首爾龍山「新羅I'PARK免稅店」介紹
金級會員卡、高達₩160,000優惠券再加₩20,000現金券，三重優惠絕對唔可以錯過！
Hello，大家好，我哋係由韓國人每日提供最新韓國旅行資訊嘅Creatrip。
韓國有好多免稅店，淨係首爾都已經有超多分店。今日小編打算介紹一間大家比較少去，但其實超好行嘅免稅店俾大家！一齊跟住小編去位於龍山嘅「新羅I'PARK免稅店」，記住download埋優惠券去shopping啦！
龍山「新羅I'PARK免稅店」資訊
龍山「新羅I'PARK免稅店」推薦原因
- 有超過500個時裝、珠寶、化妝品等名牌進駐，而且環境闊落，包你行得開心！
- 位於首爾市中心，更加連接住龍山站，直接去搭機場巴士、KTX都夠方便！
- Creatrip成功幫大家爭取到優惠，大家可以用最抵價錢盡情掃貨！
龍山「新羅I'PARK免稅店」優惠
現金券
- 換領期限：即日起至2024年12月31日
- 有效期：需於領取當日使用
- 適用對象：持有本優惠券之外籍自由行客戶
- 適用分店：新羅I'PARK免稅店
- 換領地點：5樓會員中心
※ 需消費USD$50或以上時方可使用
※ 期限內每人僅限使用一次（無法重覆換領或使用）
※ 現金券僅限外籍自由行客戶換領及使用
※ 部份品牌及商品不適用
優惠券
- 換領期限：即日起至2024年12月31日
- 適用對象：持有本優惠券之外籍自由行客戶
- 適用分店：新羅I'PARK免稅店
| 消費滿$100 | 即減₩20,000 |
| 消費滿$200 | 即減₩40,000 |
| 消費滿$300 | 即減₩60,000 |
| 消費滿$500 | 即減₩100,000 |
消費滿$800 | 即減₩160,000 |
※ 期限內每人僅限使用一次（無法重覆換領或使用）
※ 消費時出示上述條碼即可享優惠
※ 部份品牌及商品不適用
※ 指定消費金額為使用優惠券前最終價錢
金級會員卡
- 換領期限：即日起至2024年12月31日
- 有效期：換領日起5年內
- 適用對象：持有本優惠券之外籍自由行客戶
- 適用分店：新羅I'PARK免稅店
- 換領地點：5樓會員中心
※ 最高可享85折優惠
※ 期限內每人僅限使用一次（無法重覆換領或使用）
※ 僅限外籍自由行客戶換領及使用
※ 部份品牌及商品不適用
龍山「新羅I'PARK免稅店」介紹
今日小編帶大家嚟到位於龍山嘅「新羅I'PARK免稅店」！今年Creatrip幫大家爭取到現金券、優惠券同金級會員卡優惠，一齊睇吓要點換領啦！
「新羅I'PARK免稅店」3樓入口右邊有個客戶服務中心，只要scan QR Code就可以知道免稅店每一層有咩鋪頭，不過小編建議大家先去5樓會員中心換領曬所有優惠之後先正式開始掃貨行街。
搭扶手電梯上到5樓之後，跟住上面張圖嘅箭嘴向右邊行，就會見到「MEMBERSHIP DESK」會員中心。
首先要喺入口部機攞籌等叫號碼。
機器隔離有兩塊板寫住各種優惠注意事項，大家要注意唔係所有brand同商品都可以享用優惠！
叫到你個號碼之後就可以向職員出示籌號、護照同Creatrip優惠券。
無論係金級會員卡、現金券定優惠券都唔需要攞住實物周圍走！金級會員卡同現金券會直接連落你個護照號碼，買嘢嘅時候只要出示護照就可以享用優惠。
會員中心附近有儲物櫃，大家可以將大型行李放落去，行街都可以行得輕鬆舒服啲！
3樓有化妝品、香水同名牌手錶品牌進駐。
小編咁啱需要買護膚品，所以就去咗CLINIQUE行，最後就買咗相入面嗰個set。因為咁啱超過咗200美金，所以就可以用到Creatrip ₩40,000優惠券！
好似頭先講嘅咁，俾錢嘅時候只要出示護照就可以想用金級會員卡優惠同現金券，然後再俾埋優惠券畫面俾職員scan條碼就可以折上加折。記住要check收據，睇吓有冇扣啱錢。
4樓係賣時裝同飾物嘅地方，比較特別嘅係呢度有唔少韓國本地品牌，大家盡情行！
有關注開韓國潮流嘅都一定有聽過Martin Kim、WOOALONG同MARITHE，呢幾個牌子都可以喺「新羅I'PARK免稅店」搵到，而且人氣商品全部都有貨，唔洗擔心搵唔到自己想買嘅款。
5樓同樣都係賣時裝同飾物，不過4樓會偏休閒，5樓就係名牌居多。
上到6樓就會見到有唔少韓國化妝品、時裝同飾物品牌，好似Innisfree、Tony Moly、MISSHA、Medilheal等等嘅出名牌子都有！
另外6樓仲有賣各種營養補充劑，不妨買返幾盒返屋企，送禮自用都得！記住要用埋Creatrip x 新羅I'PARK免稅店合作優惠，用最抵價錢掃最多貨返去啦！
「新羅I'PARK免稅店」前往方法
龍山站（용산역）2號出口出。
行出去之後轉右。
直行就到「新羅I'PARK免稅店」啦！
唔好錯過超抵優惠！
以上係龍山「新羅I'PARK免稅店」嘅介紹，有任何問題請先詳讀呢篇文章。
如果睇完之後有任何問題，或者我哋語意或者標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com