而家首爾去釜山只需要2個鐘？
KTX-青龍5月1號正式開通！首爾去光州個半鐘、去釜山只需要2個鐘？！
Hello，大家好，我哋係由韓國人每日提供最新韓國旅行資訊嘅Creatrip。
通常大家嚟韓國玩會去釜山嘅話，一係搭直航機，一係先喺首爾玩幾日再搭KTX去，但係車程通常都要成3個半鐘... 不過今日有個好消息要話俾大家聽，而家由首爾去釜山搭急行列車最快2個鐘頭就可以去到！
想買KTX飛但係睇唔明網上攻略？🧐
首爾-釜山車程縮短至2小時
중앙일보
韓國交通部喺4月1號首度公開KTX最新車型——「KTX-青龍」，亦都宣佈由5月1號開始會正式投入服務！
조선일보
「KTX-青龍」係一架100%用韓國本地技術研發出嚟嘅高速列車，係全韓國目前為止行駛速度最快嘅列車，最高速度可以達到時速352公里，行駛時亦都可以維持最高320km/h嘅速度。
另外最特別嘅係「KTX-青龍」係一架動力分散式列車，將動力分布喺多個車廂，所以唔似普通動力集中式列車咁係由車頭牽引成架列車。唔單止加速速度比較快，仲唔需要火車頭安裝發動裝置，所以座位數量比起其他列車多出35%。
이투데이
而韓國鐵路公司Korail亦都喺22號舉辦咗新列車試坐活動，唔少人都話座位同座位之間距離變得更加闊落，而且車廂入面亦都有電話充電設備同220V插座，每排座位隔離都會有窗，整體感覺會舒服過現有列車。
머니투데이
由5月1號開始將會有16架「KTX-青龍」列車分別投入京釜線（首爾↔釜山）同湖南線（龍山↔光州松汀）服務，如果係搭「KTX-青龍」，來回首爾同釜山只需要2小時17分鐘，而來回龍山站同光州松汀站就只需要個半鐘！
중앙일보
京釜線星期一至四會有2班列車係「KTX-青龍」急行高速列車，星期五至日就會有4班，而湖南線就得星期一至四會有2班車，費用同普通列車相同，大家可以參考以下時間表。
湖南線（龍山↔光州松亭） [只停靠龍山、益山、光州松亭] | |
星期一至四 | |
龍山出發 | 光州松亭出發 |
16:08 | 18:26 |
到達光州松亭 | 到達龍山 |
17:44 | 20:08 |
京釜線（首爾↔釜山） [只停靠首爾、大田、東大邱、釜山] | |||
星期一至四 | |||
首爾出發 | 釜山出發 | ||
08:58 | 12:35 | ||
到達釜山 | 到達首爾 | ||
11:15 | 14:59 | ||
星期五至六 | |||
首爾出發 | 釜山出發 | ||
08:58 | 15:45 | 12:35 | 19:13 |
到達釜山 | 到達首爾 | ||
11:15 | 18:02 | 14:59 | 21:39 |
未來喺2027年將會增加多17架列車，投入其他由水原、仁川開出嘅KTX等路線，有望可以縮短行程時間，無論係對韓國居民定遊客嚟講都會更加方便！
想去首爾外其他城市玩？🧳
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com