嘅肉放喺烤盤上面燒多陣就可以開餐啦！小編建議如果2個人嚟嘅話可以叫2份五花肉，或者1份五花肉+1份梅花肉。鍾意飲酒嘅朋友們亦都可以叫埋呢度專賣嘅韓國傳統酒，一次過體驗韓國傳統飲食同酒類文化！
「赤土發酵烤肉」亦都有提供唔少同燒肉好夾嘅配菜，包括醃洋葱、白泡菜、蒜蓉紫蘇葉同涼拌茴芹。
另外仲有鯡魚子醬同芥末籽醬，可以突顯肉香之餘仲同平時食開嘅味道好唔同，非常特別！
大家可以自由mix and match，睇吓自己最鍾意邊種配搭！
小編亦都推薦大家將大葱泡菜放上烤盤度用豬油燒熟之後再食，會更加容易入口之餘仲可以食到大葱同肉汁嘅鮮甜。
「赤土發酵烤肉」嘅主食種類都多，就等小編一一介紹啦！首先呢款大醬湯特別之處係加咗清國醬，而且亦都有唔少牛肉，所以湯頭會更加濃郁！
蕎麥冷麵蘇子油味香，而且湯夠清爽冰涼，同熱辣辣嘅燒肉好夾！呢度仲另外有辣拌蕎麥麵、豆腐火鍋等等任君選擇。
食完燒肉當然要食埋炒飯先叫完滿啦！炒飯味道同泡菜炒飯差唔多，職員炒完仲會將炒飯整成一個心心，俾大家相機食先XD
如果大家有機會嚟到龍山附近，或者想食特色韓國燒肉，推薦大家嚟「赤土發酵烤肉」！
龍山「赤土發酵烤肉」前往方法
新龍山站（신용산역）2號出口出。
直行。
繼續直行。
直行到見到斑馬線。
過馬路，然後靠右行。
直行。
繼續直行。
行到便利店，過馬路之後轉左。
咁就去到「赤土發酵烤肉」啦！
撳我預約👇🏻
以上係龍山「赤土發酵烤肉」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Mail：help@creatrip.com