弘大香水DIY | Greedy Scent
製作一支獨一無二嘅香水，留低最特別嘅回憶啦！
Hello，大家好，我哋係由韓國人每日提供最新韓國旅行資訊嘅Creatrip。
最近好多韓國人都鍾意同朋友或者另一半去整香水，呢間「Greedy Scent」喺Instagram上面都好出名，今日就等小編帶大家去體驗吓啦！
弘大香水DIY「Greedy Scent」資訊
- 地址：서울시 마포구 동교로38길 26-6 2F
- 營業時間：12:00-20:00
- 可預約時間：12:00-18:00
- 同時段最多預約人數：8人
- 所需時間：約70分鐘
弘大香水DIY「Greedy Scent」推薦原因
- 香味會令人回想起某段特別時光，大家可以透過DIY香水為呢次韓國之旅留低難忘回憶！
- 有36款香氣可以自由配搭，製作出獨一無二屬於你嘅香水！
- 香水樽同包裝夠高級，無論係自用定送禮都一流！
- 弘大地鐵站行5分鐘就到，整完香水仲可以順便喺延南洞玩！
弘大香水DIY「Greedy Scent」價錢
1人 | ₩50,000 (50000) |
弘大香水DIY「Greedy Scent」退款政策
| 預約後至體驗3日前取消 | 全額退款 |
| 體驗2日前取消 | 50%退款 |
| 體驗1日前或當日取消 | 不設退款 |
弘大香水DIY「Greedy Scent」注意事項
- 請最少喺2日前完成預約，你亦可以喺60日前進行預約。
- 請準確選擇日期及時間。
- 請按照人頭數預約，如體驗當日到場人士多於預約數量，將無法入場及進行體驗。
- 為其他客人著想，請唔好太早到（建議最多早10分鐘）。
- 遲到超過20分鐘預約將會自動取消，屆時將不設任何退款。
- 建議當日唔好用香味太濃嘅產品。
- 店內嚴禁飲食。
- 未有提供泊車位。
- 如需更改預約，或有任何疑問，請send email到help@creatrip.com查詢。
弘大香水DIY「Greedy Scent」預約流程
| STEP 1. | |
| STEP 2. | 請確保已選擇正確選項， |
| STEP 3. | 我哋會喺1-2個工作天內確認預約， |
| STEP 4. | 體驗當日請準時到達，向職員出示預約記錄。 |
| STEP 5. | 開始體驗！ |
弘大香水DIY「Greedy Scent」介紹
小編自己本身都好鍾意香水，一直都好想整返支，今次有機會同朋友一齊嚟到位於延南洞嘅「Greedy Scent」，聽講呢間香水工房喺網上好出名，令小編好期待！
開始嘅時候「Greedy Scent」職員會俾一份説明書同表格你，座位面前仲會有一個放滿36種香石嘅架，大家可以逐一試聞，然後揀最鍾意嘅6種香味，分別成為你支香水嘅前、中、後調！
職員全程都會好仔細咁教大家，不過如果大家miss咗聽唔到佢講咩，都可以參考返頭先份説明書，唔洗擔心會整錯。
揀好香味之後就可以將張表格交俾職員，職員就會幫你準備好整香水嘅時候需要用到嘅精油。
一開始當然唔會直接整到成品啦！首先大家可以用呢個膠樽仔，調較好各款香味嘅比例（記住要一滴一滴咁落啊！）。
混合到你最鍾意嘅香味之後，記住要mark低用咗幾多滴，然後職員就會幫你計好個ratio，之後就可以開始正式整香水啦！
跟住職員幫你計嘅gram數調配好之後，將精油倒落香水樽之後交俾職員，職員就會幫你加溶液同酒精，你支獨一無二嘅香水就誕生啦！
最後仲會幫你癡一張「Greedy Scent」label，上面會有你個名！
「Greedy Scent」嘅另外一個受歡迎嘅原因係包裝夠精緻，就好似買咗名牌香水咁！成個體驗大約係70分鐘，而且仲有提供中文、英文同日文服務，對外國遊客嚟講夠曬貼心，就算唔識講韓文都完全冇問題。如果大家都鍾意香水，或者想整嚟送人，推薦大家嚟弘大「Greedy Scent」！
弘大香水DIY「Greedy Scent」前往方法
以上係弘大香水DIY「Greedy Scent」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com